बालिका बलात्कार गर्ने ७० बर्षीय परियार गिरफ्तार

०७१ वैशाख १६ गते, तेह्रथम । एक १७ वर्षीया बालिकालाई बलात्कार गरेको आरोपमा संक्रान्तिबजार गाविस-२ खेलपुर बस्ने ७० वर्षीय अम्मरबहादुर परियारलाई वैशाख १५ गते बेलुकी जिल्ला प्रहरी कार्यालय तेह्रथुमले गिरफ्तार गरी हिरासतमा राखेको छ ।
 
वैशाख १३ गते बालिकालाई आरोपित परियारले बेलुकी आफ्नो घरको काममा सहयोग गर्न बोलाएका थिए । पीडित बालिकालाई आरोपितले घरको ढोका थुनेर बलात्कार गरेको जानकारी पीडितले आफ्नो घरमा पुगेर अभिभावकलाई  दिएपछि पीडित परिवारले वैशाख १४ गते इलाका प्रहरी कार्यालय आठराईमा कानुनी कारबाहीको लागि उजुरी दिएका हुन् ।  
 
प्रहरीले आरोपितलाई तत्काल नै गिरफ्तार गरी जिल्ला प्रहरी हिरासतमा ल्याएको जानकारी प्रहरी सई जीवन बोगटीले दिए । पीडित बालिकाको स्वास्थ्य परीक्षण ईलाका स्वास्थ्य कार्यालय आठराईमा भएकोसोही स्थान बस्ने शिक्षक उमानाथ भण्डारीले बताए ।

भारतीय दलित महिलाको बिषयमा बोलेका रामदेवलाई पक्राउ गर्न माग

Maharashtra EGS Minister Nitin Raut today demanded immediate arrest of Yoga guru Ramdev for his alleged "anti-dalit" and "anti-women" remarks and wrote to PresidentPranab Mukherjee, seeking his intervention.

"Spontaneous protests were taking place in various parts of the country as dalit sentiments have been hurt. Police cases have been filed against Ramdev in Nagpur as well," said Raut, a dalit leader from Nagpur, while addressing a press conference here.Raut said he had urged the President to order Ramdev's arrest immediately and make him appear before the law of the land to pacify the hurt sentiments of the dalits.

Condemning the remarks, Raut said it showed the anti-dalit and anti-women mindset of the RSS and BJP.

"What Narendra Modi cannot talk, BJP is getting Ramdev to say in public," he alleged.

Raut also said that Ramdev had not apologised for his comments but only expressed his regret "in a mocking way" and "the regret has no meaning because what Ramdev wanted to say was deliberate."

He said that Ramdev, who has worked in the field of yoga to heal ailments of people, should not talk politics in such a manner.

"Even though police cases have been filed against Ramdev, EC is not the competent authority to act against him in this case," he said, adding Ramdev should be booked for creating tension between two communities and threatening the social and national unity of the country.

The Minister demanded that President of India should order the concerned authorities to take necessary action and bring Ramdev before the law of the land.

Mumbai Youth Congress also held a dharna against Ramdev at Azad Maidan. Ganesh Kumar Yadav, the youth wing chief demanded that Maharashtra government should ban Ramdev's entry into the state, otherwise it would create law and order problem.

"We also challenge Ramdev to enter Mumbai and conduct his programmes," Yadav said.

Nationalist Congress Party's women's cell chief Vidya Chavan led a protest of the party's women workers at Azad Maidan and condemned Ramdev's remarks.

source:- business-standard

मानव बेचबिखनविरुद्ध अभियानकर्ता तिलसरा सुनार पक्राउ

बाँके, वैशाख १६ -
महिलालाई भारतमा पुर्‍याएर बिक्री गर्ने गिरोह सक्रिय पाइएको छ । उक्त आरोपमा एक अभियानकर्मी नै पक्राउ परेकी छिन् । मानव बेचबिखनविरुद्ध अभियानकर्ता तिलसरा सुनार पक्राउ परेकी हुन् । उनीमाथि अनुसन्धान जारी रहेको समयमा  रुकुम रुघा ३ का २५ वर्षीय तपिलाल बिक (तपेन्द्र सुनार) पक्राउ परेका छन् । अन्य व्यक्तिको खोजी भइरहेको प्रहरीले जनाएको छ ।

प्रहरी नायब उपरीक्षक प्रेमबहादुर बस्नेत नेतृत्वको टोलीले गिरोह बारे सूक्ष्म अनुसन्धान थालेको छ । 'पक्राउ परेका व्यक्तिहरूको बयानबाट महिला बेचबिखनमा गिरोही नै सक्रिय रहेको खुलेको छ,' बस्नेतले भने । बैतडी, काठमाडौं र स्याङ्जाका २० वर्षमुनिका ४ युवतीलाई सिंगापुर, मलेसिया र दुबई पठाइदिने प्रलोभनमा भारत लान खोजेको आरोपमा प्रहरीले तिलसरालाई पक्राउ गरेको थियो । उनीहरूलाई काठमाडौं बोलाई नेपालगन्ज नाकाबाट भारत लान खोजिएको थियो । सीमामा जाँचका क्रममा उनीहरूको उद्धार गरिएको हो ।

तिलसरा मानव बेचबिखनविरुद्धको अभियान चलाउँदै आएको पारालिगल समूहकी सदस्य हुन् । उनलाई विभिन्न संघसंस्थाले आर्थिक सहयोग पनि गर्दै आएका थिए । प्रहरीले उनीविरुद्ध अदालतमा मुद्दा दर्ता गरेको छ । उनी यसअघि वैदेशिक रोजगारमा पुगेर फर्केकी हुन् ।

वैदेशिक रोजगारमा गएका यस क्षेत्रका करिब ४ सय महिला सम्पर्कविहीन छन् । गत वर्ष मात्र खाडीलगायत मुलुकमा लगिएका मध्यपश्चिमका ४ सय १६ महिला वर्षौंदेखि हराइरहेको भन्दै खोजीका लागि परिवारजनले निवेदन दिएका थिए ।

दलित भर्सेज दलित (दाल छोएको विवादमा किशोरको हत्या)

प्रेम नेपाली - जातीय विभेद र छुवाछूतविरुद्ध सरकारी तथा गैरसरकारी क्षेत्रबाट जनचेतना जगाउने काम हुन थालेको वर्षौं बित्यो। तर, यस्ता अभियानको प्रभाव दूरदराजसम्म अझै पुगेको छैन भन्ने पाङ-२, सार्कीथर, पर्वतको एउटा घटनाले छर्लंग पारेको छ। छुवाछूतकै कारण उक्त गाउँका राजेश सार्की, १५, ले ज्यान नै गुमाए। त्यो पनि दलित समुदायका दुई थरबीच भएको भेदभावमा। २१ चैतमा सिकिस्त अवस्थामा अस्पताल लगिएका सार्कीको निधन भएपछि उनकी आमा सन्तुकुमारीका आँखा अझै ओभाएका छैनन्।

छिमेकी चन्द्रबहादुर विकको छोराको व्रतबन्धमा सार्कीले दाल छोइदियो भन्दै दुई पक्षवीच विवाद भएको थियो। कुल देवतालाई चढाउनुपर्ने दाल छोएर बिटुलो पारिदियो भन्दै विश्वकर्मा पक्षले अपमान गरेपछि सार्की युवाले भोजभतेर बहिष्कार गरेका थिए। भोज बहिष्कार गरेको कुरा २१ चैत राती नाचगानका क्रममा फेरि बल्झियो। आक्रोश पोख्दै केही विश्वकर्मा युवाले बन्दै गरेको घरको टिनमा ढुंगामुढा गरे। आफ्नो घरमा आक्रमण गरेको थाहा पाएर त्यहाँ पुगेका राजेशलाई राती मदिराले मात्तिएका युवाले अन्धाधुन्ध आक्रमण गरेको प्रत्यक्षदर्शी शम्भु सार्की बताउँछन्। “हामीसँग निहुँ खोज्ने भन्दै जे पायो त्यसैले हिर्काए,” उनी भन्छन्, “मलाई पनि हिर्काएका थिए, म उठेर भाग्न सकेकाले ज्यान बच्यो।”

लाठी, दाबिलो, फलामको डुम्रोले निर्घात कुटिएका राजेश राती नफर्केपछि खोज्दै जाँदा खाल्डो नजिकै रगताम्य भेटिएका थिए। लगत्तै उनलाई गाउँकै मेडिकल हल, बाग्लुङ अस्पताल र त्यहाँबाट पनि पोखराको मणिपाल शिक्षण अस्पतालमा लगिएको थियो। टाउकोमा गम्भीर चोट लागेका उनको नौ दिनपछि मृत्यु भयो।

अघिपछि मिलेर बस्दै आएका छिमेकीहरू पूजाको दिनमा ठूलो र सानो जात भन्दै विवादमा उत्रिएका थिए। देवतालाई चोखो चढाउनुपर्छ, छोइयो भनेपछि व्रतबन्धमा सहयोग गर्न पुगेका सार्की युवा आफ्नो अपमान भएको भन्दै फर्किएका थिए। मदिराको तालमा दिउँसो दाल छोइदिएको कुरा उठेपछि केही विश्वकर्मा युवा सार्कीलाई ठीक पार्नुपर्छ भन्दै तातिएको स्थानीय प्रत्यक्षदर्शीको भनाइ छ।

समाजमा कथित तल्लो जात भनिएका समुदाय नै आन्तरकि छुवाछूतका कारण आपसमा भिडेपछि सिंगो दलित बस्ती नै शोकमग्न छ अहिले। एक वर्षअघि पति रामबहादुरलाई रक्त क्यान्सर भएर गुमाएकी सन्तुकुमारीका एउटै छोरा पनि रहेनन्। श्री पाङ धैरेनी उमावि कुनाको चौरमा आठ कक्षामा पढ्दै गरेका राजेशले नै खेतीकिसानी र अधियाँ गरेर आमा र दुई बहिनीलाई पाल्दै आएका थिए। घटनाको दिन पनि उनी दिनभर हलो जोत्न खेतमा पुगेका थिए। दिउँसो व्रतबन्धमा छुवाछूतको विषयलाई लिएर विवाद भएको बारे बेखबर उनी राती बन्दै गरेको घरमा आक्रमण भएपछि सम्झाउन पुग्दा मारिएका थिए।

घटनापछि सन्तुकुमारीले दोषीमाथि कारबाहीको माग राख्दै जिल्ला प्रहरी कार्यालय पर्वतमा उजुरी दिएकी छन्। राजेशको मृत्युपछि उनका ठूलो बुबा किरिया बसेका छन्। मावलीको सहयोगमा बन्दै गरेको घर अहिले अलपत्र परेको छ। उता ठूलो र सानो भन्ने विवादमा आफ्नै साथीको हत्या अभियोगमा छोरासहित अन्य युवा पक्राउ परेपछि चन्द्रबहादुरको परिवार पनि पश्चात्तापमा छ। घटनामा संलग्न रहेको अभियोगमा प्रहरीले चन्द्रबहादुरका छोरा रामकृष्ण, विष्णु सुनार, अशोक सुनार, चन्द्रबहादुर विक, अर्मदीका मोहन विक र प्रकाश विकविरुद्व कर्तव्य ज्यानमा मुद्दा दर्ता गरेको छ। अनेक खालका अभियान छेड्ने सामाजिक संघसंस्थाहरू यस घटनाबाट थाहा नपाएजस्तो गरिरहेका छन् । यस्तो बनावटी अनभिज्ञताले समाजमा विभेद बढाउन मात्र प्रोत्साहन मिल्ने स्थानीयको भनाइ छ ।

साभार : नेपाल राष्ट्रिय साप्ताहिक

सरकार समावेशी भएन : नेता केसी

विराटनगर ।कांग्रेसका केन्द्रीय सदस्य अर्जुननरसिंह केसीले वर्तमान मन्त्रिमण्डलमा जातीय एवम् क्षेत्रीय आधारमा प्रतिनिधित्व नभएको बताएका छन् ।

विराटनगर विमानस्थलमा आज (सोमबार) सञ्चारकर्मीसँग कुरा गर्दै उनले सरकारमा दलित, मुसलमान एवम् कर्णाली प्रदेशका जनताको प्रतिनिधित्व गराउन आग्रह गरे ।नेता केसीले सरकार एकलौटी ढङ्गले अघि बढिरहेको आरोप पनि लगाए ।

‘न्यायपालिकालाई स्वतन्त्र एवम् निष्पक्ष भएर काम गर्न दिनुपर्छ’, उनले भने, ‘न्यायपालिका दलीय भागबन्डाबाट मुक्त राख्न दलहरु सचेत हुनुपर्छ ।’

साभार:- दैनिक नेपाल 

१९ वर्षीय भरत बि.क विरुद्ध बालविवाह गरेको आरोप

०७० वैशाख १५ गते, रुकुम ।बाफीकोट गाविस - ८ बस्ने १९ वर्षीय भरत बि.क विरुद्ध बालविवाह गरेको आरोपमा वैशाख १४ गते जिल्ला प्रहरी कार्यालयमा उजुरी दर्ता भएको छ । वैशाख १२ गते स्यालापाखा गाविस- ४ की १५ वर्षीया बिस्मती बिसीलाई भगाएर विवाह गरेको भन्दै माइती पक्षले जिल्ला प्रहरी कार्यालयमा उजुरी दर्ता गरेका हुन् ।

उजुरी दर्ता भएपछि प्रहरीले आरोपित वि.कलाई वैशाख १४ गते गिरफ्तार गरेको छ । आरोपितलाई कानुन बमोजिम कारबाही प्रक्रिया अगाडि बढाइने जिल्ला प्रहरी कार्यालयले जानकारी दिएको छ ।आरोपित पक्षले भने गाउँ घरमा सानै उमेरमा विवाह गर्ने संस्कार भएकाले केटाकेटीले मन पराएर विवाह गरेको बताएका छन् । साथै अन्तरजातीय विवाह भएका कारण बाल विवाहको आरोप लगाएर मुद्दा दर्ता गरेको दावी गरेका छन्  । बालिकाका दाजु टीकाराम विसीले बहिनीको मन्जुरीबिना १५ वर्षीया बालिकालाई जबरजस्ती विवाह गर्न बाध्य गराउने भरत वि.कलाई मुलकी ऐन विहावारी महलको २ (३) नम्बर बमोजिम हदैसम्मको कारबाही गरिपाँउ भनि उजुरी दर्ता गरेका छन् । 

यसै गरी गरिरुघा गाविस-७ का २२ वर्षीय तेजबहादुर परियारले स्यालापाखा गाविस-३ की १५ वर्षीया कल्पना वि.कलाई वैशाख ११ गते बालविवाह गरेको भन्दै माइती पक्षले वैशाख १५ गते जिल्ला प्रहरी कार्यालयमा उजुरी दर्ता गरेका छन् । उजुरी दर्ता भएपश्चात जिल्ला प्रहरी कार्यालयले आरोपितलाई वैशाख १५ गते खलंगाबाट गिरफ्तार गरेको छ । 

दुवै घटनामा आरेपितपक्षले आफूहरूको सहमतिमै विवाह भएको बताएका छन् । जिल्लामा बालविवाह मौलाइरहेको भए पनि यी घटनाहरू पहिलो पटक उजुरीको रुपमा दर्ता भएपछि केही हदसम्म रोकिने अधिकारकर्मीहरू भनाई रहेको छ । जिल्लामा पहिलो पटक बालविवाहको घटना दर्ता भएको प्रहरीले जनाएको छ ।

अन्तरजातीय विवाह गरेर आएका नयां जोडिले निवेदन दर्ता नगरी फर्के

परासी: सरकारले अन्तरजातीय विवाह गर्नेका लागि प्रोत्साहन रकम उपलब्ध गराउने निर्णय गरेपनि जिल्ला प्रशासन कार्यालयमा भने विगत दुई वर्षदेखि रकम दिएको छैन। जसले गर्दा ति जोडीलाई रकम दिन सकिएको छैन भने अन्तरजातीय विवाह गरेर आएका नयां जोडिले पनि निवेदन दर्ता नगरी फर्केर जाने गरेको जिल्ला प्रशासन कार्यालयले जनाएको छ।

लेखा अधिकृत अव्दुल गफ्फार खांका अनुसार सरकारले रकम नपठाउदा दुई वर्ष अघि देखिका सात जनालाई रकम भुक्तानी दिन सकिएको छैन। महिनामा चार, पांच जना जोडीहरु निवेदन लिएर आउने गरेपनि रकम नआएको बताएपछि दर्ता नगरी फर्केर जाने गरेका छन्। पुरानो सात र बांकि अरु पनि आउन सक्ने भन्दै कार्यालय वाट १७ लाख रुपैया मन्त्रालयमा प्रोत्साहन रकम उपलव्ध गराउन माग गरिएको खांले बताए।

दलित र गैरदलितले विवाह गरेमा सरकारले प्रोत्साहन वापत एकलाखका दरले रकम उपलव्ध गराउन आ.व. ०६७/६८ को बजेट मार्फत घोषणा गरेको थियो। घोषणा गरेको वर्ष र दोश्रो वर्षमा मात्र रकम आएको छ। त्यस पछि रकम आएको छैन' खाँले भने, 'सो अवधिमा जिल्लाबाट २३ जनाले अन्तरजातिय विवाह गरे वापत रकम पाएका छन्।' सरकारले यसवर्षको बजेट भाषणमा उक्त रकमलाई निरन्तरता दिने वताए पनि सम्बन्धित कार्यालयमा भने रकम नपठाएको जिल्ला प्रशासन कार्यालयले जनाएको छ।साभार : अन्नपुर्ण

सहानुभूतिसम्म दिन आएनन् माधव नेपाल

काठमाडौं : 'यही क्षेत्रका नेता हुन् तर दुर्घटनापछि सहानुभूतिसम्म दिन आएनन्', एमाले वरिष्ठ नेता माधवकुमार नेपालको सुरक्षाका लागि खटिएको सशस्त्र प्रहरीको गाडीले किचेर मृत्यु भएकी तीन वर्षीया कसिस्मा मिजारकी दिदी नाता पर्ने रन्जना रम्तेलले महानगरीय प्रहरी वृत्त बानेश्वरमा आइतबार भनिन्, 'सोमबार नानी (मृतक कसिस्मा) को जन्मदिन थियो। सबै मिलेर मनाउने योजनामा थियौं।' यसो भनिरहँदा उनका आँखा आँसुले भरिएका थिए।

सुविधानगर टोल सुधार समितिका पदाधिकारी भने लगातार नेता नेपालका सम्पर्क सूत्रमार्फत परिवारको गुनासो पुर्याउन प्रयासरत थिए। समितिका शशिविक्रम राणा नेता नेपालको मोबाइल स्विच अफ रहेकाले अग्नि खरेलमार्फत सम्पर्क गर्न खोजेको सुनाउँदै थिए। 'नेता नेपालले आएर परिवारलाई भेटे समस्याको समाधान हुने थियो, हामी त्यही प्रयासमा छौं', बानेश्वर वृत्तका प्रमुख रेवती ढकालको कार्यकक्षमा रहेका राणाले भने।

बालिकाका आफन्तले नेपाल आफैं वा उनका आधिकारिक प्रतिनिधिले माफी माग्नुपर्ने माग राख्दै आएका छन्। कसिस्माका आफन्त न्याय माग्न आइतबार बिहानैदेखि बानेश्वर वृत्तमा भेला भएका थिए। त्रिवि शिक्षण अस्पताल महाराजगन्जमा पोस्र्टमार्टम भए पनि शव आफन्तले बुझेका थिएनन्।

कान्तिपुर अस्पतालनजिक जुत्ता पसल चलाएर बस्ने सुन्दर मिजार र कविताकी एक्ली सन्तान थिइन् कसिस्मा। घटना भएको दिन शनिबार सुन्दर पसलमै थिए। आमा कविता र बालिका पनि सँगै थिए। सडकमा खासै चहलपहल थिएन। तर एक्कासि दुईवटा गाडी हुइँकिएर आए। अघिल्लो गाडी अगाडि बढ्यो। नेपालको सुरक्षामा खटिएको पछाडिको गाडीले कसिस्मालाई ठक्कर दियो। भुइँमा लडेकी कसिस्माको टाउको पांग्राले किच्यो। 'पन्ध्र सेकेन्डमा सबै भयो', सुन्दरले भने।

घटनालगत्तै बालिकालाई त्यहीं अगाडि रहेको कान्तिपुर अस्पतालमा पु:याइयो। अस्पतालले उपचार सम्भव नभएको जबाफ दिएपछि उनलाई तत्काल न्युरो अस्पताल बाँसबारी पु:याइए पनि बचाउन सकिएन। न्युरो अस्पतालले शनिबार राति कसिस्माको मृत्यु भएको घोषणा गरेको थियो।

घटनाबारे छलफलका लागि वृत्तमा पुगेका सशस्त्र प्रहरीका उपरीक्षक रत्न पोखरेलले सडक दुर्घटनाको विषय भएकाले प्रचलित कानुनअनुसार कारबाही अघि बढ्ने बताए।परिवारका सदस्यसहितको टोलीले आइतबार नै गृहमन्त्री वामदेव गौतमलाई भेटी आफ्ना माग राखेको छ। गौतमले परिवारले राखेका माग पूरा गर्न प्रधानमन्त्रीसँग सल्लाह गर्नुपर्ने बताएपछि सोमबार यसबारे कुरा हुने बालिकाका आफन्त विष्णु बिसंखेले बताए।

पूर्वप्रधानमन्त्री नेपालको सुरक्षाका लागि खटिएको सशस्त्र प्रहरीको बा १ झ ९५३५ नम्बरको गाडीले ठक्कर दिँदा बालिकाको मृत्यु भएको थियो। नेपाल शनिबार साँझ कोटेश्वरस्थित घरबाट पुरानोबानेश्वरमा आयोजित कार्यक्रममा सहभागी हुन जाँदै गर्दा दुर्घटना भएको हो।साभार: अन्नपुर्ण

दलितसँग एकै ठाउँमा बसेर खाए नेपालमा समाजवाद आउने -कलवार

काठमाडौं । भारतबाट अतिक्रमण गरिएको नेपालीभूमि सुस्ताको समेत प्रतिनिधित्व गर्ने नवलपरासी-६ का कांग्रेस सभासद देवकरणप्रसाद कलवारको समाजवाद सम्बन्धी परिभाषा ज्यादै सरल छ । उखु उत्पादक किसानसमेत रहेका कलबारले दोस्रो संविधानसभामा तमलोपाका चर्चित नेता हृदयेश त्रिपाठीलाई यही ‘समाजवाद’को सूत्र प्रयोग गरेरै करिब ६ हजार मतान्तरले हराएका हुन् ।

पूर्वकम्युनिष्ट समेत रहेका नेता त्रिपाठीले दलित समुदायका मानिससँग एउटै टेबलमा बसेर खाना नखाने गरेको र दलितमाथि भेदभाव गर्ने गरेको कलवारको आरोप छ । ‘उहाँ जुन भाषण गर्नुहुन्छ, त्यो व्यवहारमा छैन, कलबारले अनलाइनखबरसँग भने-’मेरो सानो झुप्रो घर छ, म सामान्य किसान हुँ । म दलित भए पनि, बाहुन भए पनि एउटै टेबलमा खाना खान्छु ।’

तर, मधेसवाद र जातीय अधिकारको वकालत गर्ने पूर्वमन्त्री त्रिपाठीले दलितसँग एकै ठाउँमा बसेर खाए नेपालमा समाजवाद आउने कलवारको भनाइ छ । ‘एउटा कार्यक्रममा मानिसहरुले मलाई प्रश्न गरे, आप समाजवादका व्याख्या कर दिजिए,’ कलवार अनलाइनखबरसँग भन्छन्- मैले उनीहरुलाई भनें, समाजवाद भनेको हृदयेश त्रिपाठी बाहुन र उनैका कार्यकर्ता छविलाल दलितलाई एउटै टेबुलमा राखेर खाना खुवाइदिनोस्, समाजवाद त्यही हो ।’

पहिलो संविधानसभा चुनावमा त्रिपाठीसँग १ सय ७३ मतले हारेका का कांग्रेस नेता कलवारले दोस्रो संविधानसभा चुनावमा भने उनलाई ६ हजार मतले पटाडि पारेका छन् । ‘त्यसबेला त्रिपाठीको प्राविधिक जित थियो, अहिले मैले ६ हजार मतान्त्रले जितें, जनताको विश्वास लिएर आएको हुँ, चुनावमा उहाँसम्म मैले खासै सामना गर्नु परेन ।’

हृदयेश र कलबार एउटै गाविसका बासिन्दा हुन् । त्रिपाठी मन्त्री हुँदा कलबार वागिस अध्यक्ष मात्रै थिए । ‘गाविस अध्यक्षमा जितेको र जनतासँग राम्रो सम्बन्ध भएकाले मैले जतें,उनले अनलाइनखबरसँग भने-’मेरो जिल्लामा मधेसवादको कुनै प्रभाव छैन ।’

मधेसवादको अर्को वकालत गर्ने अधिकांश नेताहरुले नै तराईका दलितमाथि चरम विभेद र भेदभाव गर्ने गरेको सभासद कलवारको आरोप छ ।

तर, तमलोपा नेता त्रिपाठीले भने कलवारको आरोपलाई निराधार र वाहियात आरोपको संज्ञा दिएका छन् । ‘यसबारे मलाई होइन, जिल्लाका दलित समुदायलाई सोधे हुन्छ,’ त्रिपाठीले अनलाइनखबरसँग भने- ‘त्यस्तो गरेको भए विगतका चार-चारवटा चुनाव मैले कसरी जितें होला ?’

सुस्ताको समस्याबारे आवाज उठाउँछु- कलवार

सभासद कलवारले आफूले संविधान निर्माणका साथै सुस्तावासीको समस्या, गण्डकको कटान समस्या र उखु उत्पादक किसानहरुको समस्याका विषयमा आवाज उठाउने बताएका छन् ।

‘जनताले मलाई संविधान बनाउन पठाएका छन्, तर म त्यहाँको विकासको मुद्दा पनि उठाउँछु, उखु किसानको मुद्दा उठाउँछु । गण्डकको डुबान समस्या छ, बाटोघाटोको समस्या छ । लालपूर्जाको समस्या छ ।’

पूर्वमन्त्री त्रिपाठीले पटक-पटक जितेर पनि केही नगरेको कलवारको आरोप छ । ‘हृदयेशजीले पहिले जितेर पनि केही गर्नुभएन, म जनताको काम गरेर देखाउँछु ।’ उनले भने, ‘सुस्ताको समस्या समाधानका लागि बजेट शाखामा राखेका छौं । पहिले सुस्तालाई सुरक्षित गर्ने मेरो लक्ष छ । त्यसपछि नागरिकताको समस्या छ । त्यसपछि पुलको काम गर्नुपर्छ । पहिले सुस्ता बचाऔं, सुस्ताबासीलाई अन्याय भएको छ । राज्यबाट पनि भयंकर अन्याय भएको छ ।’

सुस्ताबारे नबोलेको आरोप

सुस्तामा भारतबाट नेपाली भूमि मिचिएको सम्बन्धमा पूर्वप्रधानमन्त्री डा. बाबुारम भट्टराई र हृदयेश त्रिपाठीले नबोलेको कलवारको आरोप छ । ‘गण्डक बाँधले कटान गरिरहेको थियो, त्यतिखेर बाबुराम भट्टराई र हृदयेशजी त्यहाँ जानुभएको थियो, बाबुरामजीले मन्तव्य दिइसकेपछि मैले उहाँलाई भने, प्रधानमन्त्री ज्यू, तपाई सुस्ता भ्रमण गरेर आइसकेको व्यक्ति हो, सुस्तामा कटान भइराखेको छ, तपाईले बोलिदिनुपर्‍यो,’ कलवारले भने- उहाँले बोल्नुभएन, त्रिपाठीजीले सुस्ता विवादित जग्गा हो, त्यसबारे बोल्न मिल्दैन भन्नुभयो ।’

सभासद कलवारको प्रश्न छ- ‘प्रधानमन्त्री र मन्त्री भइसकेका व्यक्तिले त्यो हाम्रो मुटु सुस्तालाई त्यसो गर्न सुहाउँछ ?’ वि.सं. ०३९ सालमा भारतबाट अधिकांश भूमि कब्जा गरिएको सुस्तामा ३ सय नेपालीले नागरिकता पाएको तर त्यहाँ १ हजार भन्दा बढी नेपालीहरु अझै पनि नागरिकताविहीन रहेको उनले बताए ।

-साभार: -अनलाइनखबर

दलित समुदायका पत्रकारहरुद्वारा सञ्चारमन्त्रीसमक्ष ११ बुँदे माग

महावीर विश्वकर्मा
काठमाण्डौं, १४ वैशाख ।
दलित समुदायका पत्रकारहरुले आज सूचना तथा सञ्चारमन्त्री मिनेन्द्र रिजाललाई भेटेर ज्ञापन पत्र बुझाएका छन् । जागरण मिडिया सेन्टरका अध्यक्ष रेम विश्वकर्माको नेतृत्वमा गएको टोलीले दलित समुदायका पत्रकारहरुको अवस्थाको विषयमा अवगत गराउँदै ११ बुँदे माग सहितको ज्ञापन पत्र बुझाएको हो ।

ज्ञापन पत्र बुझ्दै मन्त्री रिजालले दलित समुदायका पत्रकारहरुको पक्षमा दीर्घकालीन लाभ पु¥याउने कार्यक्रम ल्याउने आश्वासन दिनुभयो । आफुले जादु गरेजस्तो तत्कालै परिणाम देखिने केही गर्न नसक्ने भन्दै उहाँले भन्नुभयो, “पछिसम्म पनि राम्रो हुने कार्यक्रम ल्याउन म प्रयास गर्छु ।” साथै समावेशी सञ्चार नीति अध्ययन गरेर अघि बढ्ने पनि उहाँले बताउनुभयो ।

आमसञ्चार माध्यमहरूमा दलित समुदायका महत्वपुर्ण सवाल र सरोकारहरुलाई सरकारी, गैरसरकारी तथा निजी क्षेत्रका सञ्चार माध्यमहरुले आफ्नो सामाजिक उत्तरदायित्वभित्र राख्न नचाहेका ज्ञापन पत्रमा उल्लेख छ । साथै राज्यको हरेक अंगलाई समावेशी बनाउने आम चाहनालाई मनन् गर्दै नेपाली सञ्चार माध्यमहरुमा दलित समुदायको समावेशी र अर्थपूर्ण सहभागिताका लागि भन्दै विभिन्न मागहरु पेश गरिएको छ ।

जागरण मिडिया सेन्टरका अध्यक्ष रेम विश्वकर्माले मागहरु पढेर सुनाउनुभएको थियो ।

मागहरु निम्नलिखित छन् :

१. उच्चस्तरीय समावेशी मिडिया आयोगले सञ्चार मन्त्रालय समक्ष दिएको प्रतिवेदनलाई अविलम्व अक्षरस कार्यान्वयन गरियोस् ।

२. नेपाली संचार माध्यममा दलित समुदायको समावेशीकरण गराउने कुरा राज्यले नीतिगत रूपमा सुनिश्चित गर्नुपर्छ । दलित समावेशीकरणका लागि राज्यका संचार ऐन परिमार्जन गरिनु पर्छ ।

३. सरकारी स्वामित्वका सञ्चारमाध्यम तथा सञ्चार सम्वद्ध निकायहरु : चलचित्र विकास बोर्ड, प्रेस काउन्सिल, गोरखापत्र संस्थान, राष्ट्रिय समाचार समिति, रेडियो नेपाल र नेपाल टेलिभिजनमा कार्यसमिति तथा कर्मचारीहरुमा दलित समुदायका सञ्चारकर्मीहरुको समावेशीताको सुनिश्चितता गरिनु पर्छ ।

४. सञ्चार मन्त्रालय मार्फत् कार्यक्रम तथा आर्थिक सहयोगका लागि हुने सिफारिसमा दलित समुदायका पत्रकार तथा सञ्चार संस्थाहरुलाई प्राथमिकता दिइनु पर्छ ।

५. दलित समुदायका सञ्चारकर्मीहरुको क्षमता अभिवृद्धि गर्न, प्रोत्साहन र उत्प्रेरणाका लागि विशेष बजेट व्यवस्था गरी प्रभावकारी कार्यक्रमहरु सञ्चालन गरिनु पर्छ ।

६. नेपाल टेलिभिजन र रेडियो नेपालबाट कम्तीमा हप्ताको १ घण्टा साप्ताहिक रुपमा जातीय छुवाछूत र भेदभाव विरुद्ध लक्षित कार्यक्रम उत्पादन तथा प्रसारणका लागि निःशुल्क समय उपलब्ध गराइनु पर्छ ।

७. प्रेस काउन्सिलद्वारा पत्रपत्रिका र विद्युतीय सञ्चार माध्यमहरूको मूल्याङ्कन गर्दा जातीय विभेद विरुद्ध उठाइएका मुद्दा र जनशक्तिको समावेशी स्वरूपलाई मूल्याङ्कन तथा वर्गीकरणको मापदण्डमा प्राथमिकता दिइनु पर्छ ।

८. अन्य संघसंस्थाहरुलाई जस्तै दलित समुदायले सञ्चालन गरेका सञ्चार माध्यम तथा सञ्चार सम्वद्ध संघसंस्थाहरुलाई राज्यद्वारा विशेष अनुदान, प्रोत्साहन तथा संरक्षण गरिनु पर्छ ।

९. सरकारी संचार माध्यममा दलित पत्रकारहरूका लागि इन्टर्नशीपको व्यवस्था गर्दै योग्यता पुगेका व्यक्तिहरूलाई पहिलो प्राथमिकता दिई नियुक्ति गर्ने व्यवस्था गरिनु पर्छ ।

१०. पत्रकारिता अध्ययनका लागि दलित समुदायका विधाथीहरुलाई छात्रवृत्ति सहित निःशुल्क अध्ययनको विशेष व्यवस्था गरिनु पर्छ ।

११. क्रियाशील दलित पत्रकारहरु आफू सम्वद्ध सञ्चार गृहमा नै विभेद र असमानता भोगिरहेको कारण दलित पत्रकारका लागि दलितमैत्री वातावरण सिर्जना गर्दै व्यवसायिक र भौतिक सुरक्षाका लागि उचित प्रबन्ध गरिनु पर्छ । 

साभार: -जागरण मिडिया सेन्टर

मानसिक सन्तुलन ठीक नभएका सुनारले आमाको हत्या गरे

दमौली, बैशाख १४– तनहुँको ढोरफिर्दी–२ लामीश्वाँरामा गएराति आफ्नै छोराले काठको मुढाले हानेर आमाको हत्या गरेका छन् । मानसिक सन्तुलन ठीक नभएका २२ वर्षीय छोरा राजु सुनारले ५६ वर्षीय आमा भीममाया सुनारको हत्या गरेको इलाका प्रहरी कार्यालय बेलचौतराले जनाएको छ । 

राति सुतिरहेका बेला राजुले आमाको हत्या गरेका हुन् । हत्याको कारण भने खुल्न सकेको छैन । यसबारे अनुसन्धान भइरहेको प्रहरीले जनाएको छ ।

माधव नेपालको पछुवा गाडीले बालिका किच्यो

काठमाडौं : पूर्वप्रधानमन्त्री एवं एमाले वरिष्ठ नेता माधवकुमार नेपालको सुरक्षाका लागि खटिएको सशस्त्र प्रहरीको गाडीले किचेर एक बालिकाको मृत्यु भएको छ। नेता नेपालको सुरक्षाका लागि पछुवाका रूपमा खटिएको सशस्त्र प्रहरीको बा १ झ ९५३५ नम्बरको गाडीले नयाँबानेश्वर कान्तिपुर अस्पतालनजिक जुत्ता सिलाएर बस्ने सुन्दर मिजारकी तीन वर्षीया छोरी कसिस्मालाई शनिबार साँझ ठक्कर दिएर टाउकोमा कुल्चेको थियो। उनको न्युरो अस्पताल बाँसबारीमा उपचारका क्रममा राति मृत्यु भएको हो।

बालिकालाई ठक्कर दिएपछि उक्त गाडी रोकिए पनि नेपाल चढेको गाडी भने रोकिएन। नेपाल शनिबार साँझ कोटेश्वरस्थित घरबाट पुरानोबानेश्वरमा एक कार्यक्रममा सहभागी हुन जाँदै थिए। उनका सहयोगी नितेश पौडेलले नेपाल कुन कार्यक्रममा जाँदै थिए भन्नेबारे भने जानकारी नभएको बताए।

गाडीका सशस्त्र प्रहरीले घाइते बालिकाको उद्धार नगरी भागेर बानेश्वर प्रहरी वृत्तमा शरण लिएका थिए। सशस्त्रले बाटौमै छाडेको गाडी प्रहरीले वृत्तमा पु:याएको थियो। प्रत्यक्षदर्शी विनोद मान्नधरले नेपाल चढेको अगाडिको गाडी दुर्घटनापछि केही सेकेन्डमात्र अडिएर हुइँकिएको बताए। 'पछाडिको गाडीमा रहेका सशस्त्र प्रहरी त केही नहेरी हतियार बोकेर भागे। हामीले बालिकालाई कान्तिपुर अस्पताल पु:याएका हौं, मानन्धरले भने। बालिकालाई उद्धार गर्नुको साटो सशस्त्र प्रहरी भागेको भन्दै स्थानीयले केही समय विरोध प्रदर्शनसमेत गरेका थिए।

सशस्त्र प्रहरीका प्रवक्ता डीआईजी सिंहबहादुर श्रेष्ठले एमाले नेता नेपालकै सुरक्षाका लागि खटिएको गाडीबाट दुर्घटना भएको पुष्टि गरे। उनले दुर्घटनापछि उद्धार नगरी प्रहरी भागेको विषयमा भने, 'गाडीमा तल्लो दर्जाका प्रहरी थिए, बुद्धि पुगेनछ। बानेश्वर वृत्तका डीएसपी रेवती ढकालले चालक सशस्त्रका जवान कपिलबहादुर खड्कालाई नियन्त्रणमा लिएर अनुसन्धान भइरहेको बताए।

राजधानीमा राष्ट्रिय पञ्चैबाजा लोक संस्कृति सम्मेलन हुने

महावीर विश्वकर्मा, वैशाख १०, काठमाण्डौं ।राजधानीमा राष्ट्रिय पञ्चैबाजा/नौमति बाजा लोक संस्कृति सम्मेलन हुने भएको छ । नेपाल लोक साँस्कृतिक अनुसन्धान प्रतिष्ठानको संयोजनमा बसेको वैठकले सम्मेलन गर्ने निर्णय गरेको हो ।

नेपालका दलित समुदायको सिप, कला, प्रविधि तथा लोक संस्कृतिको संरक्षण प्रबद्र्धन र विकास गर्ने उद्देश्यले सम्मेलन गर्न लागिएको आयोजकहरुले बताएका छन् ।सम्मेलन आउँदो जेठ २८ र २९ हुनेछ । सम्मेलनका लागि २१ सदस्यीय मुल आयोजक समिति पछि गठन गरिने पनि जानकारी दिइएको छ ।

साभार :- जागरण मिडिया सेन्टर

दलितको विवाहमा तीनथरी भान्सा

सिन्धुली, वैशाख ११ – हत्पते गाविस–४ मा एक दलित परिवारले आफ्नो वैवाहिक कार्यक्रममा तीन थरीको भान्सा लगाएर गाउँलेलाई भोज खुवाएको छ ।स्थानीय जगतमान विश्वकर्माले कान्छो छोरा टेकेन्द्र बराइलीको विवाहमा बुधबार बाहुन/क्षेत्री, जनजाति र दलित समुदायलाई छुट्टाछुट्टै भान्सामा भोज खुवाउनुभएको हो ।

भोज खाएर फर्किएका रामकृष्ण दाहालका अनुसार बाहुन/क्षेत्रीको भान्सामा खसीको मासु थियो भने जनजातिकोमा राँगो र दलितका लागि सुगुरको मासुको व्यवस्था थियो ।जगतमानले छोराको विवाहको निम्तो गर्न जाँदा गाउँलेले आफ्नो जाति अनुसार छुट्टै भान्सा हुनुपर्ने बताएपछि त्यसै अनुसार ब्यवस्था गरेको स्थानीय वासिन्दा बताउँछन् । भोजमा हत्पते गाविसको भलुवाही, गागन, फुलबारी लगायतका गाउँमा बासिन्दालाई निम्तो गरिएको थियो ।

वेहुलापक्षको घरमा छुट्टाछुट्टै भान्सामा भोज खानेहरुले जन्ती बनेर बर्दिबास जाँदा बेहुली पक्षले गरेको एउटै भोजमा सहभागी भएका एक स्थानीयले बताए ।वेहुला बराइली दलित समुदायको वकालत गर्ने (छुवाछुतको अन्त्यका लागि काम गरिरहेको) समता फाउण्डेसनको कर्मचारी हुनुहुन्छ । यस सम्बन्धमा विक परिवारसँग कुरा गर्न खोज्दा सम्पर्कमै आउन चाहेनन् ।साभार :- बाबुराम देवकोटा/उज्यालो

बलात्कार गरेको आरोपमा सुरेश कामी गिरफ्तार

२०७१ वैशाख ११ गते, अछाम । एक ४५ वर्षीया एक महिलालाई बलात्कार गरेको आरोपमा जनालीवण्डाली गाविस-५ का २४ वर्षीय सुरेश कामी विरुद्ध वैशाख १० गते जिल्ला प्रहरी कार्यालय मंगलसैनमा जाहेरी दिइएको छ ।आरोपित सुरेशले वैशाख २ गते महिलाको घरमै आएर बलात्कार र लुटपाट गरेको भन्दै महिलाले प्रहरीमा जाहेरी दिएको जिल्ला प्रहरी कार्यालय मुद्दा शाखाका हवलदार भूपेन्द्रसिंह सामान्तले जानकारी दिए ।

प्रहरीमा जाहेरी परेलगत्तै वैशाख १० गते नै आरोपितलाई घरबाटै गिरफ्तार गरी हिरासतमा राखेको प्रहरीले जनाएको छ । गाउँमै मिलापत्र गर्ने प्रयास असफल भएपछि प्रहरीमा जाहेरी दिएको बुझिएको छ । प्रहरीले १० गते नै आरोपित बिरुद्ध जबर्जस्तिकरणीको उद्योगमा मुद्दा दर्ता गरेको जनाएको छ ।

लोकतन्त्र दिवसको अवसरमा पोखरामा छलफल र सहभोज सम्पन्न

०७१ वैशाख ११ गते, कास्की ।लोकतन्त्र दिवसको अवसरमा समतामूलक समाज निर्माण र जातीय विभेदविरुद्ध सन्देश दिने उद्देश्यले दलित तथा सीमान्तकृत समुदायको परिचय तथा उत्थान विषयक छलफल र सहभोज कार्यक्रम वैशाख ११ गते पोखरामा सम्पन्न भयो ।राष्ट्रिय मानवअधिकार आयोग पोखराको सहयोगमा बौद्धिक जागरण समाज पोखराले आयोजना गरेको उक्त कार्यक्रममा अधिकारकर्मी, नागरिक समाज, दलित समुदाय, पत्रकार लगायतको सहभागीता रहेको थियो । कार्यक्रममा सहभागीहरुले मानव कलंक जातीय छुवाछुत र भेदभावलाई अन्त्य गर्नको लागि गाउँ-गाउँमा सचेतना जगाउनु पर्ने र प्रभावकारी कानुन निर्माण गरी कार्यान्वयन गर्नु पर्नेमा जोड दिए ।कार्यक्रममा अवधारण प्रस्तुत गर्दै वरिष्ठ अधिवक्ता तिलक आचार्यले दलित र सीमान्तकृतहरुको हक अधिकार, शिक्षा, स्वास्थ्य,रोजगार, गास, बास र कपासको प्रत्याभूतिको लागि अब बन्ने संविधानमा व्यवस्था गर्नु पर्नेमा जोड दिए । प्रमुख अतिथि जिल्ला प्रहरी कार्यालयका डिएसपी राजेशनाथ बास्तोलाले जातीय छुवाछुत र भेदभावका घटनालाई प्रहरीले प्राथमिकताका साथ सत्य, तथ्य अनुसन्धान गरी कानुनी दायरामा ल्याउने बताए । जातीय भेदभाव अन्त्यको लागि राज्य र सरोकारवाला निकायले पहल गर्न आवश्यक रहेको बताए ।शान्तिका लागि नागरिक समाजको सञ्जालका सह-संयोजक नन्दकला नेपालीले हिन्दु संस्कृति र परम्पराबाट उत्पीडन र शोषणमा परेका दलित समुदायको सशक्तिकरण हुनु पर्नेमा जोड दिईन् । राष्ट्रिय मानवअधिकार आयोग पोखराका अधिकृत ज्योत्रि्रसाद घिमिरेले जातीय विभेद र छुवाछुतका घटनालाई आयोगले प्राथमिकताका साथ अनुसन्धान गरी कारबाहीका लागि सरकारलाई सिफारिस गरेको उल्लेख गर्दै आगामी दिनमा गाउँगाउँमा हातेमालो गरी सचेतनामूलक कार्यक्रम गर्नु पर्नेमा जोड दिए ।कार्यक्रममा अधिवक्ता सुरेन्द्र थापामगर, समाजसेवी उमाकान्त शर्मा, सञ्जालका पूर्व संयोजक विष्णु बराल, प्रेस चौतारीका अध्यक्ष श्याम कुँवर, उत्पीडित जातीय मुक्ति समाज कृष्तिनाच्नेचौरका अध्यक्ष बलबहादुर सुनार, प्रेमकली परियार भोजराज भण्डारी लगायतले आ-आफ्नो धारणा राखेका थिए ।

अहेवले सुत्केरी गराउँदा चमेली विकको ज्यान गयो

पाँचथर, वैशाख ११ - 

दक्ष प्रसूतिकर्मीले मात्रै गराउन पाउने व्यवस्था भए पनि यहाँका एक अहेवले घरमै सुत्केरी गराउँदा महिलाको मृत्यु भएको छ । आरुबोटेस्थित दशमी बजारमा निजी क्लिनिक खोलेर बसेका डिल्ली लावतीले घरमै सुत्केरी गराएको चार घन्टापछि आरुबोटे ६ की ३३ वर्षीया चमेली दुराल विश्वकर्माको ज्यान गएको हो । घरमै पुगी जबर्जस्ती हात लगाएर बच्चा निकाल्दा अत्यधिक रक्तस्राव भएको स्थानीयवासीले बताए ।  

जनसेवा मेडिकलका सञ्चालक लावतीले चैत ९ गते घरमै पुगेर सुत्केरी गराएका थिए । ६ बजे उनको पेटबाट छोरी जन्माएपछि अत्यधिक रक्तस्राव भएको थियो । सोही दिन राति १० बजे उनको घरमै मृत्यु भएको थियो । अदक्ष व्यक्तिले सुत्केरी गराउँदा ज्यानै गए पनि पीडितले कतै जानकारी दिएका थिएनन् ।करिब दुई सय मिटरमा ओलने इलाका स्वास्थ्य चौकी छ । तैपनि विश्वकर्मा परिवारले लावतीलाई घरमै बोलाएका थिए । लावतीले क्लिनिकको बोर्डमा 'यहाँ होम डेलिभरीको पनि व्यवस्था छ' लेखेका छन् । 

स्रोतका अनुसार लावतीले मृतक महिलाका पति सहमानलाई २० हजार रुपैयाँ दिएर घटना गाउँमै थामथुम पारेका हुन् । पीडित परिवार गरिब भएकाले विभिन्न प्रलोभन र धाकधम्की दिएर मिल्न बाध्य पारिएको उक्त स्रोतको दाबी छ । केही दिनअघि सहमानले आफूलाई क्षतिपूर्तिबापत ३० हजार र ६ वर्ष बच्चा पालिदिने सर्तमा मात्र मिल्न तयार रहेको बताएको गैरसरकारी संस्था महासंघ, जिल्ला अध्यक्ष बालकृष्ण ओझाले बताए । पब्लिक हेल्थ नर्स अञ्जना खड्काका अनुसार अनमी, स्टाफ नर्स र डाक्टरले तालिम लिएपछि मात्र दक्ष प्रसूतिकर्मी बन्न सक्छन् । अहेव र स्वास्थ्य सहायक दक्ष स्वास्थ्यकर्मी भए पनि प्रसूति गराउन अदक्ष नै रहने उनले बताइन् ।

जिल्ला स्वास्थ्य प्रमुख डा. पवनजंग रायमाझीले आफूले अदक्ष व्यक्तिले घरमै गएर प्रसूति गराउँदा सुत्केरीको मृत्यु भएको घटना सुनेको बताउँदै स्वास्थ्य संस्थामा सुत्केरी गराउन प्रोत्साहन गर्नुपर्ने बताए । 'अयोग्य व्यक्तिले के कति कारणले सुत्केरी गराए ?,' रायमाझीले भने, 'अनुसन्धान गरेर कारबाही गरिनेछ ।'

अस्पतालको चरम लापरबाही -छोराको सट्टा मृत शिशु

बुटवल, वैशाख ११ - 
सुत्केरी बेथा लागे पनि बच्चा नजन्मेपछि रूपन्देही गोनाहा १ की विद्या हरिजनलाई परिवारले बुधबार बिहान भैरहवाको भीम अस्पताल पुर्‍याए । दिउँसो १ बजे उनले छोरा पाइन् । डेढ वर्षअघि पहिलो बच्चा जन्मेलगत्तै मृत्यु भएको पीडाले छट्पटिएकी उनी र उनको परिवारमा खुसीको सीमै रहेन ।

देख्दा स्वस्थ देखिने बालक नरोएपछि भने उनीहरू डराए । अस्पतालले केहीबेरमै थप उपचारका लागि भन्दै सिद्धार्थ बाल तथा महिला अस्पताल (आम्दा) मा रेफर गर्‍यो । बाबु कन्हैया र काका परमालिकलगायतले अपराह्न ४ बजे आम्दा पुर्‍याए । अस्पतालले भर्ना गर्‍यो । आईसीयूमा राख्नुपर्ने भनेपछि ८ हजार धरौटी र केही औषधिसहित हरिजन परिवारले बच्चा अस्पताललाई बुझाए । राति १० बजे चेकजाँचमा आएका डा. सन्तोष पोखरेलले बालकको अवस्था सामान्य भएको बताएपछि परिवार शान्त बन्यो । साँझ ७ बजे पनि डा. पोखरेलले नै बालकलाई हेरेका थिए । तर परिवारको शान्ति धेरैबेर टिक्न पाएन । राति पौने १२ बजे 'बज्रपात' पर्‍यो । अस्पतालले बालकको मृत्यु भएको भन्दै सेतो कपडाले बेरेर अभिभावकलाई बुझायो । दोस्रोपल्ट पनि छोरा जन्मेलगत्तै मृत्यु भएको खबरले बाबु कन्हैया त्यहीं बेहोस भए । यतिखरे शिशु मृत घोषणा गर्नेमा चिकित्सक नरेन्द्र यादव थिए । नजिकै सद्गत गर्न चाहेका कन्हैयाका काका परमालिकलगायत आफन्तले नवजात शिशुका बाबु बेहोस भएका कारण शव घरमै लैजाने निर्णय लिए । राति नै शवसहित उनीहरू गोनाहा पुगे । भीम अस्पतालमा रहेकी सुत्केरी विद्यालाई भने घटनाबारे थाहा दिएनन् । 

बिहीबार बिहान करिब ७ बजे रीतअनुसार घरमा शिशुको मृत शरीर हेर्ने र शव विसर्जनको तयारी भयो । सद्गतका लागि शवलाई तेल लगाउँदा पो थाहा भयो, शव बालकको नभएर बालिकाको रहेछ । घरपरिवार र आफन्तबीच खैलाबैला भयो, छोरा कसरी छोरी भयो ? काका परमालिकले अस्पतालमा फोन गरे । फोन रिसिभ गरेकी नर्सले छोराछोरी छुट्याउन नसक्ने भन्दै उनलाई उल्टै थर्काइन् । उनले लगातार ७ पल्ट फोन गरे । अन्तिम पटक उनले भीम अस्पतालमा बच्चा जन्मेको, बच्चाको तस्बिर आफूहरूसँग रहेको र यही प्रमाणसहित प्रहरीमा उजुरी गर्ने चेतावनी दिए । र, सद्गत रोकेर बालिकाको शवसहित उनीहरू अस्पताल पुगे । 

सुरुमा झुटो भनेर हप्काएको अस्पतालले भीम अस्पतालको रेकर्ड देखाएपछि गल्ती स्विकार्‍यो । पीडित विरोधमा उत्रेपछि अस्पतालले चिकित्सक र नर्सको गल्तीले बच्चा साटिएको तर्क दियो । मृत बालिका अस्पतालमा राखेर उनीहरूको बालकको उपचार भइरहेको जानकारी गरायो । अस्पतालका निर्देशक विनोद पराजुलीले गल्तीले शिशु साटिएको बताए । 'जिउँदो बालकको सट्टा मृत बालिका दिँदा आफन्तलाई पर्न गएको पीडाप्रति क्षमा माग्छौं,' उनले भने, 'बच्चा के कारणले साटियो भन्नेबारे अध्ययन गरेरै पत्ता लगाउनेछौं ।'

अस्पतालले बालकको उपचार निःशुल्क गरिदिने र दोषीलाई कारबाही गर्ने बताएको छ । पीडितका आफन्त र अस्पतालमा उपचारका लागि आएका अन्य बालबालिकाका अभिभावकले बच्चा के प्रयोजनमा साटियो भन्नेबारे प्रस्ट पार्न दबाब दिएका छन् । उनीहरूले बालकको सट्टा बालिकाले औषधि खाँदा त्यसको असरले ज्यान गएको भन्दै अनुसन्धान गर्नसमेत माग गरेका छन् । दबाब खेप्न नसकेपछि अस्पतालले स्थानीय अगुवालाई बोलाएको थियो । ती अगुवा, पीडितपक्ष, अस्पताल प्रशासन र स्वास्थ्यकर्मीको टोली छलफलमा बसेको थियो । छलफलले घटनाको छानबिन गर्न ३ सदस्यीय समिति गठन गरेको छ । समितिको संयोजकमा लुम्बिनी अञ्चल अस्पतालका पूर्वअध्यक्ष रामबहादुर कार्की र सदस्यहरूमा आम्दा अस्पतालका चिकित्सक सन्तोष पोखरेल र पीडितका पक्षबाट रामप्रसाद हरिजन रहेका छन् । समितिले ७ दिनभित्र सत्यतथ्य सार्वजनिक गर्नेछ । पछिल्ला दिनमा स्वास्थ्य संस्थामा लापरबाही बढ्दै गएको छ । गत माघ १ गते लुम्बिनी अञ्चल अस्पताल बुटवलबाट ८ दिनको नाबालक हराएको थियो । 

को थिइन् नाबालिका ?

अस्पतालले हरिजन परिवारलाई जिम्मा लगाएकी मृत नाबालिका गुल्मीको नयाँगाउँ ३ की कमला गौतमकी छोरी थिइन् । कमलाले गुल्मी अस्पतालमा छोरी जन्माएकी थिइन् । तर शिशु स्वस्थ नभएपछि थप उपचारका लागि मंगलबार आम्दा अस्पतालको एनआईसीयूमा भर्ना गरिएको थियो । नाबालिकालाई राति मृत घोषणा गरेर चिकित्सकले हरिजन परिवारलाई बुझाएका थिए । बालिकाको शव फर्काएपछि अस्पतालले तुरुन्तै गौतम परिवारलाई जिम्मा लगाएको थियो । 

साभार : कान्तिपुर