आफ्नै छोरीलाई बेचेको आरोपमा बाबु प्रहरी फन्दामा

मकवानपुर, १३ मंसिर । आफ्नै छोरीलाई बेचेको आरोपमा बाबु प्रहरी फन्दामा परेका छन् । छतिवन् ९ सुदामाका लालबहादुर विकलाई प्रहरीले पक्राउ गरेको हो । काठमाडौंको जोरपाटीस्थित गलैँचा कारखानामा काम गराउन पठाउने भन्दै दुई छोरी बेचेको आरोपमा विक पक्राउ परेका हुन् । उनलाई सिबिन बाल हेल्पलाइनको सक्रियतामा प्रहरीले पक्राउ गरेको हो । प्रहरीले उनीसहित गलैँचा कारखानामा काम गर्ने पदमबहादुर वाइबा र उनका भाइ सीतारामलाई पनि पक्राउ गरेको छ । छतिवनबाट हेटौंडा आउँदै गर्दा उनीहरुलाई पक्राउ गरेको हो ।