जातिय बिभेदको उजुरी प्रहरीले किन लिन मानेन ?

काठमाडौ ,चैत्र १७ - लम्जुङ्ग घर भै काठमाडौँमा एमबिबिएस पढ्ने तयारी गरिरहेका गणेश परियारलाई कलन्की स्युचाटारकी घरबेटी तथा स्वास्थ्य स्वयंसेविका जमुना भट्टराईले डेरा सम्झौता गरि अग्रिम भाडास्वरुप शनिबार २५ सय रुपैयाँ लिइसकेका थिइन ।तर एक्कासि फोन गरेर घरमा बोलाएर जात सोधेपछि "दमाइ" भन्ने थाहा भए पछि घरबेटी दम्पतिले यस्तो अछुत लाइ घरभाडामा दिनु हुन्न भनि अस्विकार गरेका थिए ।

घरबेटीले जातको कारण देखाउँदै निकाला गरेपछि परियारका सहपाठी साथी इशान चौलागाईं सहित ४ जना घरबेटीसँग कुरा राख्न पुगेको थिए । तर चार जनाको समूहलाई पनि घरबेटी दम्पतीले अभद्र व्यवहार गरेका थिए । 

घटना लगत्तै पीडित पक्ष सोमबार महानगरीय प्रहरी वृत्त कालीमाटीमा उजुरी दिन पुगेको थियो। ‘अर्को पक्षलाई बोलाएपछि मात्र उजुरी लिन्छु भन्दै प्रहरीले उजुरी लिन नमानेको कुरा  मिडिया मार्फत सार्वजनिक भए पछि आज परियार एकता राष्टिय परिषद नेपाल र शान्तिका लागि साझा अभियान लगायत बिभिन सामाजिक सस्थाको समूहको दबाब सहितको उपस्थितिमा कालिमाटी प्रहरी वृतमा मुद्दा दर्ता गरिएको छ ।  वृत्तका डिएसपी राजेन्द्रप्रताप धमलाले पीडित पक्षको उजुरी लाई लिएर आरोपित पक्षलाई बोलाई भोलि नै छलफल गराउने बताएका छ्न । 

दबाब सहितको उपस्थितिमा मात्र उजुरी लिने कालिमाटी प्रहरी वृतले जातकै कारण भएको अभद्र व्यबहारको मौखिक उजुरी सम्म पिडित बाट किन लिन मानेन ?  भन्ने कुरा खोजिको विषय बनेको छ ।

(तस्विर र समाचार सौजन्य दिपक सुन्दास ज्युको फेस्बुक्बाट साभार )-बल्ग एड्मिन गोपाल सिवा