प्रजिअ सहित मन्दिर प्रबेश कार्यक्रममा गैरदलितहरुको प्रतिकार

मुगु,बैशाख १२,विभेद बिरुद्ध अभियान ।– मुगु सदरमुकाम नजिकै रहेको चैन गाउस्थित छायानाथ मन्दिरमा पुजाआजा र प्रबेश गर्न पुगेको प्रजिअ नेतृत्वको दलित तथा स्थानीय राजनीतिक दलसहितको टोलीलाई गैरदलिहरुले प्रतिकार गर्दै प्रवेशमा रोक लगाएका छन् । जिल्लास्थित दलित सामुदायिक बिकास केन्द्रको समन्वय र प्रमुख जिल्ला अधिकारी संयोजक रहेको जातिय भेदभाव तथा छुवाछुत अन्त्य तथा दलित अधिकार प्रबद्र्धन संयन्त्र मुगुको नेतृत्वमा नवौं लोकतन्त्र दिवसको अबसरमा आयोजना गरिएको कालिका मालिका, तथा छायानाथ मन्दिर प्रबेश कार्यक्रममा गैरदलित हरुको प्रतिकारका कारण भाग दौड समेत मच्चिएको छ । मन्दिर प्रबेश कार्यक्रम बिथोल्ने योजनाका साथ गरीएको प्रतिकारमा पर्दा जिल्लाका प्रमुख राजनितिक दलका प्रतिनिधि, प्रहरी प्रशासन समेत लखेटिएका छन् । सो कार्यक्रममा सहभागि दलित अगुवा प्रहरी प्रशासन र राजनितिक दलका प्रनिधिहरुलाई लखेट्नेहरुको अगुवाई सार्बजनिक पद धारण गरेका सरकारी जागिरे ब्यक्तीहरु लगायत चैनगांउ बासी हरुको सक्रियतामा भएको दलित अगुवा एवम दलित अधिकारकर्मीहरुले बताएका छन् ।

 स्थानीय सार्बजानिक पद धारण गरेका ब्यक्तिहरुको अगुवाईमा भएको सो विथोल्ने कार्यक्रमका कारण सो क्षेत्र दिनभर सदरमुकाम तनाबपुर्ण बनेको थियो । विरोधमा स्थानीय गैरदलितहरुले हिजो बिहान करीब ११ बजे तिर सदरमुकाम गमगढी बजार बन्द गराउने देखि लिएर केड कर्णाली जनजिबिका कार्यक्रमको कार्यलयमा समेत तोडफोड गरेका संस्थाले जनाएको छ । जिल्ला प्रशासन कार्यालयमा छुवाछुत गर्न पाउनै पर्छ भन्ने नाराबाजीका साथ बजार रयालिका साथ घेराउ गरेका गरेका गैर दलितहरुले दलित अधिकारको सवालमा काम गर्ने दलित सामुदायीक विकास केन्द्र र केड कर्णाली जनजीविका कार्यक्रम मुगु लाई जिल्ला बाट खारेज गर्ने माग समेत गरेका छन् । केड कार्यालयमा कार्यरत दलित अधिकार कर्मी लिला टमटा र दुर्गा बि.क. लाई ज्यान मार्ने धम्की समेत दिएको उनीहरुले बताएका छन् । गैर दलितहरुको प्रतिकारका कारण मन्दिर प्रबेश कार्यक्रममा सहभागि दलित अगुवाहरु रंगविर परियार, लिला टमट्टा, दुर्गा वि.क., पर्शुराम नेपाली, दानसिहं परीयार र धिरज नेपाली लगायत अन्य ब्यक्ति एवं स्वतन्त्र रुपमा हिजोदिनभर बजारमा निस्कन नसकेको र उनीहरु अहिलेपनि स्थानीय प्रशासनको सुरक्षामा कार्यालयभित्र नै रहेको बताइएको छ । नेपालको संबिधान २०६३ अन्तरगतको जातिय भेदभाव तथा छुवाछुत कसुर र सजाय एैन २०६८ अनुसार जाति पातिको आधारमा कहि कतै कसैले कसैलाइ भेदभाव गर्न नपाईने ब्यबस्था छ । 

सार्बजानिक तथा निजि स्थानमा मा कसैले कसैलाई प्रबेशका लागि निषेध गरेमा वा रोक लगाइएमा त्यस्तो ब्यक्ति लाई दोषी ठहराई सजायको समेत भागिदार बनाउने प्राबधान रहेको भएतापनि मुगुमा यस्तो घटना हुन पुगेको हो । यतिमात्रै होइन यस्तो घटना हुँदा पनि प्रशासन तथा अन्य अधीकारकर्मीहरु निरिह बन्न पुगेका हुन् । - साभार- रातोपाटि