चट्याङ लागेर ताप्लेजुङमा एकको मृत्यु, एक घाईते

वैसाख १२ , विभेद बिरुद्ध अभियान ।

हिजो दिउसो परेको चट्याङका कारण ताप्लेजुङको डुम्रिसेमा एक जनाको मृत्यु भएको छ । एक जना घाईते भएकी छन । दिउसो करिव साढे तिन वजे तिर चट्याङले लागेर डुम्रिसे १ का प्रतिमान विकका ३३ वर्षीय छोरा बम वहादुर विकको मृत्यु भएको हो । यस्तै प्रतिमानकी नातिनी करीव १८ वर्षिय रिता विक घाईते भएकी छन् । 

घाईते विकको अहिले पाचथर अस्पतालमा उपचार भईरहेको स्थानिय राम कंलिवाले जानकारी दिनुभयो । दिउसो डोको बुनेर घर भित्र पस्दै गरेका विकलाई चट्याङले लाग्दा घटना स्थलमै ज्यान गएको कंलिवाको भनाई छ । कोठामा बसिरहेकी रितालाई समेत चट्याङले लागेर वेहोस भएकी थिईन । घाईते विकलाई राती करिव ११ वजे उपचारका लागि पाचथर लगिएको र अहिले अवस्था सामान्य रहेको वताइएको छ ।