२०७२ साल बैशाख १२ गते शनिवार मध्यान्ह गोर्खा , लम्जुंग , काठमाडौँ र सिन्धुपाल्चोक आसपासको क्षेत्रमा ७.९ रेक्टर स्केलको शक्तिशाली भुकम्प गएको थियो । झन्डै आधा घण्टा सम्म पटक पटक गएको भुकम्पले धक्काले राजधानी सहित देशभर ठूलो जनधनको क्षति भएको छ भने नेपाल अधिराज्यभर हजारौं हजारले ज्यान गुमाउनु परेको छ । राजधानीको जनजीवन अझै पनि त्रस्त देखिएको छ । सयुक्त राष्ट्रसंघले शनिबार आएको महाभूकम्पमा परेर १४ लाख नेपाली खाद्य अभावमा रहेको र एक करोडभन्दा बढी नेपाली प्रत्यक्ष तथा अप्रत्यक्ष रुपमा प्रभावित भएको बताएको छ ।राष्ट्रसंघले नेपालको वर्तमान प्राथमिकता भनेको उनीहरुलाई उद्धार गर्नु र घाइतको उपचार गर्नु र घर विहिन भएकाहरुलाई तत्काल राहात नै पछिल्लो प्राथमिकता रहेको बताएको छ । यसमा पनि खास गरि पानी, बस्ने स्थानको ब्यवस्था, सुरक्षा र खानामा बढिजोड दिनुपर्नेमा जानकारी दिएको छ ।
प्रहरी प्रधान कार्यालयले मंगलबार बिहान गराएको अपडेट अनुसार ४,६८० जनाको निधन भइसकेको छ भने ९०४३ जना घाइते छन् । उद्धार तथा खोजी कार्य जारी नै रहेकाले मर्नेहरुको संख्या थपिन सक्ने जनाइएको छ । सबैभन्दा बढी क्षति काठमाडौं उपत्यका र सिन्धुपाल्चोकमा भएको छ । यस दुखद घडिमा मृतकहरु प्रति विभेद बिरुद्ध अभियान बलग हार्दिक श्रदान्जली अर्पण गर्दछ, उहाहरुका शोक-सन्तब्द आफन्तजनहरु प्रति हार्दिक समबेदना व्यक्त गर्दछ र चोट पटकबाट प्रभावित अस्वस्थ नेपालीहरुको सिघ्र स्वास्थ्य लाभको कामना गर्दछ । बिभिन्न संघ सस्था मार्फत सकेको सहयोग गर्ने प्रतिबध्ता जनाउदै नेपालमा भुकम्पले पुर्याएको क्षति प्रति सहयोग गर्नु हुने सवै मा आभारी व्यक्त गर्दछ ।यो बिपतको घडीमा सहानुभुति र सदभाब साथ सहयोगको लागि देश बिदेशमा रहनुहुने सम्पूर्ण नेपाली दाजुभाई तथा दिदीबहिनीहरूमा हार्दिक अपिल गर्दछ ।
त्यस्तै गरि केहि थप जानकारी यहाहरुलाई
१) राहत सामग्री चाहिए वा कुनै जानकारी चाहिएमा
सरकारले भूकम्पबाट प्रभावितहरुका लागि हटलाइन नम्बर उपलब्ध गराएको छ। हटलाइन १२३४ मा कुनै समस्यामा परेमा, राहत सामग्री चाहिए वा कुनै जानकारी चाहिएमा फोन गर्न सरकारले आग्रह गरेको छ। यो नम्बरमा फोन गर्दा पैसा नलाग्ने पनि सरकारले बताएको छ ।.
२)चोरी र कालोबजारी रोक्न
नेपाल प्रहरीले मंगलबार एक विज्ञप्ती जारी गरी दैनिक उपभोग्य बस्तुमो मूल्य बृद्धि गर्ने, जनमानसमा भ्रम सृजना गर्ने, तथा सवारी साधनको भाडा बढी लिने काम नगर्न अनुरोध गरेको छ ।सरकारले व्यवसायीलाई इमानदारितापूर्वक आफ्नो दायित्व निभाउन झक्झकाएको छ भने अर्कातिर सुरक्षाको लागी सेनाले गस्ती गरिरहेको छ ।विपतको अवस्थामा गैर कानूकी काम गर्ने तथा चोरी डकैत ीगर्ने काम गरेको पाइएमा कडा कारवाही गर्ने चेतावनी प्रहरीले दिएको छ ।यसबीच विभिन्न जिल्लामा बढी भाडा लिने सवारी साधनबाट भाडा फिर्ता गराएको प्रहरीले जनाएको छ । त्यस्तै बढी भाडा लिने,चोरी र कालोबजारी नियन्त्रण गर्न नेपाल प्रहरीले १०० मा कल गर्न अनुरोध गरेको छ
३) सहयोग रकम प्रधानमन्त्री उद्धार कोषमा जम्मा गरौं
पटक–पटक आएको भूकम्पबाट पीडित र प्रभावितको उद्धार, उपचार, राहत, पुनःस्थापनाका साथै क्षतिग्रस्त भौतिक संरचनाको मर्मत र पुनःनिर्माणका लागि सहयोग गर्न चाहने सबैलाई सरकारले प्रधानमन्त्री दैवी प्रकोप उद्धार कोषमा सहयोग रकम जम्मा गर्न अनुरोध गरेको छ । प्रधानमन्त्री कार्यालयले जनाएअनुसार सहयोगी स्वदेशी तथा विदेशी दाताहरुले तपशिल खातामा रकम जम्मा गर्न सकिने छ ।
नेपाल बैंक लिमिटेड, काठमाडौँको ००२–११–०५३३१३,
स्ट्यान्डर्ड चाटर्ड बैंक नेपाल लिमिटेडको ०१–०१३२४३८–०१,
नेपाल बङ्गलादेश बैंक लिमिटेडको ०३५१४१ सी,
एभरेष्ट बैंक लिमिटेडको ००१०११०२२०००१२ र ००१००१०५२००२७०
ग्लोबल बैंक लिमिटेडको ०४११०१००००००५
४) इन्टरनेट नहुँदा समेत निशुल्क कलको सुविधा
नेपालमा महा-भूकम्प को बिपतमा इन्टरनेट नहुँदा समेत आफन्तहरु संग सहज सम्पर्क होस् भन्ने उद्देश्यले चर्चित कलिङ र शेयरिङ साइट भाइबर र स्काइपले नेपालीहरुलाइ भाइवर/स्काइप आउटमा समेत निःशुल्क कलको सुविधा दिएको छ । नेपालका भूकम्प प्रभावितहरु वा विदेशमा बसेका नेपालीहरुले भाइबर इन्टरनेट सुविधा नहुँदा समेत भाइबर आउटबाट निशुल्क कल गर्न सक्ने भाइवर/स्काइप ले जनाएको छ ।भाइबर/स्काइप का अनुशार नेपालमा आएको भूकम्पको प्रतिक्रियास्वरुप हामीले भाइबर/स्काइप आउट विलिङ सिष्टम स्वीच अफ गरि नेपालीहरुले जहाँ सुकैबाट निशुल्क कल गर्न सकुन् भनेको छ ।भने सामाजिक संजाल फेशबुक र गुगलले समेत आफ्ना साथीहरु खोजि गर्न आआफ्नै एप्स जारि गरेका छन् ।
५ )निःशुल्क बससेवा
काठमाण्डु छाडेर आफ्नो गृह जिल्ला जान चाहनेका लागि नीजि शैक्षिक संस्था प्याव्सन, एन पयाव्सन र हिसानले दुई सय ५० गाडि निशुल्क बससेवाको पठाउने निर्णय गरेको छ ।मंगलबार बसेको संयुक्त बैठकले बुधबार बिहान नयाँ वानेश्वरको संविधानसभा हलबाट चितवन सम्मको लागि सो गाडि पठाउने निर्णय गरेको हो ।चितवनसम्म काठमाण्डुबाट गाडि पठाउने र त्यहाँबाट अन्यस्थानका लागि व्यवस्गा गरिने बताइएको छ । साथै बैठकपछि दिइएको जानकारीमा भोली बिहान ७ बजे जान चाहने इच्छुकलाई नयाँ वानेश्वरको संविधानसभा हल आउन आग्रह गरिएको छ ।
६ ) पहिचान नभएका शव शिक्षण अस्पतालमा लिन आउँन अपिल
विनाशकारी भूकम्पमा परी निधन भई विभिन्न अस्पतालमा पहिचान हुन नसकी एकत्रित गरी त्रिवि शिक्षण अस्पताल महाराजगन्जमा राखिएको छ ।पहिचान नभएका शव शिक्षण अस्पतालमा राखिएको जनाउँदै नेपाल प्रहरीले कसैको नातेदार तथा छिमेकी हराएको भए अस्पतालमा आउन आग्रह गरेको छ।नेपाल प्रहरीले शिक्षण अस्पतालमा शव जम्मा हुने क्रम बढेकाले ज्यान गुमाएका आफन्तको पहिचान गरी शव बुझ्न आग्रह गरेको छ ।
८ )भूकम्पको नाम ‘गोरखा भूकम्प’
सामान्यतया ठूला विनासकारी भूकम्पलाई सम्बन्धित भूकम्प केन्द्रबिन्दुस्थलको नामबाट चिनिने अन्तर्राष्ट्रिय अभ्यास छ । त्यहि भएर शनिबार गएको भूकम्पको नाम ‘गोरखा भूकम्प’ नामले चिन्नुपर्ने राष्ट्रिय भूकम्प मापन केन्द्रका अधिकारीहरुको सुझाव छ ।
९ )आजबाट तीन दिनसम्म राष्ट्रिय शोक
प्रधानमन्त्री सुशील कोइरालाले मंगलबार साँझ राष्ट्रका नाममा सम्बोधन गर्दैं सीमित स्रोत साधनका कारण भूकम्प पीडितको उद्धारप्रक्रियामा सरकारबाट कम्जोरी भएको स्वीकार्दै यो विपत्तिसँग जुध्न राष्ट्रिय–अन्तर्राष्ट्रिय समुदायसँग सहयोगका लागि अपिल गर्नु भएको छ ।भूकम्पबाट घाइते भएकाहरुको सरकारले निशुल्क उपचारको व्यवस्था गरेको बताउँदै प्रम कोइरालाले ‘दलहरुबाट सहयोगको आशा गरे र पुनःस्थापना र पुननिर्माणमा सघाउन नेपालीलाई आह्वान गर्दै उद्धारमा मन बचन र कर्मले लाग्न समेत आग्रंह गर्नु भएको छ ।सम्बोधनका क्रममा उनले आजबाट तीन दिनसम्म शोक मनाउने बताए । शोक मनाउने क्रममा देशका सबै सरकारी कार्यालय र विदेशस्थित अन्तर्राष्ट्रिय कुटनीतिक निकायमा राष्ट्रिय झण्डा आधा झुकाइने छ ।
धन्यवाद
-गोपाल सिवा
विभेद बिरुद्ध अभियान
No comments:
Post a Comment