राहत लिन गएकी वृद्ध फुलमायालाई प्रहरी द्वारा निर्घात कुटपिट

दमौली,१५ जेठ २०७२, विभेद बिरुद अभियान ।तनहुँ जिल्लाकी एक महिला राहत लिन भानु गाविस–६ नारेश्वरटारमा लाईनमा वस्दा प्रहरीद्धारा पिटाई खानु परेको छ । राहत लिन गएकी महिलालाई प्रहरीले कुटपिट गर्दा अस्पतालको शैयामा भर्ना हुनु परेको छ ।

गत १२ वैशाखमा गएको महाभुकम्पवाट घर भत्किए पछि सरकारी राहत लिन भानु गाविस–६ नारेश्वरटार आएकी स्थानिय थक्रेक गाउँकी ५२ वर्षकी फुलमाया नेपाली प्रहरीको कुटाईवाट घाईते हुनु भएको हो । बुधवार भुकम्प पिडीतलाई त्रिपाल बाढने क्रममा नेपाली लाईनमा वसीरहेको अवस्थामा सुरक्षा दिन बसेका प्रहरीले कुटपिट गरेपछि अस्पतालसम्म ल्याउनु परेको स्थानिय व्याक्ति लक्ष्मण मजकोटीले बताउँनुभयो ।

दलित परिवारकी फुलमाया त्रिपाल र अन्य खाद्यसामग्री लिएर घर जाने योजनामा आउनुभएको थियो तर, प्रहरीको दुरव्यहार पछी अस्पतालमा भर्ना गर्न लैजान बाध्य भयौं स्थानिय मजकोटीले गोरखापत्रसँग बताउनुभयो । सरकारले राहत वितरणको अवस्थामा सुरक्षादिन भन्दै प्रहरी परिचालन गरेको भएपनि प्रहरीले ति महीलालाई सम्झाउनु पर्नेमा उल्टै कुटपिट गरेर अवस्थालाई झन जटिल बनाएका थिए उहाँले भन्नुभयो ।

बन्दीपुर नगरपालिका–१ डुम्रेबजार स्थित लक्ष्मी अस्पतालमा घाईते नेपालीको उपचार गरिएको छ । घाइते नेपालीलाई तिन जना प्रहरीले घिच्याउँदै भित्र लिएर महिला माथी कुटपिट गरी घाईते बनाएको स्थानिय अगुवा लक्ष्मण मजकोटीले बताउनु भयो  ।

प्रमुख जिल्ला अधिकारी राजकुमार श्रेष्ठका अनुसार महिला मदिरा सेवन गरी त्रिपाल माग्न गएको र प्रहरीलाई गालि गलोच गरेका कारण घटना घटेको बताउनुभयो । घटनाको विषयमा छानविन भईरहेको प्रजिअ श्रेष्ठ बताए पनि पिडक लाई उचित सजाय र पीडित लाई न्याय दिलाउन सबै नागरिक समाज, दलित समुदाय ले पहल गर्नु पर्ने अपरिहार्यता देखाएको छ ।

त्यस्तै, तनहुँ जिल्लामा भुकम्प पिडितका लागि झण्डै ३ हजार त्रिपाल वितरण भएको छ । जिल्लाको तिन नगर पालिका र ४१ गाविसमा १५ हजार त्रिपालको माग भएपनि ३ हजार वितरण भएको बताउँदै प्रजिअ श्रेष्ठ बताउनुहुन्छ,‘ अझै आवश्यक देखीएकाले थप माग गरीएको छ ।’