दलित समुदायका लागि विशेष प्रतिनिधित्व हुनुपर्ने माग गर्दै ज्ञापनपत्र

काठमाडौ , असार १३- विभेद विरुद्ध अभियान ।संविधान मस्यौदा समितका ६ जना दलित नेताहरु जीवन परियार, कविताकुमारी सरदार, रामदयाल मण्डल, शिवकुमारी गोतामे (सार्की) नगरकोटी, सीताकुमारी नेपाली ,डिलबहादुर नेपाली सहित नेपाली कांग्रेसका युवा नेता तथा सभासद गगनकुमार थापाले दलित समुदायका लागि विशेष प्रतिनिधित्व हुनुपर्ने माग गर्दै संविधान मस्यौदा समितिका सभापतिलाई हस्ताक्षर सहित को  ज्ञापनपत्र बुझाएका छन् । 

नया संविधानमा समाबेश गरिनु पर्ने अनिवार्य दलित समुदायहरुको सवालहरु बिषयशुचि राखेर नेताहरुले ३ बुँदे माग राखदै बुझाएको ज्ञापनपत्रमा भने निम्न कुराहरु रहेका छन (  हेर्नुस  बुझाएको ज्ञापनपत्र )। 

१) संघ, प्रदेश र स्थानीय निकायको व्यवस्थापिका र कार्यपालिकामा जनसंख्याको अनुपातमा प्रतिनिधित्वको व्यवस्था हुनुपर्ने माग गरिएको छ ।

२) निजमाति सेवा, न्याय, सुरक्षा निकाय लगायत राज्यका सबै अंग, निकाय र क्षेत्रहरुमा समानुपातिक सहभागिता र प्रतिनिधित्व सुनिश्चित गरिनुपर्ने माग गरिएको छ ।

३) संवैधानिक अंग, न्यायाधीश, राजदूत तथा राजनीतिक नियुक्तिहरुमा पनि दलितहरुको अनिवार्य प्रतिनिधित्व हुनुपर्ने माग गरिएको छ ।