प्रहरी चौकीमा १२ वर्षीया सङ्गीता नेपालीको विवाह बदर

डोल्पा ,९ असार,विभेद बिरुद्ध अभियान ।त्रिपुराकोट गाविस- ३ की १२ वर्षीया सङ्गीता नेपाली (दमाई)ले आफूलाई ललाइफकाइ जबरजस्ती बालविवाह गरेको भन्दै ०७२ असार ८ गते जुफाल गाविस ९ का २५ वर्षीय बिरु नेपालीविरुद्ध इलाका प्रहरी चौकी, त्रिपुराकेाटमा निवेदन दिएकोमा स्थानीय राजनीतिक दलले दवाव दिएपछि प्रहरीले पीडकबाट पीडित बालिकालाई रु २० हजार नगद क्षतिपूर्ति तिराइ विवाह बदर गराएको छ। 

बिरु नेपाली र उसका आफन्तले आफुलाई जुफाल गाविसको मोतिपुर गाउँमा आफन्तलाई भेट्न गएको बेला ललाइफकाई गरी घरमा लगेको र त्यसपछि तिमिलाई मैले विवाह गरी ल्याएको भनी जबरजस्ती सातदिन सम्म घरमा थुनेर राखेको पीडित बालिकाले निवेदनमा उल्लेख गरेकी थिइन् । पीडित बालिकाको निवेदनपछि बिरु नेपाली र उनका आफन्तलाई प्रहरीले असार ८ गते गिरफ्तार गरेको थियो