बली चढाइएका मासु दलित समुदायले मात्रै खानु पर्ने चलनले जातीय विभेद हटेन

बैतडी, कार्तिक ७- विभेद विरुद्ध अभियान । बैतडी जिल्लाका विभिन्न मन्दिरहरूमा बली चढाइएका राँगाको मासु दलित समुदायले मात्रै खानु पर्ने चलनले जिल्लाको विभिन्न समुदायमा रहेको जातीय विभेद अझै हट्न सकेको छैन । घटस्थापनादेखि विजयादशमी सम्ममा विभिन्न देवी देवताहरूको मन्दिरमा बोका र राँगाको बली चढाइन्छ । खसी बोका जसले भाकल गरेका हुन् उनीहरूले मासु खाने गरेको तर बली गरिएका राँगाको मासुचाहिँ दलित समुदायले मात्रै खानु पर्ने परम्परा रहेको निंगलासैनी भगवती मन्दिरका मुखिया मानबहादुर बोहराले वताए ।

मन्दिरमा बली चढाइएका राँगाहरूको मासु दलित समुदायले मात्रै खाने चलनले दलित समुदाय बढी जातीय विभेदको शिकार हुनु परेको भनि राष्ट्रिय हलिया महासंघका अध्यक्ष राजुराम भुलले बताए ।