नयाँ शक्तिका सबै केन्द्रमा दलितको प्रतिनिधित्व हुनेछ : भट्टराई

फागुन १५,विभेद विरुद्ध अभियान - नयाँ शक्ति, नेपालका संयोजक डा. बाबुराम भट्टराईले नयाँ शक्तिका सबै केन्द्रमा दलितको प्रतिनिधित्व हुने बताएका छन् ।

आइतबार नयाँ शक्तिको मुख्यालय बबरमहलमा आयोजित दलित परिषद् निर्माणका लागि राष्ट्रिय भेलामा बोल्दै भट्टराईले भने, ‘नयाँ शक्तिका प्रत्येक केन्द्रमा दलितको प्रतिनिधित्व हुन्छ ।’

भट्टराईले समाजमा रहेको विभेद अन्त्य नयाँ शक्तिले मात्र गर्न सक्ने दाबी समेत गरेका छन् । भट्टराईले भने, ‘समाजमा दलित र गैर दलितका नाममा अझै व्यप्त रहेका विभेदको अन्त्य अब नयाँ शक्तिले मात्र गर्न सक्छ ।’

भेलामा नयाँ शक्ति केन्द्रीय परिषद् सदस्य कमला हेमचुरी र दलमर्दन कामीले कार्यपत्र प्रस्तुत गरे ।

हेमचुरीले प्रस्तुत गरेको कार्यपत्रमा दलितकै नाम राखेर शसक्त समिति बनाएर अघि बढ्ने प्रस्ताव गरिएको छ भने दलर्मनले प्रस्तुत गरेको कार्यपत्रमा राष्ट्रिय दलित मुक्ति समाज वा  पहिचानका पक्षमा अघि बढ्ने भन्ने विचार राखिएको छ ।

भेलामा नयाँ शक्तिका संगठन विभाग प्रमुख देवेन्द्र पौडेल, दलित विभाग प्रमुख महेन्द्र पासवान लगायतको उपस्थिति थियो ।
भेलामा दलितको अधिकार र सम्मान कसरी गर्ने भन्ने विषयमा छलफल भएको छ ।

- नयाँ पेज बाट