दलितहरुको पुजामा पण्डित दलित नै भए

प्रेम सुनार गुल्मी ,बैशाख–१० । गुल्मी र छिमेकी जिल्ला अर्घाखाँचीमा दलित समुदायको हरेक पुजा–पाठहरुमा पण्डित्याँई आफ्नै समुदायका एक व्यक्तिले चलाउँदै आएका छन् । झण्डै डेढ दशक देखि अर्घाखाँची मैदान–५ का ५३ वर्षिय नन्दलाल बिश्वकर्मामाले यी दुई जिल्लामा रहेका दलित समुदायहरुको पुजा पाठमा व्राम्हणले जस्तै विधिवत पाठ गरी पण्डित्याँई गर्दै आएका हुन् । 

उच्च हाँसिल गरेर शिक्षण पेशा गर्दै आएका बिश्वकर्माले २०५५ देखि २० ५६ सम्म हरिहर संस्कृति विद्यापिठ खिदीममा संस्कृति पढेर उत्तरमध्यमा उतिर्ण गरी हाल सम्म दुई जिल्लाका करिव डेढ सय घरमा पुजा पाठ चलाएको बताएको खबर गुल्मी न्युजमा प्रकासित भएको छ  । 

श्रीकृष्ण उच्च माध्यामिक विद्यालय मैदान अर्घाखाँचीमा २५ वर्ष देखि प्रावि तृतिय तहका शिक्षक रहेका बिश्वकर्मालाई उनका छिमेकी व्राम्हण, क्षेत्रीहरुले समेत ‘पण्डित जी’ भनेर सम्वोधन गर्ने गर्दछन् । ‘त्यस विद्यापिठमा ३ जन दलित सहित ४५ जनाले संस्कृति पढेका हौं , –विशवकर्माले भने–‘ खै अरुले पण्डित्याँई गरेकी गरेनन् तर मैले गर्दै आएको छु र भ्याई नभ्याई छ । ’ पण्डित्याँई दलित गैह्र दलित जसले गरे पनि हुन्छ भन्दै उनले दलित समुदायका अलवा व्राम्हण समुदायले समेत संस्कृति पढ्न छाडेको प्रति चिन्ता र हिन्दु धर्म परिवर्तन गर्न खोज्नेहरु प्रति खेद प्रकट गर्दछन् ।