मृगौला पिडित घनश्याम बिश्वकर्माद्वारा सहयोगको अपिल

झापा ,बैसाख १४  । झापा जिल्ला केर्खा ७ का घनश्याम बिश्वकर्माको धेरै पैसा कमाएर आफ्नो परिवारलाई सुखी राख्ने सपना बोकेर मलेसिया पुग्नु भयो । मलेसियामा जसोतसो मजदुर गर्दै हुनुहुन्थ्यो २ महिना पछि मेडिकल गर्नु पर्ने भयो मेडिकल त गर्नु भयो तर मेडिक रिपोर्टमा काम गर्न अनफिड देखाइदियो । उहाँको जिवनमा ठुलो बज्रपात आइलाग्यो सपना सबै सपनामै सिमित रह्यो यद्दपी ज्यान रहे सब हुन्छ भनेर मन बुझाएर नेपाल फर्कनु भयो ।

नेपाल फर्के पछि केही दिन राम्रै संग चल्यो बिस्तारै उहाँलाई खाना रुच्न छाड्यो शरिर दुब्लाउन थाल्यो उहाँ परिवारको सल्लाहा अनुसार झार फ्क गर्न तर्फ लाग्नु भयो । शरिरमा जण्डिसको लक्षणहरु देखा पर्न थाल्यो फुकेर निको होला नी भनेर धामीको भर परेर बस्नु भयो । धामीले धेरै उपचार गर्दा पनि निको नभए पछि मङ्लवारे स्वास्थ चौकीमा जचाउन जानु भयो । जचाउदा एकासी दुबै किड्नी फेल भएको रिपोर्ट आयो ।

उहालाई गाउको स्वास्थ्य चौकीको विश्वास लागेन र काठमाडौ गएर जचाउनु भयो त्याहा दुबै मृगौलाले काम नगरेको प्रमाण्ीत भयो । अहिले बिश्वकर्माको नोबेल मेडिकल कलेज ,बिराटनगरमा उपचार भइरहेको छ । उपचारको क्रममा अझै सम्म साढे ४ लाख सकिसकिएको घनश्यामकी श्रीमती लिला बिश्वकर्माको भनाई छ । 

डाक्टरले बताए आनुसार एउटा मात्रै किड्नी फेर्न सके पनि बचाउन सकिन्छ ।किड्नी फेर्नु भक्तपुरको अस्पातालमा लैजानु पर्छ रे पैसा जती सकियो ऋण पनि कसैले दिदैन किड्नी फेर्न लगभग १८ लाख जति खर्च लाग्छ भन्छन डाक्टरहरु त्यती धेरै पैसा कहाबाट ल्याउनु लिलाले दुःख पोख्नु भयो । बिश्वकर्माको उपचारका लागि सहयोग गरिदिन आग्रह गरेको छ । सहयोगका लागि श्रीमती लिला बिश्वकर्मा ९८०७९२९३१६ छोरा रोसन ९८२४०९९८०५ मा सम्पर्क गर्न सक्नुहुनेछ ।