संविधानमा दलित अधिकारका विषयमा जनचेतना कार्यक्रम सम्पन्न

विभेद बिरुद्ध अभियान, १६ वैशाख ।  लेटाङभोगटेनी नगरपालिकाको सहयोग तथा दलित समन्वय समितिको आयोजनामा कृषी विकाश बैंकको तालिम केन्द्रमा भएको दलित अधिकारको सन्दर्भमा नेपालको संविधानको अध्ययन तथा विश्लेषण विषयक एक दिने जनचेतनामुलक कार्यक्रम सम्पन्न गरेको छ ।लेटाङभोगटेनी नगरपालिकाको सहयोगमा दलित समन्वय समितिले आयोजना गरेको उक्त कार्यक्रममा लेटाङभोगटेनी नगरपालिकाका कार्यकारी अधिकृत युवराज आचार्यले कार्यक्रमको उद्घाटन पछी बोल्दै नयाँ नेपालको संविधानले सम्पूर्ण नेपालीहरुको मौलिक हक अधिकारको ग्यारेण्टी र सुनिश्चितता गरेको बताए ।

कार्यक्रममा गाविस महासङ्घ नेपालका कार्यबाहक अध्यक्ष घनश्याम खतिवडाले नयाँ संविधानले सम्पूर्ण नेपालीहरुको अधिकारको सुनिश्चिततासँगै दलित उत्थानका लागि दलित अयोगको समेत संविधानले ब्यवस्था गरेर सवै नेपालीहरुलाई बराबर अधिकारको प्रत्याभूति दिलाउने भरमग्न प्रयास गरेको बताए  ।

त्यस्तैै नेपालीहरुलाई विभेद नगरी ९१ प्रतिसत संविधानसभा सदस्यहरुको समर्थनमा निर्माण भएको संविधान विश्वको राम्रोसंविधान भएको दावी गरे ।

दलित समन्वय समितिका अध्यक्ष बिष्णुकुमार शङ्करको अध्यक्षतामा भएको सो कार्यक्रममा प्रहरी नायब निरिक्षक भरत कुमार कार्की,नेकपा मालेका लक्ष्मी प्रसाई,राप्रपा नेपालका धर्मचन्द घिमिरे,गंगामाया विक,समाजसेवी हेरम्बराज भटट्राईको सहभागीता थियो भने नेपाली काङ्ग्रेस लेटाङभोगटेनी नगर समितिका सचिव उत्तम श्रेष्ठ समाजसेवी नन्दलाल धिमाल, शान्ति भगवती उमाविका प्राचार्य श्रीप्रसाद ढकाल गणेश सुन्दास लगायतले बोलेका थिए । लेटाङभोगटेनी नगरपालिका क्षेत्रमा बसोवास गर्दै आएका दलित समुदायको ८० जना मानिसहरुको सहभागिता रहेको सो कार्यक्रममा अधिबक्ता गणेश लुईटेलले दलित अधिकारको सन्दर्भमा नपालको संविधानले ब्यवस्था गरेका विषयमा सहजीकरण गरँउका थिए ।