बिश्वकर्मा समाज नेपालको भवन निर्माणको लागि युएईबाट आर्थिक सहयोग

उत्तम बिक, युएई-वैशाख १४ ,विभेद बिरुद्ध अभियान  – , बिश्वकर्मा समाज नेपालको पोखरा स्थित अलकापुर १५ मा निर्माण हुनलागेको बिश्वकर्मा भवनको लागी बिश्वकर्मा समाज नेपाल युएईले (४४६७.५० युएई दिराम) अर्थात एक लाख अठ्ठाइस हजार पाच सय रुपैया आर्थिक सहयोग गरेको छ ।

 नेपाल बाट बैदेशिक रोजगारीको शिलशिलामा युएईको विभिन्न ठाउमा छरिएर रहेका बिश्वकर्मा दाजुभाई दिदीबहिनीहरुबाट जति सक्दो आर्थिक संकलन गरि बिश्वकर्मा समाजको भवन निर्माणमा सहयोग पुर्याउने उद्धेश्यका साथ बिश्वकर्मा समाज नेपाल युएईका केन्द्रीय अध्यक्ष बाबुराम बिश्वकर्माको संयोजकत्वमा दुबईबाट रोहण सुनार, बिनोद गोतामे, देउ सोनी, सारजाहबाट देब बिक, सुब्बा बिक, आबुधबिबाट कमल खाती, कृष्ण बिक लगायतले निरन्तर सहयोग गर्दै  शुरु गरेको आर्थिक सहयोग अभियानमा युएईबासि बिश्वकर्मा दाजुभाई दिदीबहिनीहरुले सक्दो सहयोग गरेको बिश्वकर्मा समाजका केन्द्रीय सदस्य रोहण सुनारले बताए ।

नेपालको कुल जनसंख्याको ५ प्रतिशत बिश्वकर्मा रहेको नेपाली समाजमा सदियौंदेखि जरा गाडेर बसेको जातीय छुवाछुत तथा अमानविय कु-सस्कारको अन्त्य गरि सभ्य समाजको निर्माण गर्न सामुहिक एकता, कला, सिप, सस्कृती, शिक्षा र चेतनाको बिकास गर्दै समाजका पछाडी पारिएका समुदाय संग सहकार्य गर्दै  समाजमा रहेको छुवाछुत प्रथाको निर्मुल गर्ने उद्धेश्यका साथ गठन भएको बिश्वकर्मा समाज नेपालले आफ्नै भवन  बनाउन लागेको अबस्थामा युएईमा रहेको बिश्वकर्मा समाज नेपाल युएईले पनि सहयोगी हात अगाडी  बढाएको र समाजको लागि निरन्तर लागि पर्ने बिश्वकर्मा समाज युएईका केन्द्रिय अध्यक्ष बाबुराम बिश्वकर्माले बताए ।

 यसरि निर्माण हुन लागेको उक्त भवन बिश्वकर्मा समाज नेपालको नेपाल मै पहिलो सस्थागत भवन रहेको र उक्त भवन निर्माणको लागि युएईबाट हाल सम्म जम्मा भएको रकम बिश्वकर्मा समाज नेपालका केन्द्रीय अध्यक्ष गणेश बराईलिको नाममा नेपाल पठाईएको पनि अध्यक्ष बिकले बताए ।

-मजदुर अनलाइन बाट