उपराष्ट्रपतिको बुहारीले बाँडिन् मुसहर बस्तीका बाढीपीडितलाई राहत

विभेद बिरुद्ध अभियान - भदौ ७ -चितवन–उपराष्ट्रपतिकी बुहारी जुना घर्ती मगरले चितवनको रत्ननगर नगरपालिका वडानम्बर ५,६ र ७ का मुसहर र दलित बस्तीमा र राहत वितरण गरेकी छन् । उनले सो क्षेत्रमा ९३ घर परिवारलाई चामल,दाल बेसार र तेल वितरण गरेकि हुन् ।

 सो अवसरमा घर्ती मगरले चिकित्सक टोली समेत लगेर पीडितहरुको स्वास्थ्य जाँच गराएकी छन् ।

राहत वितरणपछि पुनले भनिन् ‘बाढीले मुसहर र दलित बस्तीमा खानाको मात्रै होइन स्वास्थ्यको पनि समस्या रहेछ । हामी पुगेपछि धेरै खुशी भए ।’

राहत पाएपछि स्थानीइ मनशान्ता विकले समस्यामा परेका बेला सहयोग पाउदा खुशी लागेको बताइन् । स्वास्थ्य चेकजाँचका क्रममा केहि बालबालिकालाई निमोनिया र टाइफाइडको समस्या देखिएकाले औषधि वितरण गरेको डा.वासुदेव पाण्डेले बताए ।स्वास्थ्य टोलीले सिटामोल लगायतका प्राथमिक उपचारका औषधि वितरण गरेको जनाएको छ ।