जातीय विभेद गरेको घटनाका आरोपित गिरफ्तार

विभेद बिरुद्ध अभियान - चैत १४ –जातीय विभेद गरेको आरोपमा पुनर्वास नपा-६ का बलराम भट्टराई र श्रीकृष्ण नेपाललाई इलाका प्रहरी कार्यालय, त्रिभुवनवस्तीले चैत १२ गते गिरफ्तार गरेको छ ।

पुनर्वास नपा-६ स्थित चोकमा रहेको मन्दिरमा शिवरात्रीका दिन पुजाको विषयमा जातीय विभेद गरेको आरोपमा स्थानीय धनबहादुर बिक र टेकबहादुर बिकले गत फागुन १५ गते इलाका प्रहरी कार्यालय, त्रिभुवनवस्तीमा उजुरी दिएका थिए ।

पीडित पक्षले दिएको उजुरीका आधारमा आरोपित पण्डित बलराम भट्टराई र श्रीकृष्ण नेपाललाई गिरफ्तार गरेको इलाका प्रहरी कार्यालय त्रिभुवनवस्तीका इन्स्पेक्टर हिरेन्द्रबहादुर रोकायाले बताए ।