दलित समुदायका सात विद्यार्थीको कक्षा १० सम्मको शैक्षिक अभिभावकत्व ग्रहण

बिभेद बिरुद्ध अभियान-  वैशाख १४,काठमाडौँ — काभ्रेको चौरी–देउराली गाउँपालिका ज्यामिरेस्थित बालकल्याण प्राथमिक विद्यालयमा अध्ययनरत् अतिविपन्न र आमाबाबुको हेरचाहसमेत नपाएका सातजना दलित समुदायका विद्यार्थीलाई छात्रवृत्ति प्रदान गरिएको छ ।

काठमाडौंको सासा ट्राभल्सले सामाजिक उत्तरदायित्वअन्तर्गत् प्राथमिक तहदेखि कक्षा १० सम्मको सबै शैक्षिक अभिभावकत्व ग्रहण गरी छात्रवृत्ति प्रदान गरेको हो ।संस्थाका अध्यक्ष एवं प्रबन्ध निर्देशक इन्दु चौलागाइँले छात्रवृत्तिसँगै लत्ताकपडा, शैक्षिक सामाग्री वितरण गरिन् ।

आगामी दिनमा सहयोग रकम वृद्धि गर्नुको साथै अरु सहयोग पनि गर्ने आश्वासन चौलागाइँले दिइन् ।विद्यालयका प्रधानाध्यापक प्रेमप्रसाद चौलागाइँले यस्तो सहयोगले विद्यार्थीलाई हौसला र प्रोत्साहन मिल्ने बताए ।