गोप्य राख्नुपर्ने कुराहरु गोप्य नै राखौ - गोपाल शिवा

कुवेतमा कार्यरत एक नेपाली जोडीले मिलेमतोमा खिचेको यौन क्रियाकलापको भिडियो अहिले सामाजिक संजाल देखि युटुब सम्म भाइलर भन्दै आइरहेका छ। पुरुष पात्रले  अँगालो मार्छन महिला पात्रले एक दुइ तिन भन्दै आफ्ना अंगहरु सुम्सुमाउन अभिपेरित गर्छिन यो रोमाञ्चक दृश्यमा दुवै जना उत्तिकै सक्रिय हुन्छन् जसलाई क्यामेराले कैद गर्छ। उनीहरुले मिहिनेतपूर्वक खिचेको त्यहि भिडियो अहिले बिभिन्न हेडलाइन बनेर सामाजिक संजाल , मेसेन्जर हुदै युटुब सम्म फैलिरहेको छ  ।

भिडियो खिच्ने यी जोडी पति पत्नी पनि होइनन ...भिडियोमा देखिने नायक संग मेरो धेरै पटक भेट भएको छ कुरा भएको छ । दश नंग्रा खियाएर काम गर्दा पनि हातमुख जोड्न धौ धौ परे पछि आफ्नै घर परिवार लाइ देशमा छोडेर समृदिको सपना बोकेर परदेशिएका निम्न वर्गका ति तमाम लाखौ नेपालीहरु जस्तै यिनीद्वय पनि अर्कैको पति अर्कैको श्रीमती अझ बालबच्चा समेत ठुल्ठुला भै सकेका कर्तब्यको बोझ थाप्लोमा बोकेर खाडी आएका हुन।पछिल्लो समय वैदेशिक रोजगारीमा गएका श्रीमानका श्रीमतिहरु नेपालमा बिग्रिएको धेरै समाचार प्रकासनमा आएका छन् । श्रीमानको कमाइमा श्रीमातीको मस्ती….., विदेशमा श्रीमानलाई सास्ती, नेपालमा श्रीमतिको अर्कैसंग मस्ती…. जस्ता हेडलाईनहरु दैनिक जसो समाचारपत्रमा आइरहेका छन् ।तर सुनौलो सपना बोकेर विदेशीएका श्रीमानले यसरि आफुले कमाएको अर्कैलाई ख्वाउने, प्याउने र मस्ती गरेर सकेको चै कहिले समाचार बन्छ कि बन्दैन होला ? यिनको भिडियो हेरे पछी प्रश्न उठेको छ ।

धन कमाएर आफ्नो जीवन स्तर उकास्नु या परिवारका समस्याहरु समाधान गर्नु  परिवारको बोझलाई कम गर्न भनेर बिबिध समस्याहरु हुँदाहुँदै घरेलु कामदारको रुपमा लाखौ नेपाली दिदीबहिनी खाडीमा घरेलु कामदारका रुपमा काम गर्न आएका छन् । बैदेशिक रोजगारको लागि खाडी आएर काम गर्ने महिलाहरु जो कसैकी छोरी, कसैकी दिदीबहिनी, कसैकी श्रीमती र कसैकी आमा छन । ति आएका मध्ये कुबेत बाट गत महिना आममाफी पाउदा आम माफी पाएर घर फर्कने ३७१४ जना नेपालीहरु मध्ये २१९६ जना दिदिबहिनीहरु थिए । फर्किने दिदि बहिनीहरुले  बिना बाउको ३९ जना बच्चा आफु संगै लिएर घर फर्किए। बैदेशिक रोजगारमा घरेलु कामदारमा आउने नेपाली दिदीबहिनीहरु कति सुरक्षित र असुरक्षित भनेर गम्भीर रुपमा प्रश्न उठी रहेको बेला घरेलु कामदारका रुपमा काम गर्ने एउटा चेलीले आफ्नै सहमतिमा यसरि प्रवासको ठाउमा यौन क्रियाकलाप गरेको भिडियो खिच्न तयार हुनु ले अर्को प्रश्न उठाएको मात्र हैन हेर्ने दृष्टिकोण नै फरक बनाएको छ ।  यधपी  नेपाली महिला चाहे विवाहित हुन् या अविवाहित, आफ्नो इज्जतमा बसेर नै काम पनि धेरै छन् । तर कोही–कोही अझै पनि नेपाली दिदीबहिनीहरु आफ्नै देशका एव बंगाली र पाकिस्तानी संग लिभिंग टुगेदरमा इल्लिगल्ली बसेर यस्तै हर्कतहरु गरि रहेका छन् ।

आफ्नै लापरबाही र आचरणको परिणामले देशमा होस कि  बिदेशमा गएका भएका महिला पुरुषहरुको प्राय घर बिग्रिएको छ  ,गलत बाटो रोजेका छन् ।खास गरि इन्टरनेटको आगमनपछि अश्लील फिल्महरुको बाढी नै आएको छ । हरेकको हातमा स्मार्टफोन भईसकेपछि यस्ता फिल्म तथा अन्यखाले अश्लील सामग्री जो कोहीलाई पनि चौबिसै घन्टा सुलभ र हेर्न गमन सक्ने बनेको  छ । यहाँसम्म कि धेरै मानिसहरु त अश्लीलताको कुलतमा यसरी फसेका छन् कि स्मार्टफोनले अश्लील फिल्महरुको नक्कल गरि गरि उस्तै उही शैलीमा आफ्नै भिडियो खिच्ने र सेयरिङ गर्ने गरेका छन् । यहि सजिलो भए संगै यस्ता कयौ सम्बन्धहरु आपसी सहमतिमा खिचिएर फोनको मेमेरिमा कैद भएका छन् ।

यस्तै गत महिना मात्र  आफू मोडल भएको दाबी गर्दै विभिन्न युट्युव च्यानलमा उत्ताउला अन्तरवार्ता दिने परी तामाङ र उनको साथी बीच राजीखुसी सँगै भएको शारीरिक सम्बन्धको भिडियो खिचिएको एकअर्कामा शेर गरिएको अनि सम्बन्धमा खटपट आए पछी  पोर्न साइट 'पोर्नहब'मा भिडियो सार्वजनिक भएको खुलाशा भयो । यसरी आफ्ना अति गोप्य क्रियाकलाप आपसी सहमतिमा खिच्ने तर मनमुटाव भएपछि आफैँ वा साथीमार्फत् सार्वजनिक गर्ने पछिलो पटक अपराधको ट्रेन नेपाली समाजमा बनेको छ । अझ समाजमा नपच्ने कुराहरु बाहिर प्रकाशमा ल्याएर आफ्नो इज्जत मा दाग लगाउनु र समाज बाट अपहेलित भै आत्मा हत्या सम्म गनु पर्ने स्थिति पनि कतिपयको लागि बन्ने गरेको देखिएको छ। यसरी आफ्ना गोप्य कर्तुतहरु सार्वजनिक हुदा आफ्नाले देख्दा यी नायक नायिकालाई हीनताबोध ,मनमा त्रास र समाजले के भन्छ भनेर सोच बिचार आउछ कि आउदैन होला ? 

अन्त्यमा, यौन सम्भोग  जसले पनि गर्दछ त्यो नौलो कुरा होइन तर मैले यसरि सम्भोग गरे र गर्यो भनेर भिडियो सार्बजनिक गर्नु र अस्लिल तस्बिरहरु प्रकाशन गर्नु चै अपाच्य कुरा हो।गोप्य राख्नुपर्ने कुरा गोप्य राख्ने आफै बाट थालनी गरौ किनकी रहरमा गरेका कुराले पछि तनाब दिने देखि तपाइको र तपाइको साथीको घर संसार एवं परिवारीक सम्बन्ध भताभुंग हुन् सक्छ । केही क्षण केहि पल रमाउन खोज्दा सबैतिरबाट आलोचित भएकाहरुको सत्य तथ्य मनन गरेर सामाजिक संजालमा ,हाम्रो समाजमा सार्वजनिक भएका कुराहरुबाट पाठ सिकौ ।  समाज बाट यस्ता कुकार्य हरु हटोस र यस्ता कार्य गर्नाले समाजले ति व्यक्तिहरुलाइ कुन तरिकाले हेर्छ त्यसको विचार गर्नु र आफ्नो जिबन राम्रो संग बच्न सक्नुहोस र समाज भन्दा तल गिरेर बाच्न नपरोस भन्ने मात्र हो ।