विभेद बिरुद्ध अभियान- ०७५ चैत ११ गते - जनकपुरधाम उमनपा–९ स्थित सरस्वती नमुना माध्यमिक विद्यालयमा एसइइ परीक्षा अनुगमन गर्न पुगेका समाजिक विकास मन्त्री नवलकिशोर साहले सोही विद्यालयका परीक्षा निरीक्षक शिक्षक ३८ वर्षीय बेचन रामलाई चैत १० गते दलित भन्दै दुव्र्यहार गरेको आरोप छ ।
परीक्षामा निरीक्षकका रूपमा खटिएका विद्यालयका शिक्षक रामलाई मन्त्री साहले दलित भन्दै दुव्र्यहार गरेको चैत १० गते पत्रकार सम्मेलनमार्फत आरोप लागाएको हो ।
परीक्षा अनुगमनको क्रममा विदेह नपा–२ दुहवी घर भएका शिक्षक रामलाई मन्त्री साहले ‘तपाईंले परिचय पत्रमा फोटो किन नराखेको ?’ भनी प्रश्न गरेका थिए ।
हिजो शनिवार भएको फोटो खिचाउन नसेकेको बताए पनि मन्त्री साहले प्रतिप्रश्न गर्न लाग्दा शिक्षक रामले फोटोसहितको सरकारी प्यानकार्ड देखाउँदै ‘परीक्षाको परिचयपत्रमा फोटो नभए पनि मेरो सरकारी प्यानकार्ड यहाँ छ’–भनेका थिए ।
यत्तिकैमा मन्त्री साहले हिन्दीमा ‘मै पढेलेखे नही हुँ। फोटोसहितको परिचयपत्र किन नराखेको ? चमारहरूको संस्कार नै हुँदैन’ भनेर आफूलाई दुव्र्यवहार गरेको शिक्षक रामले पत्रकार सम्मेलनमा बताए ।
परीक्षा सुरू भएको करिब एक घण्टापछि परीक्षा केन्द्रमा पुगेका मन्त्री साहले त्यहाँ खटिएका कतिपय महिला तथा पुरूष शिक्षकहरूलाई जागिर खाइदिनेदेखि निलम्बन गरिदिनेसम्मका धम्की दिएको केन्द्राध्यक्ष सत्यनारायण मण्डलले आरोप लगाएका छन् ।
केही परीक्षा निरीक्षकहरूको परिचयपत्रमा फोटो नदेखेपछि मन्त्री साहले विद्यालयका प्राधानाध्यापक एवम् केन्द्राध्यक्ष मण्डलले–‘तपाईंलाई हेडमास्टर कसले बनायो ?’ भनी प्रश्न राखेका थिए ।
‘केन्द्राध्यक्ष बन्न लायक मानिस नै होइन’ भन्दै अपशब्द प्रयोग गरेर दुव्र्यवहार गरेको उनको आरोप छ । मावि सरस्वतीका शिक्षकको स्टाफ बैठकले पत्रकार सम्मेलन गरी घटना बाहिर ल्याएका हुन् ।
कहिले पत्रकारलाई जुत्ताले हिर्काएर त कहिले मेयरलाई ‘पागल’ भनेर विवादित बन्दै आएका प्रदेश २ का सामाजिक विकासमन्त्री नवलकिशोर साह पुनः शिक्षकलाई दुव्र्यवहार गरेको आरोप छ । प्रदेश तहमा शिक्षासम्बन्धी सम्पूर्ण कार्य सामाजिक विकास मन्त्रालयले हेर्दै आएको छ ।
मन्त्री साहले परीक्षाका क्रममा शिक्षकहरूलाई दुव्र्यवहार गरेको भन्दै विद्यालयका प्राधानाध्यापक, शिक्षक र शिक्षक सङ्घ सङ्गठनहरूले राजनीमाको माग गरेका छन् ।
दलित वर्गका एक शिक्षकलाई जातीको नाम लिएर दुव्र्यवहार गरी मन्त्री साहले अमानवीय व्यवहार गरेको भन्दै दलित आयोग, परीक्षा समन्वय समिति, प्रदेश र सङ्घीय सरकारसँग अविलम्ब घटनाको छानबिन गर्न माग गरिएको छ ।
No comments:
Post a Comment