विभेद बिरुद्ध अभियान -धनुषा, बैशाख ९- धनुषामा एक दलित महिलालाई कपाल मुण्डन गरी कुटपिट गरेको आरोपमा आठ जना पक्राउ परेका छन् ।
जिल्ला प्रहरी कार्यालयबाट खटिएकाे टाेलीले स्थानीय ४० वर्षीय रामदुलार सादा, २८ वर्षीय रामविनय सादा, ३७ वर्षीय हरिराम सादा, ३५ वर्षीया लुचवा सादा, ४१ वर्षीय शिवचरण सादा, ३५ वर्षीय राजवीर सादा, ३६ वर्षीय रञ्जित सादा र १९ वर्षीय सन्तोष सादालाई पक्राउ गरेको हो ।उनीहरुले जनकपुरधाम उपमहानगरपालिका–२५ लोहना बस्ने अन्दाजी ३४ वर्षीया स्थानीय एक मुसहर समुदायकी महिलालाई उनीहरुले दुव्र्यवहार गरेको प्रहरीले जनाएको छ ।
धनुषाका प्रहरी प्रमुख शेखर खनालले भने, ‘गाउँलेहरु मिलेर कपाल मुण्डन गरी कुटपिट गरेका हुन् । शनिबार राति भएको सो घटना आइतबार मात्र सार्वजनिक भएपछि प्रहरीले आरोपितहरुलाई पक्राउ गरेको छ ।’सो घटनामा पक्राउ परेकालाई जिल्ला अदालतबाट म्याद थप गराई अभद्र व्यवहार गरेको घटनामा जाहेरी दर्ता भएको जनाएको छ ।
No comments:
Post a Comment