कालिकोटमा एक दलित युवा निर्घात कुटिए

विभेद बिरुद्द अभियान - साउन ३०- कालिकोटमा एक दलित युवा निर्घात कुटिएका छन् । साबिक कालिका मुग्राहा गाबिस वडा नं-४ हाल सुभकालिका वडा नं-८का पंख बहादुर बिकलाई साउन २६ गते जातीय विभेद गर्दै त्यहाँका युवाहरुले निर्घात कुटपिट गरेका हुन् ।

बिकलाई जातिय गाली गर्दै स्थानीय युवाहरु अर्जुन शाही, कमल शाही, युवराज शाही, चते सेजुवाल लगाएतका युवाहरुले बाटो छेकेर कुटपिट गरेका थिए ।

डाेम, कमाराे, सानोजात भएर पनि सान झारेर हिडने ? चस्मा लगाउने ? भन्दै बाटो छेकेर ढुङ्गा र दाउराले कुटपिट गरि भिरबाट फ्याकिदिएका प्रतक्ष्यदर्शीले बताएका छन् ।

बिक साउन २६ गते सुभकालिका गाँउपालिका वडा नं-७ अन्तरगत पर्ने मच्छेवाडी भन्ने ठाउँमा धबलपूरा देबताको पुजा आर्चना साथै मेला समेत लाग्ने भएकोले ५ बर्षको भाइका साथमा मेलामा जान हिडेका थिए ।

गम्भीर घाइते भएका बिकलाई त्यहाँका केहि स्थानीयले अस्पताल लगेका थिए । कुटपिटबाट उनको दायाँ खुट्टा भाँचिनुका साथै शरीरका बिभिन्न भागले कम गर्न छोडेको छ । उनि हाल कालिकोट स्थित जिल्ला अस्पतालमा उपचाररत रहेको थाहा अनलाइनमा खबर छ ।