नकावधारी समूहको छुरा प्रहारले दलित महिला घाइते

बिजया दशमी तथा शुभ दिपावली को हार्दीक मंगलमय शुभकामना । । ।

पाँचथर ,०७० असोज- २३ ।फिदिम गाविस-७ की २८ वर्षीया मनिता रसाईलीलाई नकावधारी समूहले असोज- २२ गते राति ९ः०० वजे छुरा प्रहार गरी घाइते बनाएका छन् । घरमा सुतिरहेको बेला पानी पिउने बहानामा ढोका खोल्न लगाई दुई जनाको नकावधारी समूहले छुरा प्रहार गरेको पीडितले बनाइन् । छुरा प्रहारबाट उनको तीघ्रा, छेपारी र हातमा चोट लागेको छ । उनको जिल्ला अस्पताल पाँचथरमा उपचार भएको छ ।

उनका पति ३० वर्षीया रमेश रसाईलीले पाँच वर्षअघि दोस्रो विवाह गरेपछि उनी सिलाइ कटाइको व्यवसाय सञ्चालन गरेर एक्लै बसेकी थिइन् । सो व्यवसायको आम्दानीले उनको साथमा रहेका १२ र ७ वर्षीय दुई छोरा र १० वर्षीया एक छोरीको समेत पालनपोषण गर्दै आएकी थिइन् ।घटना बारे अनुसन्धान भइरहेको र सोधपुछका लागि उनको पतिलाई झिकाइएको जिल्ला प्रहरी कार्यालयले जनाएको छ ।