दिल्लीमा दलित महिला सभासद्हरु राजनीतिक भेटघाटमा व्यस्त -राजेन्द्र ताम्राकार

नयाँ दिल्ली÷२५ असार

नयाँ दिल्लीमा दलित महिला सभासद्हरु आपसी हित र दुइपक्षीय सम्बन्ध, नयाँ संविधान निर्माणमा भारतीय सिकाई र अनुभवकोआदानप्रदान, दलित महिलाका सवाल लगायतका समसामयिक विषयमा छलफल गर्न विभिन्न राजनीतिक भेटघाटमा व्यस्त हुनुभएकोछ । भारत भ्रमणको शिलशिलामा बुधबार सत्तारुढ भारतीय जनता पार्टी (बीजेपी) का पूर्वमन्त्री तथा अनुसूचित जाती मोर्चाका अध्यक्ष डा.सञ्जय पासवान, भारतीत कम्यूनिष्ट पार्टीका केन्द्रीय सचिव तथा राज्यसभाका सांसद डी राजा र राष्ट्रिय महिला आयोगकी सदस्य डा.चारु वली खन्ना लगायतका व्यक्ति तथा संस्थासंग छलफल भएको हो । 

उक्त अन्तरक्रियात्मक छलफलका क्रममा भारतीय दलित तथा दलित महिला, सीमान्तकृत तथा पिछडिएको समुदायको अवस्था,संविधान निर्माणमा भारतीय अनुभव र नेपालमा जारी संविधान निर्माण प्रक्रियाको अवस्था लगायतका समसामयिक विषयमाकुराकानी भएको छ । 

नेपालका दलित महिला सभासद्, विभिन्न पार्टीसंग आवद्ध दलित महिला नेतृ तथा दलित नागरिक समाजका नेतृले नेपाल भारतसम्बन्धलाई आपसी हकहित र अधिकार प्राप्तिको सवालमा काम गर्ने साझा मञ्चको रुपमा विकास गर्नुपर्ने खाँचो औंल्याउनुभएको छ । 

भेटमा भारतीय जनता पार्टी (बीजेपी) का पूर्वमन्त्री तथा अनुसूचित जाती मोर्चाका अध्यक्ष डा. सञ्जय पासवानले दलित शब्द अधिकार रसामाजिक न्याय प्राप्तिका लागि लड्ने आधार भएको बताउनुभयो । उहाँले आफ्नो भारतीय जनता पार्टी दलितको हकहित र अधिकारप्राप्तिको लागि लड्ने पार्टी भएको बताउँनुभयो । हाल लोकसभामा ८४ जना अनुसूचित जातीका प्रतिनिधी रहेकामा ५० जना भारतीयजनता पार्टीका सांसद रहेको पासवानले बताउनुभयो । तिमध्ये तीनजना बर्तमान मोदी सरकारमा मन्त्री बनेका छन् । भेटका अवसरमा भारतीय कम्यूनिष्ट पार्टीका सचिव डी राजाले नेपालमा संविधान निर्माणको प्रक्रिया चलिरहँदा नेपाली दलित महिलाकोटोली आफ्ना हक अधिकार स्थापित गराउने उद्देश्यले भारतको संविधान निर्माणको शिलशिला बुझ्न आउनु सुखद् रहेको बताउनुभयो ।उहाँले भ्रमणले नेपाल, भारतको नागरिक समाज र पार्टीबीचको सम्बन्धमा नयाँ आयाम ल्याउने आशा व्यक्त गर्दै आफूले दलित तथादलित महिलाको हक अधिकार स्थापनार्थ सक्दो सहयोग गर्ने प्रतिवद्धता व्यक्त गर्नुभयो । त्यस्तै भेटघाटका क्रममा भारतीय राष्ट्रिय महिला आयोगकी सदस्य डा. चारु वली खन्नाले महिला आयोगको गठन, यसको क्षेत्राधिकार,भारतीय महिला त्यसमा पनि दलित महिलाका समस्या, आयोगको भूमिका र अबको कार्यभार लगायतका विषयमा आफ्नोप्रस्तुतीकरण गर्नुभएको थियो । 

उहाँले चेलिबेटी बेचबिखन नेपालको मुख्य समस्या भएको र त्यसको ट्रान्जिट प्वाइन्ट भारत भएको उल्लेख गर्दै यसको समाधानकालागि नेपालको महिला आयोगसंग मिलेर काम गरिरहेको जानकारी गराउनुभयो । 

भेटका अवसरमा दलित महिला संघकी अध्यक्ष तथा भ्रमण दलकी संयोजक दुर्गा सोबले भारत र नेपालका दलितको अवस्थामिल्दोजुल्दो रहेकाले भेटघाटले नेपाल भारतको दलित समुदायको अवस्था बुझ्न र उनीहरुको हकहित र अधिकार प्राप्तिको सवालमासाझा कार्यक्रम बनाएर अगाडि बढ्न सहयोग पुग्ने विश्वास व्यक्त गर्नुभयो । भेटमा दलित आरक्षण तथा भारतीय अभ्यास, महिलाहिंसा तथा दलित महिलाको अवस्था र भावी योजनाका विषयमा समसामयिक विषयमा अन्तरक्रियात्मक छलफल भएको थियो ।समग्रमा भ्रमणको आज दोस्रो दिन सुखद्, उपलब्धिमूलक र अर्थपूर्ण रहेको भ्रमण दलकी सदस्य तथा एमाओवादीकी सभासद् अनितापरियारले बताउनुभयो ।