धनकुटा, माघ १५– अज्ञात समुहको आक्रमणबाट गम्भिर घाइते भएकी धनकुटा जितपुर गाविस–६ की ११ बर्षीया एक बालिकाको उपचारमा समस्या भएको छ ।
माघ १२ गते सोमबार आफ्नै घरमा अचेत अवस्थामा फेला परेकी सुजता परियारको आर्थिक अवस्था कमजोर भएपछि उपचार गर्न समस्या भएको हो ।
अज्ञात समुहको आक्रमणबाट टाउकोमा गम्भीर चोट लागेर उपचारको लागि न्युरो अस्पताल विराटनगर पु¥याएको थियो ।
गम्भिर अवस्थामा न्युरो अस्पताल विराटनगर पु¥याएकी बालिकाको प्रारम्भिक उपचार गरिएपछि अस्पतालले ९ लाख लाग्ने बताएपछि उनलाई उपचार नगरि फर्काएर जिल्ला अस्पताल धनकुटा ल्याइएको थियो ।
बालिकाको अवस्था अझ कमजोर बन्दै गएपछि केही चन्दा संकलन गरेर आजै नोबेल मेडिकल कलेज विराटनगर लगिएको छ । बालिकाको हालसम्म प्रारम्भिक उपचारको क्रममा एक लाखभन्दा बढी खर्च भईसकेको छ ।
छोरीको थप उपचार गर्न आफुसँग कुनै श्रोत बाँकी नरहेको उनकी आमा चन्द्रकुमारी परियारले गुनासो गरे ।
पतिको पहिले नै मृत्यु भईसकेको र आफु एक्ली महिलाले केही गर्न नसक्ने बताउँदै आँखाबाट आँसु झार्दै जिल्ला अस्पताल धनकुटाको परिसरमा भनिन्– “मेरो भएजति सबै जयजेथा पनि सकियो ।
अब म सँग सम्पत्तिको नाममा केही छैन । यदि कसैको दया भए मेरी छोरीलाई बचाई दिन आग्रह गर्दछु ।” सोमबार चन्द्रकुमारी घाँस दाउरा गर्न जंगल गएको बेला छोरीलाई अज्ञात समुहले आक्रमण गरि घरको भान्छा कोठामा नै बेहोस् अवस्थामा छोडेका थिए ।
घटनाको जानकारी पाए लगत्तै प्रहरीलाई मौखिक जानकारी गराई सकिएको भएपनि हालसम्म कसले र किन आक्रमण गरेको भन्ने बारेमा केही खुल्न नसकेको जिल्ला प्रहरी कार्यालय धनकुटाका सई दिनेश अधिकारीले बताए । घटनाको अनुसन्धान जारी रहेको पनि प्रहरीले बताएको छ ।
- Source:www.ratopati.com
No comments:
Post a Comment