मार्के गाउँको अगुवाई गर्न थाले दलित महिलाहरु

(मार्के)सल्यान, नेस / शारदा नगरपालिका वडा नम्वर ८ मार्केकि गाजली सुनार केही वर्ष अघि चुलो चौको जस्ता घरायसी काम गर्ने दैनिकी थियो । अहिले समुदागठन भएका विभिन्न समुहहरुमा सहभागि वन्दै उहाँ महिलाहरुको अगुवा वन्नु भएको छ ।

मार्के कलस्टरमा गठन भएको दलित सञ्जालमाको नेतृत्व गरेकि सुनार अहिले गाउँमा हुने वैठक, भेला र सभामा महिलाहरुको अगुवाई गर्नु हुन्छ ।  उहाले भन्नु भयो– अहिले म जिल्ला लघुउद्यमी समुह –डिमेगा)को अध्यक्ष भएर सक्रिय भएकी छु ।

गाजली मात्र होईन शारदा नगरपालिकाका खलंगा, मार्के र कजेरी मा गठन भएका भएका दलित महिलाहरुका विभिन्न समुहमा आवद्ध भएका महिलाहरु आ–आफ्नो समुहको अगुवाई गर्ने गरेका छन् ।

दलितसेवा संघले जवाफदेहि शासनका लागि समावेशी नागरिक अभियान अन्तरगत खलंगा शान्तिनगर, संगीतटोल, जोगिदेऊखोला, मार्के सिमखर्क, कजेरी सापमारा लगायतका गाउँमा रहेका १९ समुहमा आवद्ध रहेका महिलाहरु अहिले विभिन्न रचनात्मक कार्यमा सहभागि भएका छन् ।
महिलाहरुले दलितअधिकार सुनिश्चित  जातीय छुवाछुत न्यूनिकरण, सामुदायिक वन,विद्यालय ब्यवस्थापन समिति महिला दलितको सहभागिता सुनिश्चित गर्न पहल गरेको खलंगा कलस्टरकी अध्यक्ष पूर्णिमा विकले वताऊनु भयो । उहाले भन्नु भयो– गाविस स्तरीय राजनैतिकदल, आमा समुह, वडा नागरिक मञ्च, कृषि समिति खानेपानी तथा सरसफाई समिति , उपभोक्ता समिति लगायतका निकायमा महिला दलितको सहभागिता वढाऊन अभियान थालेका छौ ।

महिलाहरुले घरघरमा सौचालय अभियान थालेका छन् । मार्के सिमखर्कको दलित वस्तीलाई खुल्ला दिसा मुक्त गाऊ घोषणा गर्न जनचेतनामूलक कार्यक्रम सञ्चालन गर्ने गरेका छन् । समुहमा रहेका २६ जना सदस्यले मासिक वचत समेत गर्दे आएका छन् । समुहमा रहेका विपन्न २ घरधुरीलाई सौचालय निर्माणलागि सहयोग गर्न समेत आर्थिक सहयोग संकलन गर्ने निणर्य हरियाली दलित समुहकी अध्यक्ष मोहन कुमारी विकले वताऊनु भयो । उहाले भन्नु भयो–  नागरिक शिक्षा मार्फत  गाउमा परिवर्तन आएको छ भने नपढेकाले पढन थालेका छन । कुनै कार्यक्रममा जानै धक मान्ने उनीहरु खुल्ला सभामा उभिएर बोल्न थालेका छन् ।