पर्वतका जितबहादुर विकले तामाको धराहराको प्रतिमा बनाए

महेन्द्र केसी, पर्वत, २०७२ असार १३ ,विभेद विरुद्ध अभियान । बैशाख १२ गते गएको महाविनासकारी भुकम्पका कारण देशको गौरब र गाथा बोकेको एतिहासिक धरहरा ध्वस्त भयो । धरहरा मात्रै नभएर एतिहासिक महत्वका सयौं मठमन्दिरहरु पलभरमा नै भग्नावशेषमा परिणत भए । देशकोे गौरब र गाथा बोकेको एतिहासिक धरहरा ध्वस्त भएपछि धरहराको सम्झनामा पर्वतका जितबहादुर विकले धराहरकोको प्रतिमा बनाएका छन् । विकले तीन दिन लगाएर तामाको ९ तले धराहराको प्रतिमूर्ति तयार पारेका छन् । ठानामौला गाविसका विकले एक केजी तामाको प्रयोग गरेर उक्त धरहराको प्रतिमूर्ति बनाएको छन्। 

सदरमुकाम कुस्ममा पर्वत तामा फलाम सामाग्री मर्मत केन्द्र संचालन गर्दै आएका विकले नेपालको ऐतिहासिक धरहरा भत्किएर निराश भएका पर्वतवासीहरुलाई धरहराको सम्झना गराउन उक्त धरहरा वनाएको उल्लेख गरे । विकले तामाको धरहरा निर्माण गरेपछि यतिबेला हेर्नेको घुईचो त लागेको छ अर्डर गर्नेहरुको समेत भीड लागेको उनी बताउँछन् । १ केजी तामाको पातावाट तयार गरिएको यो धरहरा लाई विकले कच्चा पदार्थको रु १००० र ज्याला रु २००० गरी ३ हजार हजारमा उपलब्ध गराउन सकिने बताएका छन् । तयार भएको धरहरा घर, अफिस, विद्यालय, होटलमा सजाएर राख्न मिल्ने भएको हुदा अर्डर अनुसार विभिन्न साईजमा वनाउन सक्ने उनको तर्क छ । जितबहादुर विकले लामो समय देखि ग्रामिण क्षेत्रमा तामाका विभिन्न भाडाकुडाँ सजावाटका सामानहरु वाजाका सामान वनाउदै आएका थिए भने अहिले पराम्परागत पेशालाई पेशाका रुपमा संचालन गर्दै आएका छन् । विसं १८३२ मा भिमसेन थापाले निर्माण गरेको धरहरा ६१.८८ मिटर अर्थात् २०३ फिट अग्लो थियो ।भने धरहरामा २१३ वटा सिढीं थिए । १९९० सालको भुकम्पका कारण केहि भाग ध्वस्त भएता पनि २०७२ साल बैशाख १२ गते गएको भुकम्पका कारण भने पूर्ण रुपमा ध्वस्त भएको छ ।

साभार:- इबाग्लुङ