सारङगी दिवस—२०७२ को अबसरमा आयोजित कार्यक्रममा स्वर्गीय सारङगी सम्राट गन्धर्वले नेपाली लोक गीत तथा सुगम संगीतका क्षेत्रमा सारङगीको सहभागितालाई निरन्तरता दिदै लामो समय सारङगीको संरक्षणमा जुट्नुभएका गन्धर्वको नाममा संस्थाले हरेक बर्ष एक जना सारङगी वादनमा सक्रिएलाई सम्मान गर्ने निर्णय अनुरुप यो वर्ष वर्त गन्धर्वलाई सम्मान गरिएको अध्यक्ष झलक संगीतमले जानकारी दिनुभयो ।
नेपालमा व्यवसायीकरुपमा एक मात्र सारङगी वादन तथा प्रशिक्षकणको क्षेत्रमा काम गर्दै आएकाले उहाँको भुमिकालाई उच्च मुल्याङकण गर्दै दलित कलाकार नेपालले आफ्नो वार्षीक कार्यक्रम अन्तरगत सम्मान गरेको हो ।
गायक तथा संगीतकार एवं संस्थाका अध्यक्ष संगीतमले स्वर्गीय जंगबहादुर गन्धर्वले आफ्नो जिवनको अन्तिम समयसम्म नेपाली संगीतमा सारङको सहभागि गराउनुभएको भन्दै उहाँको सम्झाना रहेक वर्ष एक जना सारङगी वादनको क्षेत्रमा सक्रियलाई नगत सहित सम्मान गर्ने उल्लेख गर्नुभयो । उहाँले नेपाली संगीतमा पुर्याएको योगदानको कदर गर्दै राज्यले यस्ता हस्तीहरुको नाम सम्मान गर्न आवश्यक रहेको बताउनुभयो ।
गन्धर्व साँस्कृति कला संगठनको आयोजनामा राजधानी सम्पन्न सारङगी दिवस २०७२ को अबसरमा जंगबहादुर गन्धर्व संगीत प्रतिष्ठानकि संरक्षक स्वर्गीय गन्धर्वकी धर्मपत्नी लक्ष्मी गन्धर्व र संस्थाका अध्यक्ष संगीत र गन्धर्व साँस्कृतिक कला संगठनका अध्यक्ष नरबहादुरद्धारा संयुक्त रुपमा प्रदान गरिएको थियो । संगीत प्रतिष्ठानले नगत १० हजार रुपैयाँ तथा दलित कलाकार नेपालले ताम्रापत्रको व्यवस्था गरेको थियो ।
दलित कलाकार नेपालका सचिव सन्तोष गन्धर्वले पछिल्लो समय पश्चिमा संगीतको प्रभावले नेपाली मौलिक लोक वाजाको महत्व घट्दै गइरहेका समयमा सारङगी वाजालाई व्यवसायीक बनाउन तथा अग्रजको सम्मान र अनुजको प्रोत्साहनका लागि स्थापना गरेको सम्मानले बाजाको संरक्षणमा सहयोग पुग्ने विश्वास व्यक्त गर्नुभयो ।
पेशाको सम्मान हुन छोडेसंगै नेपाली मौलिक कला हराउँदै गएकाले यसको संरक्षणमा सबैको दायित्व महत्वपुर्ण रहेको उल्लेख गर्नुभयो । लामो समय सारङगीको प्रशिक्षकका रुपमा काम गर्दै आउनुभएकी एक मात्र व्यवसायीक गन्धर्व समुदायकी महिला सारङगी वादक वर्ता गन्धर्वले दलित कलाकार नेपालले सुरुगरेको कार्यको प्रशंसा गर्दै यसले अन्य गन्धर्व सारङगी वादकलाई सारङगीको संरक्षणमा उर्जा थप्ने विश्वास व्यक्त गर्नुभयो ।
आफ्नै समुदायको वाजाको संरक्षणमा आफुले योगदान पुर्याएको भन्दै संस्थाले गरेको सम्मानले आफु धेरै खुशी भएको बताउनुभयो । गन्धर्व समाज नेपालका अध्यक्ष पुजन गन्धर्वले लोपान्मुक समुदायको लोपान्मुक बाजा सारङगीको संरक्षण र गन्धर्व समुदायको उच्चमुल्याङण गर्दै स्थापना गरिएको पुरस्कारले पेशाको सम्मानसंगै सारङगीलाई आधुनिक बनाउन सहयोग पुग्ने बताउनुभयो । उहाँले यस्ता सम्मानले सारङगीलाई पेशा बनाएका अन्य समुदायका कलाकारहरुमा पनि उत्साह थपिने उल्लेख गर्नुभयो ।
सारङगी सम्राट स्वगीय जंग बहादुर गन्धर्व संगीत प्रतिष्ठानका अध्यक्ष तथा गन्धर्वका छोरा भुवन गन्धर्वले आफ्नो वुवाले सारङगीसंगै राष्ट्रको संगीत क्षेत्रमा दिनुभएको योगदानको कदर गर्दै सारङगी दिवसका अबसरमा एक जना गन्धर्व सारङगी वादकलाई आफ्नो सहयोग र सम्मान हुने बताउनुभयो ।
No comments:
Post a Comment