संविधान र उत्पीडित समुदायबारे भेला सुरु

मोरङ, फागुन १७ , विभेद बिरुद्ध अभियान  । नेपालका आदिवासीहरुको मानवअधिकार सम्बन्धी वकिल समूह (लाहुर्निप) को संयोजनमा नेपालमा ऐतिहासिक विभेदमा परेका समुदायहरुको दुई दिने भेला मोरङको विराटनगरमा सुरु भएको छ । भेला संविधान र विभेदमा परेका समुदायहरुको अधिकारमा केन्द्रित रहने छ ।

भेलामा ११ भन्दा बढी जिल्लाका आदिवासी जनजाति, मधेशी, दलित, मुस्लिम तथा पिछडा वर्गका समुदायहरुको २०० भन्दा बढी प्रतिनिधिहरुको सहभागिता रहने बताइएको छ ।

भेलामा डा. कृष्ण भट्टचन, शंकर लिम्बू, दीपेन्द्र झा, अन्जना बिसंखे, ज्योति दनुवार, राजकुमार लेखी लगायतका बुद्धिजीवि तथा अभियन्ताहरुको कार्यक्रममा सहभागिता रहेको छ ।

थारु अग्रज कन्हैया लाल थारुको अध्यक्षतामा कार्यक्रम संचालन हुने छ । थारु परम्पराअनुसार प्रकृति पूजा गरेर कार्यक्रमको उद्घाटन गरिएको थियो ।

-इसमता बाट