विभेद बिरुद्ध अभियान -दाङ,मङ्सिर १४ –जन्मेको ३५ दिनभित्र जन्मदर्ता गराउने दलित बालबालिकाले अबदेखि प्रोत्साहन रकम पाउने भएका छन् ।
तोेकेको समय भित्र जन्मदर्ता गराउने दलित बालबालीकाई यसैबर्ष देखि प्रति व्यक्ति एक हजार रुपैयाँ उपलब्ध गराउने तुलसीपुर नगरपालीका समाजकल्यान अधिकृत टोपबहादुर डाँगीले जानकारी दिए ।
यसरी पाइन्छ रकम
जन्मेको ३५ दिन भित्र जन्मदर्ता गराएको हो, भन्ने खुल्ने गरि प्रमाणपत्र लिएर नगरपालिकामा आएमा एक हजार रुपैया भुक्तानी दिने डाँगीले बताए ।
त्यसका लागि जन्मेको ३५ दिनभित्र आमा–वुवाले सम्बन्धित वडामा गएर बालबालिकाको जन्मदर्ता गराउनु पर्ने छ ।
तोकेको समय भित्र जन्मदर्ता नवनाउने र आवश्यक परेको बेला मात्रै बनाउदा बार्षिक जन्मदरको तथ्याङ्क थाहा नहुने भएकाले नेपाल सरकारले यस्तो रणनीति अपनाएको नगरपालीकाले जनाएको छ । सरकारको यस्तो कार्यले जन्मदर्ता गराउने दलीत बालबालीकाको संख्यामा ह्वातै वृद्धि हुने तुलसीपुर नगरपालीका कार्यकारी अधिकृत टोपेन्द्र केसीले जानकारी दिए ।
३५ दिनभित्र जन्मदर्ता बनाउने १०० मा १५ जनामात्रै
यस अघि जन्मेको ३५ दिनभित्र सवै बालबालीकाले जन्मदर्ता वनाउदा कुनै शुल्क नलाग्ने व्यवस्था नेपाल सरकारले गरे पनि त्यो प्रभावकारी भएको थिएन् ।
डाँगीका अनुसार जन्मेको ३५ दिनभित्र जन्मदर्ता बनाउने बालबालीकाको संख्या एक सय जनामा १५ जना मात्रै छ । बाँकी ८५ प्रतिशत बालबालीकाले ५० रुपैयाँ जरिवाना तिरेर जन्मदर्ता गराउने गरेका छन् । गत बर्षमा नगरपालीकामा जन्मदर्ता गराउनेको संख्या ३ हजार २ सय १४ पुगेको थियो ।
नगरपालीका पंजिकाधिकारी ध्रुवराज रेग्मीका अनुसार बालीकाको संख्या एक हजार ५ सय ५ र बालकको संख्या एक हजार ७ सय ९ रहेको थियो ।
नगरपालीकाका अनुसार २ हजार ७ सय ३१ जनाले समयमै जन्मदर्ता नगराउदा १ लाख ३६ हजार ५ सय पचास रुपैयाँ जरिवाना तिर्नु परेको छ । तोकेको समयमा जन्मदर्ता नवनाउनेले ५० रुपैयाँ जरिवाना तिरेर जन्मदर्ता बनाउने प्राव्धान छ ।
वडामै यस्तो विजोक
तुलसीपुर नगरपालीका वडा नं ९ मा झण्डै सात सय जना बालबालीकाको जन्मदर्ता छुटेको प्रतिवेवदन सार्वजनिक भएको छ । न्युसीपीसी तुलसीपुरले तुलसीपुर ९ दोघरेमा एक कार्यक्रमको आयोजना गरेर वडामा अहिले पनि ६ सय ९३ जना बालबालीकाहरु जन्मदर्ता बनाउनबाट छुटेको प्रतिवेदन सार्वजनिक गरेको हो ।
न्युसीपीसीका अध्यक्ष नवराज लामीछानेले वडामा रहेका ३४ वटा टोलविकास संस्थाको घरघरमा गएर तथ्याङक संकलन गरेको जानकारी दिए ।
प्रतिवेदनका अनुसार बालविवाह गर्नेको संख्यामा पनि वृद्धि भएको छ । २०७१ मा उमेर नपुगेका २२ जना बालबालीकाले विहे गरेका थिए भने ७२ को वैशाख देखी चैत्र महिना सम्म २३ जना बालबालीकाको विहे भएको थियो ।
No comments:
Post a Comment