विभेद बिरुद्ध अभियान - २०७५ जेष्ठ २७ गते- कालिकोट हत्याकाण्डका अपराधीलाई कार्वाहीको माग गर्दै संयुक्त प्रेस विज्ञप्ति जारी गरिएको छ ।हेर्नुस बिज्ञप्ति जस्ताको त्यस्तै
मिति २०७५ जेष्ठ २७ गते
नेपाल सरकारले घोषणा गरेको जातीय छुवाछूत तथा भेदभाव उन्मुलन राष्ट्रिय दिवसको ठीक अघिल्लो दिन कालीकोटमा जननिर्वाचित मना सार्कीको जातीय छुवाछूत तथा भेदभावका कारण हत्या भएको छ । हामीले अभ्यास गरिरहेको लोकतान्त्रिक गणतन्त्र र नेपालको संविधान, जातीय भेदवाव तथा छुवाछूत (कसूर र सजाय) ऐन २०६८ तथा दर्जनौं राष्ट्रिय तथा अन्तराष्ट्रिय प्रतिबद्धताहरुलाई दिनदहाडै चुनौति दिदै यस खाले दुखद, लज्जाष्पद अनि बर्बर जंगलीयुग विर्साउने खालको घट्नाप्रति सिंगो दलित मुक्ति आन्दोलनको गम्भिर ध्यानाकर्षण भएको छ । यस हत्याकाण्डको जति विरोध र भत्र्सना गरे पनि कम नै हुन्छ ।
घट्ना विबरण अनुसार कालिकोट जिल्ला नरहरीनाथ गाउँपालिका वडा नं.९, ढाटीकोट गाउँकी वर्ष ४५ की मना सार्की २०७३ सालको स्थानीय तहको निर्वाचनमा तत्कालिन नेकपा एमालेबाट नरहरिनाथ गाउँपालिका वडा नं. ९ बाट दलित महिला कोटामा वडा सदस्यमा निर्वाचित लोकप्रिय जनप्रतितनीधि हुन । उनले जीवनभर न्यायका पक्षमा संघर्ष गर्दै आएकी थिइन । पीडित मना सार्की र पीडक राजिन्द्रा शाहको परिवार एउटै टोलमा बसोवास गर्छन् । अन्य पानीका स्रोतहरु सुक्दै गएपछि गाउँमा खानेपानीको धारा एउटै भएकोले कहिले काही जातीय कारणले झगडा हुने गरेको भएपनि छिमेकीको झगडालाई मनाले सामन्य रुपमा लिने गरेको थियो । जब मना स्थानीय चुनावमा दलित महिला सदस्यमा निर्वाचित भइन त्यसपछि विभिन्न बहानमा उनीमाथि जातीय छुवाछूत र विभेदजन्य गाली, बेइजति, चरित्र हत्या गर्ने खालका घट्नाहरु बृद्धि हुन थालेका थिए ।
यही क्रममा मिति २०७५ जेठ १२ गते टोलको साझा खानेपानीको धारामा पानी भर्न जाँदा पिडक राजिन्द्रा शाहकी आमा सोही धारामा थिइन । उनले मनालाई डुमेनी, चमार्नी, इज्जत नभएकी म पानी भर्न लागेको देखिनस् र घारामा आईस ठुली भएकी खुव नेता भएकी भनि चरित्र हत्या हुने खालको गाली गलौच गरेपछि त्यसको बदलामा मनाले पनि प्रतिवाद गरी अब सधै यसरी सहेर वस्ने भनेर कानुनी रुपमा अघि वढ्ने चुनौति दिइन । सोही समयमा एक्कासी राजिन्द्रा शाहलगायतका शाहीपरिवारका मान्छेहरु कुटपिट गर्न खोज्दा अरु पानी भर्न गएका छिमेकीले शान्त पारे । सोही दिन राजिन्द्रा शाहीले तलाई एक दिन मारेरै छोड्छु भनेर धम्की दिएकी थिइन । यसको एक हप्तापछि मिति २०७५ जेठ १९ गते साँझ ५ः३० वजेतिर मना सार्की प्याजबारीमा प्याज उखेल्नको लागि जादै गर्दा राजिन्द्रा शाही बारीको काल्नामा लुकेर बसेकी रहिछन । एक्कासी राजन्द्रा शाहीले त डुमिनी दलित भएरपनि हाम्रो हिड्ने वाटो हिड्ने, धारामा पानी छुने, हाम्रो बाबासंग नजिक हुन खोज्ने भनेर गाली गलौच गरी हातपात गर्न थालेपछि मना दौडेर नजिकका छिमेकी तपेन्द्र शाहीको घरमा गइन । राजिन्द्राले आफ्नो वहिनी सृजनासहित लगेर मना लुकेको तपेन्द्रको घरमै मनामाथि ढुंगा र पैंयूको लाट्ठीले मरणाशन्न पिटिन । २ जनाको कुटाईबाट घाइते भएकी मनालाई उनको १४ वर्षिय कान्छो छोराले बचाउन जादाँ उनी समेत कुटिए । कान्छो छोराले आफ्नो छिमेकी अंकललाई बोलाई घरमा लगे । मरणाशन्न हुने गरी पिटाई खाएकी मनाको शरिरमा नै दिसापिसाब थियो । उनलाई उपचारका लागि स्वास्थ्य चौकीमा लिन नपाउँदै मृत्यू भयो ।
उनको हत्या भएपछि किटानी जाहेरी दिएको छैन भन्दै स्थानीय प्रशासनले केही कार्वाही गरेन, त्यसपछि किटानी जाहेरी हालेपछि राजिन्द्रा र सृजना शाहीलाई हिरासतमा राखिएको छ । पोष्टमार्टम रिर्पोट अहिलेसम्म प्राप्त भएको छैन । शोकमा डुबिरहेको मना सार्कीका अबोध बालवालिका तथा परिवारलाई तिमीहरुको मृत्यू पनि यसरी नै हुन्छ हामीसंग जोडी खोज्ने कोशीस गरेयौं भने भन्ने खालको धम्की आइरहेको छ । कालिकोटमा यसअघि पनि होटलको चुल्होमा चुरोट सल्काएको निहूमा मनबीरे सुनारको हत्या गरिएको थियो ।
मुलुक समृद्धि र न्यायको नारा दिइरहेको बेला जनसंख्याको झण्डै एक चौथाईको संख्यामा रहेको दलित समुदायमाथि देशका विभिन्न भागमा यस्ता घट्नाहरु घटिरहेको विधितै छ । त्यसैले नेपाल सरकार समक्ष निम्न मागहरु राख्न चाहन्छौं ः
१. कालिकोटकी निर्वाचित जनप्रतिनीधि मना सार्कीका हत्यारामाथि हदैसम्मको कार्वाही गरियोस । साथै मनाका परिवारलाई उचित क्षेतिपूर्ति दिइयोस । र मना सार्कीको परिवार तथा त्यहाँका दलितहरुको पूर्ण सुरक्षाको व्यवस्था गरियोस् ।
२. मना सार्की जनप्रतिनीधि भएकीले निजको सम्झना योग्य कुनै काम गरियोस ।
यी बाहेक देशका विभिन्न भागमा श्रृखलाबद्ध ढंगले नियोजितरुपमा घटेका घटाइएका घट्नाहरुको पनि तत्काल कानून बमोजिम कार्वाहीको माग गर्न चाहन्छौं । अन्यथा हामी राष्टव्यापी आन्दोलनको घोषणा गर्न बाध्य हुने कुराको यसै विज्ञप्ति मार्फत जानकार गराउन चाहन्छौं ।
पहिलो चरणका घोषित कार्यक्रमहरु ः
१. मिति २०७५ जेष्ठ २६ गते प्रेस विज्ञप्ति जारी गर्ने र नेपाल सरकारका महान्यायाधिवक्ता समक्ष डेलिगेशन
२. मिति २०७५ जेष्ठ २८ गते देशका ७५ वटै जिल्लाबाट प्रदेश नंबर ७ का मुख्यमन्त्रीलाई बोधार्थ सहित नेपाल सरकारका प्रधानमंन्त्रीलाई ज्ञापन पत्र बुझाउने ।
३. मिति २०७५ जेष्ठ २९ गतेभित्र नेकपा महासचिव विष्णुप्रसाद पौडयाल तथा नेपाली काँग्रेसका महामन्त्री पूर्णबहादुर खडका ज्यूलाई भेटी ध्यानाकर्षण गराउने ।
४. घट्नाको थप स्थिति सहित सत्यतथ्य संकलन गर्न केन्द्रीय टोली कालिकोट जाने ।
५. हत्या भएको १३ औं दिनमा कालिकोट सदरमुकाममा श्रद्धान्जली सभाको आयोजना गर्ने ।
६. प्रदेश नंबर ७ का मुख्यमंत्रीज्यूलाई भेटेर ध्यानाकर्षण गर्ने ।
७. घट्नास्थलबाट फर्केपछि काठमाडौं प्रधानमन्त्री, गृहमन्त्रीलगायतको ध्यानाकर्षण गराउने ।
८. अन्य कार्यक्रमहरु त्यसपछिको परिस्थिति अनुसार घोषणा गरिनेछ ।
हस्ताक्षरकर्ता
१. मा. अन्जना विशुखें ः सांसद प्रतिनीधि सभा
२. मा. महेश्वर गहतराज ः सांसद प्रतिनीधि सभा
३. मा. लक्ष्मी परियार ः सांसद प्रतिनीधि सभा
४. मा. विमला विश्वकर्मा ः सांसद प्रतिनीधि सभा
५ मा. खेम नेपाली ः सांसद राष्ट्रिय सभा
६. मा. विमला वि.क. ः सांसद प्रतिनीधि सभा
७. मा. पार्वती विशुखे. ः सांसद प्रतिनीधि सभा
राजनीतिक दलित संगठनका प्रतिनीधिहरु ः
१. जीतु गौतम, अध्यक्ष ः नेपाल उत्पीडित जातीय मुक्ति मोर्चा
२. शम्भुहजारा पासवान ः कावा अध्यक्ष, नेपाल दलित संघ
३. तिलक परियार ः संयोजक, नेपाल दलित मुक्ति मोर्चा
४. गणेश विश्वकर्मा ः महासचिव, मुक्ति समाज नेपाल
५. गौरा नेपाली ः के.स. जातीय समता समाज
सरकारी संरचनाहरु
१. मुक्तबहादुर महते ः उपाध्यक्ष, दलित विकास समिति
२. डा. बुद्धि नेपाली ः कार्यकारी निर्देशक, दलित विकास समिति
३. महेश नेपाली ः कार्यकारी निर्देशक, वादी विकास समिति
दलित नागरिक समाजकातर्फबाट
१. भक्त विश्वकर्मा ः वरिष्ठ उपाध्यक्ष, दलित गैरसरकारी महासंघ
२. मोतिलाल नेपाली ः संयोजक, दलित नागरिक समाज
३. त्रिलोकचन्द विश्वास वि.क. ः अध्यक्ष, ल्ल्म्क्ध्इ
४. रेमबहादुर विश्वकर्मा ः जागरण मिडिया सेन्टर
५. प्रकाश नेपाली ः प्रतिनीधि, समता फाउण्डेशन
६. पार्वती आग्री ः राष्ट्रिय दलित नेटवर्क, नेपाल
७. चक्रमान विश्वकर्मा ः अध्यक्ष, दलित सेवा संघ
८. रेनु सिजापति ः महासचिव, दलित महिला संघ
९. पम्फा परियार ः अध्यक्ष, एडवान नेपाल
१०. कमला विश्वकर्मा ः महासचिव, दलित महिला केन्द्र नेपाल
११. कमला हेमचुरी ः अध्यक्ष, पिडिआरसी
१२. जेवि विश्वकर्मा ः महासचिव, दलित गैसस महासंघ
१३. सरु सुनार ः अध्यक्ष, दियालो मिडिया नेपाल
No comments:
Post a Comment