गलाको पासो बन्न सक्छ ! - गोपाल शिवा

केहि दिन अघि कुवेतको फर्वानिया ब्लक-३ स्थित आवासीय अपार्टमेन्टमा मृत भेटिएकी ताप्लेजुङ फुंगलिंग कि मिनादेवी सार्की सिङ्गो परिवारलाई सुखमा राख्छु भनेर विभिन्न व्यवधान पार गरदै कुवेतमा घरेलु कामदारका रुपमा काम गर्न आइपुगेकि थिइन । कुवेत आई पुगेकी मिनादेवी सार्की पछिल्लो समय बङ्लादेशी नागरिकसंग अवैध रुपमा लिभिङ टुगेदर रिलेशनमा रहेको र उनको मृत्युपश्चात उनी संगै बस्ने बङ्लादेशी नागरिक फरार रहेकोले उनले नै हत्या गरेको आशंका गरिदै आएपनि मृतकको पोष्टमार्टम रिपोर्ट र फरेन्सिक रिपोर्ट आइ नसकेकाले हत्या वा मृत्यु के हो भन्ने बारेमा प्रहरीले अनुसन्धान गरीरहेकाले यथार्थ कुरा अझै आएको छैन।अनुसन्धानको पाटो भएकाले हत्या वा मृत्यु जे भए पनि सत्यतथ्य बाहिर आऊने नै छ।

त्यसो त् विदेशमा ख़ास गरि खाडीमा घरेलु कामदारको रुपमा काम गर्ने नेपाली चेलिको हत्या र मृत्युको घटना यो पहिलो हैंन ।तर घटना सार्वजनिक भए संगै यो यथार्थले नेपाली समाजको मनमा थप अर्कों प्रश्न संगै चुनौती जन्मिएको छ कि कुवेतमा घरेलु कामदारका रुपमा काम गर्न पुगेकी मिनादेवी के कति कारणले कसरी बंगाली नागरिक संग लिभिंग टुगेदर रिलेशनमा बस्न पुगिन ?

समयले, नेपाली समाजले र सरोकारवालाहरुले पक्कै कारणहरू खोजी गर्लान , अध्ययन अनुसन्धान गर्लान तर समग्रमा के अडकल गर्न सकिनछ भने माया भित्र लुकेका अनेक तिर्खा र तिर्सना धेरै समय गुम्सिए भने मान्छेले विल्कुलै फरक परिवेशको संगत गर्न पनि तयार हुँदो रहेछ भन्ने एक गतिलो उदाहरण बनेकी छिन मिनादेवि सार्की ।

त्यसो त सेक्स र माया विना त यो संसार नै चल्दैन, मानिसलाई एउटा अति आवश्यक कुरा हो।दुइ जनाको मन मिले सेक्स र माया हुनु आजको जमानामा निकै साधारण कुरा हो । तर यो शब्द सुन्नमा जति रमाइलो लाग्छ त्यती नै धेरै सेक्स र माया कहिलेकाँही गलाको पासो बन्ने गर्दछ । फेरी पनि तिर्खा र तिर्सनाको आवश्यकता परिपूर्ति गर्न मानिस समाजको डर र भोलिको पीर नगरी तिर्खा लाग्यो पानी खाएँ मैले के बिगारे भन्ने हिसाबले देश होश कि विदेश एक युवती /महिला र अर्को युवक/पुरुष वीच कुनै प्रकारको सम्झौता नगरी, सम्बन्धको कुनै नाम नदिई आ-आफ्नो रुचि र आ-आफ्नो सजिलोका लागि एक दिन , केहि दिन र केहिँ बर्ष सँगै, एउटै कोठामा मिलेर बस्न थालेका छन। जसलाई ‘लिभिङ्ग टुगेदर’ भनेर बुझ्छौं हामी । तर अचम्मको कुरा चै के भने एकातिर हामी घरेलु कामदारका रुपमा काम गर्न पुगेका हाम्रा दिदीबहिनीहरू चरम आर्थिक, मानसिक र शारीरिक शोषणमा पर्ने गरेको र घर भित्र खुमचीएर बस्नु परेको छ भन्दै छौ भने अर्कों तिर घरेलु कामदारका रुपमा काम गर्न पुगेकि एक नेपाली चेलि त्यही ठाऊमा यी आरोपहरूलाई ग़लत साबित गरदै स्वतन्त्रता ढंगले लिभिङ्ग टुगेदरमा बस्दाको परिणाम देख्दै छौ ।

त्यसो त घटना सार्वजनिक भए संगै कतिले बंगालीको ठूलो भाग खान गाकि झोलमा डुबेर मरि सम्म भने, कतिले सानो जातको सानै बुद्धि सम्म भने । प्रसंग जोड़न चाहे , एक पटक कुवेतमा आयोजना भएको एक सांगीतिक कार्यक्रम हेर्न गएको थिए ।अघिल्लो बेंचमा बसेका दुई जना युवाहरू कार्यक्रम अवधिभर गण्यमान्यहरू कस्को सेटिंग को संग , कस्को गर्लफ़्रेण्ड बोईफ़्रेण्ड को भनेर गफिए ।सूक्रबारे लिभिङ्गका कुराहरु गरे। मानस्पटलमा सवैको चर्तिकलाको हिसाबकिताब राखेका रहेछन ।थाहा छैन के प्रयोजनले यसरी हिसाबकिताब राखेका हुँन। मलाई लाग़्छ उनीहरुले चर्चा गरेको नेपाली नेपाली बिचको सूक्रबारे लिभिङ्गको सम्बन्ध होश या मिनादेवि जस्तो बंगाली संगको लिभिङ्ग टुगेदरको सम्बन्ध नै किन नहोश , आफ्नो भागको जीन्दगीलाई आफूले चाहे जसरी बाँच्नु प्रत्येक मान्छेको अभिलाषा हुन्छ । त्यही भएर कुवेतमा नेपाली नेपाली बीच प्रतिबधता र स्वेच्छाले ‘फिजिकल निड्स’ परिपूर्ति गर्न सूक्रबारे लिभिङ्गमा रहेको चियोचर्चा र गफ त्यसरी कार्यक्रममा सुनिने देखि बंगाली , पाकिस्तानी, ईजीपशियन जवाइ र भिनाजुहरू संग लिभिङ्ग टुगेदरमा बस्दा बसदै भएका भानजा भानजीहरू लिएर मँगाफ पार्क तिर टहलिदै गरेको नेपाली दिदीबहिनीहरू प्रशस्त मात्रामा सम्म देखिए ,भेंटीए।तर मान्छेको अभिलाषाहरू व्यावहारिकतामा सधैं गोपय , आदर्श, सुन्दर र उत्कृष्टमात्रै पनि हुँदैन र रहदैन पनि।मिनादेवि सार्कीको जस्तै जस्तै अकल्पनीय घटनाहरू भै दिंनछ त्यस पछि विना नामका सम्बन्धहरु बाट सृजित घटना एवं परिस्थितिको बहस र टिकाटिप्पणी पखेटा हालेर सार्वजनिक हूनछन।ति पखेटामा जात, धर्म ,समुदाय र अश्लीलताको हिलो छ्याप्नेहरू पनि देखिंनछन।

निचोड़मा, के भन्न चाहे भने आज र आफूलाई महत्व दिनेहरुले नै लिभिङ्ग टुगेदरको सम्बन्धलाई अपनाएको देखिन्छ ।विदेशको ठाऊ अर्काको घरमा घरेलु काम गर्ने कुराले सम्म हाम्रा दिदिबहिनिलाइ केही फरक नपारेको देखिन्छ ।सोध्ने कोहि छैन , सत्य कसैले थाहा पाउदैनन भनेर आफुलाई बाँध्ने नैतिक साङ्लो सम्म तोडेर आफुले चाहेको जे पनि गर्न सक्छु , छुट छ भन्ने तर्क र मानसिकत्ता बनाएर खुला आकाशमा स्वतन्त्र भएर चरा उडे झैँ आफुले काम गर्ने घर समेत छोडेर उडेका छन्।  तर स्मरण रहोश मन र मस्तिस्कमा जागृत अनेक तिर्खा र तिर्सना मेटाउनु जेल जीवन सुखमय लाग्नु स्वाभाविक हो । तर, जीवनसँगै बिताउनु बिल्कुलै अलग कुरा हुन् । त्यसैले सहमतिमा निर्मित आफ्नो सजिलोका सम्बन्धहरुको बारेमा आफु स्पस्ट हौ र सहकर्मीलाई पनि स्पस्ट पारौ ।लिभिङ्ग टुगेदर पछि जब एक अर्काको असली रुप अगाडि आउँछ तब समस्या बल्झिनथाल्छ । धेरैजसो अवस्थामा लिभिङ्ग टुगेदर पछि दुबैको परिवारको विषयमा पनि समस्या आउने गर्दछ । दुबैले यदि एक अर्काको परिवारलाई सम्मान गर्दैनन् भने कुरा झगडासम्म पुग्ने गर्दछ ।अनि कहिलेकाही आवेग तथा व्यक्तिगत रिसइविईका कारण त्यस्ता सम्बन्धहरु भाइरल हुनसक्दछ । जसका कारण समाजमा तपाईको प्रतिष्ठामा आँच पुग्न सक्छ ।त्यति मात्र हैन एक-अर्काप्रतिको प्रेम, सदभाव र आकर्षणसँगै शुरु हुने सम्बन्धहरु आफ्नै गलाको पासो बन्न सक्छ ।