जातीय विभेद गरेको आरोपमा उपेन्द्र यादव गिरफ्तार

विभेद बिरुद्ध अभियान-०७६ पुस १ गते,सुखिपुर नपा–४ का ६५ वर्षीय सिहेश्वर मोची र ५३ वर्षीय चन्द्रदेव पासवानलाई जातीय विभेद गरेको आरोपमा प्रहरीले सुखिपुर नपा–४ का ५२ वर्षीय उपेन्द्र यादवलाई पुस १ गते गिरफ्तार गरेको छ ।

उपेन्द्रसहित औरही गाउँपालिका–३ का ४२ वर्षीय रामचन्द्र यादव र ४६ वर्षीय रामपृत यादवविरूद्ध पीडितद्वयले जिल्ला प्रहरी कार्यालय सिरहामा कात्तिक २८ गते जातिय विभेद गरेको आरोपमा उजुरी दिनु भएको थियो ।

कात्तिक २३ गते स्थानीय ७० वर्षीय सुर्यनाथ यादवको मृत्यू भोज खान गएका दलित समुदायका व्यक्तिहरूलाई आरोपितहरूले भोज खान दिएको पात र खाना सामग्री सहित फ्यालेर गाली गलौज तथा हातपात समेत गरेको पीडित चन्द्रदेव पासवानले बताउनु भयो ।

‘गाउँलेहरूलाई दिउँसै भोज खान बोलाएका थिए । तर, हामी दलितहरूलाई साँझ ७ बजे मात्र भोज खान आउनु भनी निम्ता गरेका थिए । हामी सबै परिवारहरू भोज खान गए पनि आरोपितहरूले रातै नपरी आगनमा बसेर खान्छस् भनी दुव्र्यवहार गरेकाले कारवाहीको माग गर्दै प्रहरीमा उजुरी गरेका हौँ ।’–पीडित चन्द्रदेवले भन्नुभयो ।

जिल्ला प्रहरी कार्यालय सिरहाका डिएसपी अपिलराज बोहराका अनुसार घटनापछि आरोपितहरू फरार रहेका थिए ।

विशेष सूचनाका आधारमा आरोपित उपेन्द्रलाई गिरफ्तार गरी अनुसन्धानको लागि म्याद थप गराएको बताउनु भयो । अन्य आरोपितहरू फरार रहेकोले खोजतलास भइरहेको डिएसपी बोहराले बताउनु भयो ।