उपचार खर्च जुटाउन नसक्दा बिरामी बाबुलाई छाडेर पाँच भाइ छोरा ‘फरार’

प्रेम सुनार,विभेद बिरुद्ध अभियान , कार्तिक ३० , गुल्मी– उपचार खर्च जुटाउन नसक्दा पाँच छोराले बुवालाई गुल्मी सदरमुकाम तम्घासको सुकुम्वासी बस्तीमा छाडेर भागेका छन् । चार दिनअघि लडेर टाउकोमा गम्भीर घाइते पुर्कोटदह–८ गुल्मीका ६३ वर्षीय कर्णबहादुर विकलाई छोराले अलपत्र पारेका हुन् ।

पैसा खोजेर भोलि आउँछौं भनेर उनका कान्छा छोरा मधु बुटवलतिर गएको कर्णलाई आश्रय दिएका शंकरले सुनाए, ‘यत्तिका दिन भयो अहिले त पाँचै भाइले फोन स्वीचअफ गरेका छन् ।’ पाँचै भाइ बुटवल सडकमा मजदुरी गरे पनि जन्म दिने बुवालाई बेवास्ता गरेपछि शंकरले उनलाई झिकाएका थिए ।

घाइते विश्वकर्मा वर्षौंदेखि सडकमा काम गर्दै आएका थिए । ‘आरने काम पनि धेरै वर्ष गरे,’ उनले भने, ‘बुढ्यौलीले छोएपछि त्यो काम छाडें ।’कात्तिकको जाडोमा बाटोछेउमा पातलो कपडामा थर्थराउँदै लडेका विश्वकर्मालाई गुल्मी केयर विश्वा सञ्चालक उपाध्यक्ष विद्या कार्की र सचिव सागर कार्कीले देखेपछि टीठ लागेर एक जोर न्यानो कपडा दिएका थिए । ने

पाली सेना थागिधुमका गुल्मीपति, सशस्त्रका गुल्मपतिसँग आग्रह गरेर खाने खर्च जुटाइदिन सकिन्छ कि भन्ने प्रयासमा लागेको कार्कीद्वयले बताए ।मंसिर १ देखि पेन्सन क्याम बस्दै छ । त्यहाँ सुन्तला बेचेर आएको मुनाफाले कर्णको उद्धारमा लगाउने सोचमा रहेको शंकरले बताए ।काँग्रेस नेतृ सुजाता कोइरालालाई राज्यकोषबाट ५० लाख दिने सरकारी निर्णय आएकै बेला गुल्मीमा यस्तो घटना बाहिर आएको हो ।