मङ्सिर १ र २ गते ‘दोस्रो राष्ट्रिय नौमती पञ्चेबाजा सांस्कृतिक महोत्सव–२०७३’ हुने

विभेद बिरुद्ध अभियान - काठमाडौँ, ३० असोज । नौमती पञ्चैबाजाको संरक्षण र प्रवद्र्धन गर्ने उद्देश्यले यहि मङ्सिर१ र २ गते  ‘दोस्रो राष्ट्रिय नौमती पञ्चेबाजा सांस्कृतिक महोत्सव–२०७३’ हुने भएको छ । 

नेपाल नौमती पञ्चैबाजा प्रतिष्ठान र सांस्कृतिक संस्थान (राष्ट्रिय नाचघर) को संयुक्त आयोजनामा नाचघरमा हुने सो महोत्सव  मङ्सिर १ र २ गते गर्ने तयारी भइरहेको प्रतिष्ठानका महासचिव डिबी नेपालीेले जानकारी दिनुभयो । 

सम्मेलनको पहिलो दिन उद्घाटनसँगै पाँचै विकास क्षेत्रको प्रतिनिधित्व हुने गरी नौमती पञ्चैबाजाको सम्मेलन र दोस्रो दिन पञ्चैबाजाको इतिहास, संरक्षण र त्यसको आधुनिकीकरण लगायत पञ्चैबाजासम्बन्धी विभिन्न कार्यपत्रमाथि छलफल हुनेछ ।