रहेनन् दलित आन्दोलनका अगुवा तथा दलित अधिकारकर्मी नेता परियार

विभेद बिरुद्ध अभियान -पुस  ५ - पाल्पा । नेपाली कांग्रेसका महाधिवेशन प्रतिनिधि तथा नेपाल दलित संघका केन्द्रीय सदस्य भरत परियारको निधन भएको छ । तानसेन बसन्तपुर निवासी ६४ वर्षिय परियारको सोमवार राती क्यान्सर रोगका कारण मृत्यु भएको पारिवारिक स्रोतले जनाएको छ ।  

दलित आन्दोलनका अगुवा तथा दलित अधिकारकर्मी समेत रहेका परियार पार्टीको राजनितिमा समेत उत्तिकै क्रियासील मिलनसार, मृदुभाषी , सवैका प्रिय व्यक्तिका रुपमा चिनिन्छन् । परियारलाई दोस्रो संविधान सभाको निर्वाचनमा समानुपातिक उम्मेदवारका रुपमा पार्टीले नाम सिफारीस गरेको थियो ।

 नेपाली कांग्रेसको पार्टी कार्यालयमा परियारको पार्थिव शरिरमा नेपाली कांग्रेसका केन्द्रीय सदस्य तथा पूर्व सांसद हरि प्रसाद नेपाल र नेपाली कांग्रेसका जिल्ला सभापति विर बहादुर रानाले पार्टीको झण्डा ओढाएका थिए भने दलित संघका जिल्ला सभापति लक्ष्मण हिताङ र पार्टीको दलित विभाग प्रमुख दल बहादुर राजपुतले दलित संघको झण्डा ओढाए पछि परियारको शवलाई नगर परिक्रम गराईएको थियो । परियारको मंगलवार राम्दीघाटमा हिन्दु संकार अनुसार  अन्तिम दासंकार गरिएको थियो ।

No comments:

Post a Comment