सदा परिवारलाई उपराष्ट्रपति पुत्र दिपेश पुनको आर्थिक सहयोग

विभेद बिरुद्ध अभियान -राजविराज,  भदौ २ गते । बाढीले बगाएर सप्तरीमा मृत्यु भएका कमलु सदाका परिवारलाई उपराष्ट्रपति पुत्र दिपेश पुनले आर्थिक सहयोग गर्नुभएको छ । उहाँले किरिया खर्चबापत रु २० हजार नगद र खाद्यान्न राहत सहयोग गर्नु भएको हो ।
बालक कमलु सदाको मृत्यु भएपछि गाड्नका लागि खाली जमिन नभएकाले उनको परिवारले कोशी नदीमा शव बगाएका थिए ।पैसा नभएर मर्कामा परेका रामको परिवारलाई आफ्नो व्यक्तिगततर्फबाट रु २० हजार सहयोग गरेको पुनले बताउनुभयो । साथै पीडित परिवारलाई उहाँले दाल, चामल, नून, तेललगायतका खाद्यान्न सहयोग गर्नुभयो ।
त्यसैगरी बालक कमलु सदाका परिवारलाई सरकारको तर्फबाट राहत स्वरुप २ लाख नगद उपलब्ध गराइएको छ । मृतक बालकका परिवारलाई नेपाल तरुण दलले पनि किरिया खर्चबापत रु २५ हजार प्रदान गरेको छ । तरुण दल केन्द्रीय सभापति जितजङ बस्नेतले पठाएको सो रकम एक कार्यक्रमबीच तरुण दलका जिल्ला सभापति अर्जुनकुमार यादवले मृतकका बुबा फुदन सदा र आमा विमली सदालाई प्रदान गरेको बताइएको छ ।