भारतमा गाडीले हानेको बिक दाजुभाई जीवनमरणको दोसाँधमा

विभेद बिरुद्ध अभियान - भदौ ७ -दाङ–भारतको लुदियानामा गाडीले हानेर गम्भीर घाईते भएका दुइ नेपाली कसैको सहयोग नपाउदा जिवनमरणको दोसाँधमा परेका छन् । दाङ्ग घोराही उपमाहनगरपालिका वडानम्वर  ८ बुधौरा टोलका १८ वर्षिय सन्तोष बिक र उनका दाजु बिक्रम बिक यस्तो अवस्थामा पुगेका हुन् ।  गत साउन १५ गते साँझ जलान्धरबाट मोटरसाईकलमा सवार उनिहरुलाई लुदियानाको सम्ब्रेला चोकको पुलमाथि एसआर ०६ वाई १२२१ नम्बरको निजी कारले ठक्कर दिँदा दुवैजना गम्भिर घाईते भएका थिए ।

ठक्कर दिने कार प्रहरीले नियन्त्रणमा लिएपनि कार मालिकले उपचार खर्च नदिने बताएपछि घाइतेहरु एपोलो अस्पतालको बेड नम्वर ४४७ मा छटपटाइरहेका छन् । उनिहरुमध्ये विक्रमको अवस्थामा सुधारआए पनि भाई सन्तोषको अहिलेसम्म होस खुलेको छैन । दैनिक १५ हजार खर्च लाग्नेभएपनि आफुसँग पैसा नभएको गुनासो दाङ्गमा रहेका घाइतेका दाजु राजु बिकले गरे । 

उनले सहयोग गरी भाईहरुको जिवन बचाईदिन सवैसँग आग्रह समेत गरेका छन् । उनिहरुले सहयोग गर्न चाहानेलाई बैंक अफ ईन्डिया लुदियानाको खातानम्वर ६४०२१०११०००७८९४ मा रकम जम्मा गर्न सकिने बताएका छन् ।