यी हुन् मन्दिरका मुख्य पुजारी दलित महिला । कथित ‘उपल्ला’ जातका मानिसले खुट्टा ढोग्दा गेरुवस्त्रधारी माता उनीहरुको शिरमा हात राखेर आशीर्वाद दिइरहेकी हुन्छिन् दाङ घोराहीमा रहेको नागेश्वर महादेव पार्वती मन्दिरमा । आजको अन्नपूर्णमा समाचार छ ।
मन्दिरको मुख्य ढोकामा दलित महिला पुजारी उभिएकी हुन्छिन् । पूजाआजा गराइदिन्छिन् । भक्तजनहरुलाई टिका लगाएर आशीर्वाद दिन्छिन् । उनलाई कसैले जातपात सोध्दैन, न त उनी नै सोध्छिन् ।
उनको नाम हो पार्वती विश्वकर्मा । उमेर ३८ वर्ष । भारतमा जन्मिएकी पार्वती सात महिनाअघि मात्रै नेपाल आएकी हुन् ।
नेपालमै बस्ने गरी आएकी उनले दाङको घोराही ६ मसिनामा केही जमिन पनि किनिन् । उनमा इश्वरीय शक्ति भएको भन्दै स्थानियले उनलार्इ पुजारी राखेका हुन् ।
No comments:
Post a Comment