ताराखोलामा देखियो अन्तरजातिय विवाहको सजातिय झलक

खगेन्द्र विश्वकर्मा, गल्कोट २०७३ बैशाख १४,विभेद बिरुद्ध अभियान । बागलुङ जिल्लाको तारा गाविस- १ का मीन बहादुर पुन र सोहि गाविस- ७ की तुलसी बिकबीच बैशाख १४ गते मंगलवार पन्चेबाजा तथा तामधामका साथ अन्तर जातिय बिबाह सम्पन्न भएको छ ।

अन्तरजातिय बिबाहलाई सामाजिक रुपमा अपहेलना गरिने भएतापनि आधुनिक समाजमा अन्तर जातिय विबाह गर्नेको संख्या बढ्दोछ तर पनि उनिहरु सामाजिक अपहेलना तथा पारिवारिक अपहेलना को शिकार भएका हुन्छन ।

तर बागलुङको तारा गाविसका मगर जनजाति समुदायका मीन बहादुर पुन र दलित समुदायकी तुलसी बिक बिच मंगलबार मंगलचौथीका दिन अन्तरजातिय विबाह परम्परागत रुपमा सम्पन्न भएको छ । यस अन्तरजातिय विवाह समाजमा हुने सजातिय विवाहमा कुनै अन्तर नदेखिएको विवाहमा सहभागीहरुले बताएका छन् ।

पुनको आफ्नो संस्कार अनुसार घरको विवाहको काम सकि जन्ति र पन्चे बाजा, रोटी, रक्सी सहित माईत (ससुराली)मा पुगि सामाजिक निम्तोका साथमा बिबाह सम्पन्न भएको हो । यस अन्तरजातिय विवाहले समाजमा परिवर्तन आएको गाउँलेहरुले महसूस गरेका छन् । अन्य सजातिय विवाह र यो अन्तर जातिय विवाहलाई फरक हुन नदिने उदेश्यका साथ विवाह गरेको र सोहि अनुसारको सहयोग छरछिमेकबाट पाएकोमा जन्तीहरुले खुशी ब्यक्ति गरेका थिए ।

स्मरणीय के छ भने, दुलही तुलसी विकका परिवार बिगत १० बर्ष देखि रोजगारीको सिलसिलामा भारतमा बस्दै अअएका थिए र बेहुला मीन बहादुर पुन पनि रोजगारीको सिलसिलामा भारतमै थिए । सोहि समयमा उनिहरुको आन्तरिक सल्लाहमा ५ बर्ष पहिले प्रेम विवाह भएको थियो । र, अहिले आफ्नो पुर्खेउली गाउमा आई परम्परागत किसिमले विबाह गरेका हुन् । बिबाहित दम्पतिका २ सन्तान पनि भैसकेको छन् ।

जति वर्ष पहिले विवाह गरेको भएतापनि तारा लगायत यस क्षेत्र केहि गाविसहरुमा मगर समुदायमा दुलही (ससुराली) पक्षले यसरी नै बाजागाजा सहित धुमधामसंग दुलाहालाई भित्राउने परम्परागत प्रचलन रहि आएको छ । मगर र विक वीचको यस अन्तरजातिय विवाहलाई पनि आफनो पराम्परा र प्रचलन अनुसार स्वीकार गरिएकोमा यसलाई समाज परिवर्तनको उदाहरणको रुपमा हेरिएको इबाग्लुङ्गमा खबर छ ।