उत्तम बिक- युएई ,वैशाख ५, विभेद बिरुद्ध अभियान- विश्वकर्मा समुदाय एकजुट होऔं , आफ्नो कला, सीप, संस्कृतिको रक्षा गरौं ”भन्ने मूल नाराका साथ गत अप्रिल १५ तारिक शुक्रबारका दिन बिश्वकर्मा समाज नेपाल युएईले दोश्रो अबुधाबी क्षेत्रीय भेला अबुधाबीको मुसफा स्थित ग्रीन दरबार रेस्टुरेन्टमा सम्पन्न गरेको छ ।कृष्ण बिश्वकर्मा द्धारा संचालित उक्त भेलामा विश्वकर्मा समाज नेपाल, यूएईका केन्द्रीय अध्यक्ष बाबुराम विश्वकर्मा प्रमुख अतिथि रहेका थिए भने अतिथिहरुमा केन्द्रीय सह-कोषाध्यक्ष कमल खाती केन्द्रीय सदस्य रोहन सुनार, देउ सोनी, सुमित्रा गहतराज, सारजाह क्षेत्रीय समितिका सचिब बुद्ध विश्वकर्मा र सारजाह क्षेत्रीय सदस्य दुर्गा विश्वकर्मा लगायत रहेका थिए ।
शंकर सुनारको स्वागत मन्तब्य बाट शुरु गरिएको उक्त भेलामा कमल खातीले अबुधाबी क्षेत्रीय समितिको प्रगति विवरण सहित मन्तब्य राखेका थिए । भेलाका अतिथि रोहण सुनारले स्थापना काल देखि हाल सम्म विश्वकर्मा समाज नेपाल , यूएईले गरेको महत्वपूर्ण कार्यहरुको समीक्षात्मक जानकारी सहित विश्वकर्मा समाजको वेभ साइडको प्रयोग र ब्यापकता, संगठनको बिस्तार , उदेश्य र अन्तरास्ट्रिय सम्बन्ध माथि प्रकाश परेका थिए ।
त्यस्तै प्रमुख अतिथि बाबुराम बिश्वकर्माले समाजको आवस्यकता, सांगठनिक एकता र बिश्वकर्मा समाज स्थापनाको बहुआयामिक उदेश्य माथि प्रकाश पार्दै भेलालाई थप उत्साहित बनाएका थिए भने कार्यक्रमका सभापति हिरा बहादुर बिश्वकर्माले अबुधाबी क्षेत्रीय समिति विघठन गर्दै प्रथम चरणको कार्यक्रम अन्त्य भएको घोषणा गरेका थिए ।
दोश्रो चरणको कार्यक्रम अन्तर्गत केन्द्रीय अध्यक्ष बाबुराम बिश्वकर्माको सयोजकत्वमा निर्बाचन समिति निर्माण गर्दै दोश्रो कार्यकालको लागि उम्मेद्धाररी दर्ताको लागि आव्हान गरिएको थियो जसमा शंकर सुनारको अध्यक्षतामा १७ सदस्यीय अबुधाबी क्षेत्रीय समिति निर्बिरोध निर्बाचित भएका थिए । उक्त कार्य समितिको अध्यक्ष शंकर सुनार, प्रथम उपाध्यक्ष हिरा बहादुर विश्वकर्मा, दितीय उपाध्यक्ष सुमित्रा गहतराज सचिब जय विश्वकर्मा, सह-सचिब मिलन विश्वकर्मा कोषाध्यक्ष मिलन विश्वकर्मा(घताने)सह- कोषाध्यक्ष झक बहादुर विश्वकर्मा सदस्यहरु हिरा घताने, नारायण विश्वकर्मा, श्याम कुमार विक, नवराज विश्वकर्मा, विशाल विश्वकर्मा, झकेन्द्र विश्वकर्मा, प्रेम सुनार, राम कुमार विक रहेको मजदुर अनलाइनमा खबर छ ।
No comments:
Post a Comment