दलित अधिकारकर्मी पदम सुन्दास बहराइनका लागि राजदुत नियुक्त

बैसाख ७ , विभेद बिरुद अभियान -  करिब २०२१ साल देखि दलित आन्दोलनमा सरिक भई दलित हक अधिकार प्राप्तिका लागि लड्दै आएका योद्धा रुपमा चिनिएका पदम सुन्दास सोही समय देखि दलित आन्दोलनमा सरिक भएर विभिन्न मन्दिर प्रवेश, सहभोज जस्ता कार्यहरुमा संलग्न रही दलित आन्दोलनलाई स्थापित गराउदै आएका छन् । परिश्रमी, नेपाली मञ्च, जनउत्थान जस्ता मासिक पत्रिकाका संरक्षक र साथी लगायत विभिन्न पत्रिकासँग सम्बद्ध साहित्यकार पदम सुन्दासले विसं २०२७ पुसबाट जिल्ला पञ्चायत भोजपुरद्वारा प्रकाशित “भोजपुर” मासिक समाचारपत्रको सम्पादन गर्नुभएको थियो । केही वर्ष प्रकाशित भई बन्द भएको सो पत्रिकाले समाचारका साथै साहित्यिक विधामा पनि राम्रो स्थान पाएको थियो । 

एमाले निकट रहेको मुक्ति समाजको संस्थापक मध्येका एक पदम सुन्दास लामो जनयुद्ध पछि देशमा शान्ति स्थापना भए पश्चात एमाओवादी निकट देखिए पछि उन्को नाम अघिल्लो संविधान सभाको निर्वाचनमा एनेकपा माओवादीबाट सुनसरी क्षेत्र नं. १ बाट सिफारिस  गरेको थियो । पदम सुन्दासले पहिलो संविधान सभाको निर्वाचनमा समानुपातिकको तर्फबाट सबै भन्दा बढि ४०.४१ प्रतिशत मत ल्याएका पनि थिए तर उनलाई संविधान सभामा प्रतिनिधि भने गराएको थिएन ।

पार्टी विभाजन पछि तटस्थ रहेका सुन्दास गैरसरकारी संस्थाको रुपमा रहेको समता फाउन्डेसनका अध्यक्ष तथा जागरण मिडिया सेन्टरको सल्लाहाकारका रुपमा रहेर दलित आन्दोलनलाई सघाईरहेका थिए । तिनै दलित अधिकारकर्मी सुन्दास लाइ मन्त्रिपरिषदले आज गरेको २१ देशका लागि राजदूत सिफारिस अन्तर्गत बहराइनका लागि राजदुत नियुक्त  सिफारिस गरेको छ। लामो समय देखि २१ देशमा राजदूत रिक्त थिए। सरकारले परराष्ट्र सेवाबाट ८ जनालाई राजदूतमा सिफारिस गरेको छ। सरकारले  सिफारिस गरेका नाममा पूर्वमन्त्री देखि पूर्व सांसद सम्म रहेका छन्। संसदीय सुनुवाई पुरा गरेपछि उनीहरुको नियुक्तिको बाटो खुल्ने छ। 

मन्त्री परिषदको निर्णय अनुसार मित्र रास्ट्र बहराइनको राजदुत जस्तो गरिमामय पदमा सिफारिसमा पर्नु भएका पदम सुन्दास ज्युलाइ हार्दिक बधाइ सहित वहाँको कार्यकालमा नेपाल र बहराइन बिचको सम्बन्ध सच्चा मित्रता, पारस्परिक समझदारि र नेपाली कामदारहरुको हकहितमा समर्पित हुँदै सफलता पूर्वक वितोस् भन्ने कामना विभेद बिरुद अभियान् बलगको तर्फ़ बाट गर्दछौ ।