दलितले छोएको खाँदा हाम्रो जात गयो भन्नेलाई कुरीकुरी भएको त् छैन ?

विभेद बिरुद्ध अभियान, चैत्र १५ –जातीय भेदभाव र छुवाछुत रहित समता मूलक समाज निर्माणमा प्रतिवद्ध रहौं भन्दै बर्षौ अघि महाकवि लक्ष्मीप्रसाद देवकोटाले "क्षेत्रीको छोरो यो पाउ छुन्छ, घिनले छुँदैन.... मानिस ठूलो दिलले हुन्छ जातले हुँदैन ।" भन्दै मुनामदनको सृजना गरे । तर मुनामदनको भाका हाली हाली गाउने यो समाज जातीय भेदभाव र छुवाछुतको बिषयमा भने दिमाग भरि संक्रीणताको लेउ बोकेर हिडी रहयो ।

२१ औं शताब्दीको युगमा पनि हाम्रो समाजले मुसहरहरुले छोएको पानी खाँदैन । हामी पनि त्यही समाजका मान्छे हौं । ७७ दिन देखि निरन्तर उनीहरुसंगै खाना खाइरहेका छौं । न हामी सानो नै भयौं । न हाम्रो जातै गयो । भन्दै ठुलो र सानो भन्ने संक्रीणताको लेउ खुर्केर ब्यबहारिक रुपमा समतामूलक समाज निर्माणमा प्रतिवद्ध भएको यसरि उदाहरण धुर्मुसले दिदैछन .....धुर्मुसको यो सत्य कुराले दलितले छोएको खाँदा हाम्रो जात गयो , इज्जत गयो भन्नेहरु लाई कुरीकुरी भएको त छैन ?