विभेद बिरुद्ध अभियान - चैत १६ गते । राष्ट्रिय मानव अधिकार आयोगले मानव अधिकारकर्मी स्व. दयाराम परियारको नाममा छुट्टै वेभसाइट सार्वजनिक गरेको छ । स्व. परियारको ११ औँ स्मृति दिवसका अवसरमा आयोगको परिसरमा मङ्गलबार आयोजित कार्यक्रममा आयोगका अध्यक्ष अनुपराज शर्माले स्व. परियारको नाममा तयार गरिएको छ्ुट्टै वेभसाइट सार्वजनिक गर्नुभएको हो ।
स्व.परियार आयोगका तत्कालीन जनकपुर सम्पर्क कार्यालयमा कार्यरत कर्मचारी हुुनुहुथ्यो । सुरक्षाकर्मीको गोली लागी ११ वर्ष अघि परियारको मृत्यु भएको थियो ।
स्मृति दिवसका अवसरमा स्व. दयाराम परियारका दाजु प्रकाशचन्द्र परियारले दयाराम स्मृति मानव अधिकार लेखन वृत्ति र वृत्त चित्रको निर्माण लगायतका कार्यहरु गर्नुपर्ने सुझाव दिनुभएको थियो ।
कार्यक्रममा यस वर्षको ‘दयाराम परियार स्मृति मानव अधिकार सम्मान’ बाट दलित तथा भूमिहीन अधिकारको क्षेत्रमा क्रियाशील सिरहाका वलदेव राम र महिला, बालबालिका तथा असहाय अधिकारको क्षेत्रमा क्रियाशील उदयपुरकी नजबुल खानलाई दिने घोषणा गरियो । उक्त सम्मान आउँदो जेठ १३ गते आयोगको स्थापना दिवसका अवसरमा प्रदान गरिने पनि बताइएको छ ।
No comments:
Post a Comment