विभेद बिरुद्ध अभियान

दलित सवालहरूलाई आमसमुदायसम्म पुर्‍याउने प्रयास

LightBlog

Sunday, July 30, 2017

आमा रोग लागेर थलिइन्, बाबुले आत्महत्या गरे, छोराछोरीको बिचल्ली (भिडियोसहित)

आशिष विश्वकर्मा- विभेद बिरुद्ध अभियान -साउन १५ - इटहरी। सुनसरी बराह नगरपालिका ८ सालबन्दीकी ४५ वर्षीया बालकुमारी रसाइली बिरामी भएर ओच्छ्यान परेको २ वर्ष भयो । आर्थिक अभावका कारण उनले राम्रोसँग उपचार पाउन सकेकी छैनन् । त्यसमाथि उनलाई उनका नौ जना छोराछोरीको पालन पोषणको समेत चिन्ता छ । नवौं सन्तानको रुपमा दुई वर्षअघि उनले कान्छी छोरी पाइन् । छोरी जन्माउँदा अपरेशन गर्नुपरेको थियो । अपरेशनको खर्चसमेत चन्दा उठाएर विराटनगरको नोबेल अस्पतालमा अपरेशन गरिएको थियो । तर उनको घाउ निको भएन । आर्थिक अभावकै कारण राम्रोसँग उपचार नभएपछि सोहि ठाउँमा हर्निया भएर उनले दोस्रो अपरेसन गराइन् । दोस्रो पटक विपि कोइराला स्वास्थ्य विज्ञान प्रतिष्ठान धरानमा दुई महिना बसेर उपचार गराइन्, त्यो खर्च पनि गाउँलेले नै ब्यहोरिदिए ।
मजदुरी गरेर परिवार पाल्दै आएका श्रीमान पदम रसाइली श्रीमती बिरामी भएपछि उपचारतिर लागे । जसको कारण उनको घरमा आगो बल्न छाड्यो । एकातिर आर्थिक अभावका कारण श्रीमतीको उपचार गर्न नसकेको पीडा, त्यसमाथि मजदुरी गर्न पनि नपाउँदा परिवारमा दुई छाक खान नै समस्या हुन थाल्यो । परिवारको बिजोग देख्न नसकेपछि पदमले आठ महिनाअघि नजिकै रहेको कोशीमा हाम फालेर आत्महत्या गरे ।
श्रीमानले आत्महत्या गरेपछि रोगले भन्दा श्रीमानको वियोगले बढी छाती चिरियो । कमाएर खुवाउने श्रीमान नै गुमाएपछि उनको परिवार अहिले मागेर खान बाध्य छ ।
ऐलानी जग्गामा बस्दै आएको यो परिवारसँग न सुत्ने, बस्ने ठाउँ राम्रो छ न ओढ्ने आच्छ्याउने नै । पानी परेको दिन घर चुहेर बसि नसक्नु हुन्छ । खान लाउनै समस्या भएपछि यी बालबालिकाहरुले पढ्नसमेत पाएका छैनन् ।  भिडियो /समाचार साभार :-न्यूजलय