भगत सर्वजित मानव मर्यादा राष्ट्रिय पुरस्कार बाट ३ जना सम्मानित

विभेद विरुद्ध अभियान ,साउन ,१२- संस्कृति, पर्यटन तथा नागरिक उड्डयन मन्त्रालयले यस वर्षको राष्ट्रिय तथा क्षेत्रीय प्रतिभा पुरस्कार वितरण गरेको छ।

बुधवार राजधानीमा कार्यक्रमको आयोजना गरी पुरस्कार वितरण गरिएको हो। राष्ट्रिय पुरस्कारबाट ४ जना पुरस्कृत भएका छन्। परस्कृत हुनेले जनही १ लाख रुपैयाँ प्राप्त गरेका छन्। त्यस्तै विभिन्न ४ विधामा २० जनालाई क्षेत्रीय पुरस्कार दिइएको छ। क्षेत्रीय पुरस्कारबाट पुरस्कृत हुनेले सम्मान पत्रसहित जनही ५० लाख रुपैयाँ प्राप्त गरेका छन्।

 त्यस्तै यस वर्षबाट नेपालको दलित मुक्ति आन्दोलनका अग्रणी संस्थापक नेता भगत सर्वजीत विश्वकर्माको स्मृतिमा पहिलो पटक नेपाल सरकारले स्थापना गरेको भगत सर्वजित मानव मर्यादा राष्ट्रिय पुरस्कार समेत प्रदान गरिएको छ।भगत सर्वजित मानव मर्यादा राष्ट्रिय पुरस्कार तीन विधामा तीन जनाले उक्त पुरस्कार पाएका छन्।

यो पुरस्कार स्वर्गीय पदम सिंह विश्वकर्मा, पदम सुन्दास र मोदनाथ प्रश्रतिलाई प्रदान गरिएको छ । पुरस्कारको राशी जनही एक लाख रुपैयाँ रहेको छ । सम्माननीय प्रधानमन्त्री केपी शर्मा ओली र संस्कृति, प्रयटन तथा नागरिक उड्ययन मन्त्री आनन्द पोख्रेलले सम्मानित सवै लाई नगद तथा प्रमाणपत्र बितरण गर्नु भएको थियो । 

तस्वीर स्रोत :सुशील बिके