युएई गएको चार दिनमै दिपेश सुनारको मृत्यु,शव नेपाल ल्याउन समस्या

दुबई,विभेद बिरुद अभियान -  भाद्र १३  । भिजिट भिसामा युएई आएर काम खोज्दै गरेका एक नेपालीको मृत्‍यु भएको छ । चार दिन पहिले पर्यटकिय भिसामा युएई आएका ढेकावार २ केरवानी छ नम्बर चौराह चोक रुपन्देहीका दिपेश सुनारको युएईमा ज्यान गएको हो ।

दुबईमा कार्यरत आफ्नै साथीको सहयोगमा काठमान्डौ बाटै आँफैले निकालेको भिजिट भिसा मार्फत चारदिन पहिले युएई आएका बिहीवार राती हृदयघातका कारण ज्यान गएको हो ।

२४ बर्षिय सुनार युएई आएको दुईदिन सम्म सँगै पढेको साथी हेम गुरुङ सगैं बरदुबईको मिना बजारमा बसेका थिए । उनि बिहीवार बेलुका युएईको आबुधाबीमा कार्यरत आफ्ना काका धनबहादुर सुनारलाई भेट्न आबुधाबीको आईकार्ड पुगेका थिए । काकालाई भेटेर , काकासँगै राम्रै खाना खाएर सुतेका उनि बिहान तीन बजे सुतेकै ठाउँमा छटपटाई रहेको देखेर काकाले अन्य सहकर्मीहरुसगैं गएर हेरेका थिए । त्यो बेला दिपेशको ज्यान गईसकेको काकाले बताए ।

मृतकको सुनारको शब अहिले आबुधाबीमा रहेको खालिफा हस्पिटलमा राखिएको दलित सन्जाल युएईका अध्यक्ष बिनोद विश्वकर्माले जानकारी दिए ।

रोजगारीका लागि यस् अघी रसिया जानुभएका उनि चार महिने पहिले बुवाको निधनमा नेपाल फर्किएका थिए । उनी आफैले खोजेर रोजेको काम गर्ने मनासयले भिजिट भिसामा युएई आएका थिए उनको ज्यान गएपछि शब नेपाल पठाउदा हुने समस्याले गर्दा आफन्त चिन्तित छन । मृतक दिपेसको परिवारमा आमा, गर्भवती श्रीमती र १ छोरा समेत रहेको र अहिले परिवारमा रुवावासी चलेको रेडियो देबदहका पुर्व स्टेसन म्यानेजर याम रानाले बताए ।

शव नेपाल पुराउन समस्या

उनको मृत्‍युले युएईमा कार्यरत आफन्तहरुलाई थप समस्या परेको छ । भिजिट भिषामा रहदा मृत्‍यु भए शब सम्बन्धित मुलुक पुराउन खर्चिलो हुन्छ । यसरी ज्यान गुमाउनेको शब नेपाल लैजादा लाग्ने खर्च आफन्तले जुटाउनु पर्छ । धेरै पैसा लाग्ने भएकाले मृतकको शब कसरी नेपाली पठाउने भन्ने समस्या भएको छ । मृतकका मामा शंकर शर्माले शब नेपाल पुराउन सक्दो सहयोग गरिदिनुहुन युएईमा रहेका संघसंस्थालाइ अनुरोध गरेका छन् ।

भिजिट भिसा निकालेको ट्राभल एजेन्सी मार्फत कानुनी प्रकृया पुरा गरेपछि दुतावासले बाँकी प्रकृया पुराएर शब नेपाल पठाउन सहयोग गर्ने जनाएको छ ।