सुर्खेत विरेन्द्रनगरकी अनमि वर्षा सुनारले दलित भएकै कारण कोठाभाडा पाईनन्

विभेद बिरुद्ध अभियान , (शान्ता कमली ) बैसाख ११  । धमिलिकुवा स्वास्थ्यचौमै कार्यरत अनमि सुर्खेत विरेन्द्रनगरकी वर्षा सुनारले पनि आफुमाथि जातिय विभेदपूर्ण व्यवहार भएको भन्दै दुखेसो पोखिन् । ०७२ मा नियुक्ति लिएर राईनास मोहोरियाकोट स्वास्थ्य चौकीमा खटिएको र दलित भएकै कारण गाउँमा कसैले पनि कोठा नदिएको नमिठो भोगाई उनले सुनाईन् ।

तत्कालिन स्वास्थ्य चौकी ईञ्चार्ज आनन्द सेढाईंले कोठा खोज्न निकै खटेको तर सानोजातकी भन्दै कसैले कोठा दिनै मान्दैनन्’ भनेपछि साह्रै दुःख लागेको उनले बताईन् । गाउँमा कतै कोठा नपाएपछि स्वास्थ्य चौकीमै बस्न थालें,’ उनले भनिन्, ‘त्यहाँ अकलादेवी अधिकारी दिदी अर्कोकोठामा बस्नु हुन्थ्यो तर, उहाँले मलाई यति छिःछि र दुरदुर गर्नुभयो कि, भनिसाध्यै छैन ।’

गाउँलेहरु र आफ्नै सहकर्मीबाट भएको दुव्र्यवहारले आफुलाई निकै तनाव भएकाले धमिलिकुवा सरुवा भएको तर त्यहाँपनि उस्तै सास्ती भोग्नु परेको उनले बताईन् । ‘नपढेका, नबुझेकाहरुले भेदभाव गर्छन्, छुवाछुत गर्दछ् भन्ने लागेको थियो,’ उनी भन्छिन्, ‘समयले मलाई एउटा फरक पाठ सिकायो, शिक्षित र जानेबुझेकै मान्छेहरुबाट पनि त्यस्तो हुँदो रैछ ।’