विजय थापा ,वाशिंगटन डिसी असोज १३,विभेद विरुद्ध अभियान । गोरखाको बिकट गाउँ ताक्लुंगको एक दलित परिवारमा जन्मिएकी बिष्णु माया परियार (मानार्थ-विद्यावारिधि) लाई गत सेप्टेम्बर २७ तारिख उनको सम्मानमा प्रोकेलेमेसन (घोषणा) गर्दै सेप्टेम्बर २७ तारिख दिन उनलाई समर्पित गर्दै सम्मान गरिएको छ ।
हाल समाज सेवी डा बिष्णु माया परियार बोस्टन छोडेर न्युजर्सीलाई कर्म थलो बनाएकी छिन् । उनले न्युजर्सीमा कारणको लागि महिला नामक गैर मुनाफा सामाजिक संस्थाको स्थापना गरेकी छिन् ।
उनि भूकम्प लगत्तै नेपाल पुगी करिब एक महिना नेपाल बसी आफ्नो गाउँ पुगी राहत ,आर्थिक सहयोग ,अन्य सहयोग तथा पुनर्निर्माणमा जुटी फर्केकी थिइन् ।
डा परियार सयुक्त राज्य अमेरिकाको बोस्टनस्थित इम्पावोर दलित वुमन अफ नेपाल (EDWON) कि संस्थापक अध्यक्ष हुन भने अमेरिकाको क्लार्क विश्वबिद्यालयबाट सामाजिक परिबर्तन र अन्तर रास्ट्रिय बिकासमा स्नातकोतर गरेकी छिन् ।
२०१३ मा बिष्णुमाया परियारलाई अमेरिकाको मासाचुसेट्स राज्यस्थित १०० बर्ष अगाडी स्थापंना भएको ख्याती प्राप्त “पाइन् मानोर कलेज”ले मानार्थ बिद्यावारिधी द्वारा सम्मान गरेको थियो ।
नेपाली समाजमा रहेको छुवाछुत, भेदभाव, घरेलु हिंसा, महिला उत्थान र महिला शसक्तिकरण सम्बन्धि बिशेष भूमिका निर्वाह गर्दै आफ्नो अभियानमा निरन्तरता दिई रहेकी छिन् ।एड्वानले नेपालमा महिला शशक्तिकरण सम्बन्धी नेपालका दलित महिला,बालबालिका र अन्य बिपन्न समुदायका महिला र बालबालिका उत्थानका लागि बिद्यालय स्थापना तथा बिभिन्न कार्यक्रमहरु सन्चालन गर्दै आएको छ।
सामाजिक क्षेत्रमा उल्लेखनीय योगदान गरे वापत उनलाई कदरस्वरुप ४ दर्जन भन्दा ज्यादा राष्ट्रिय र अन्तर रास्ट्रिय पुरस्कार द्वारा उनि सम्मानित भै सकेकी छिन् ।
नारी दर्पण बाट
No comments:
Post a Comment