दिनेश गजमेर, धरान– दलित विकाशका कार्यक्रममा अनियमितता भएको भन्दै उजुरी परे पछि हिसाब किताब तथा विवरण पेश गर्न धरान नगर पालिकालाई अख्तियार अनुसन्धान आयोगले निर्देशन दिएको छ ।
दलित उत्थान समन्वय समिती धरानको आर्थिक वर्ष ६९÷७० तथा ७०÷७१ को हिसाब किताब दाखिला गर्न
असार १० गते पत्र पठाएको छ । पत्रका दलित विकाश कार्यक्रमको खर्च, रकम निकासाको कागजात माग गरिएको छ ।
अघिल्लो वर्ष ६९÷७० मा समितीले कार्यक्रम सम्पन्न नगरि बिल भर्पाई फच्र्यौट गरेको समाचार प्रकाशित भए पछि अख्तियारले कागजपत्र माग गरेको थियो । तत्कालीन अवश्थामा नगर पालिकाले जिल्ला प्रशासन कार्यालय सुनसरी मार्फत सम्पुर्ण कागजपत्र पेश गरेको थियो । प्रशासनले अख्तियारमा बुझाएको पत्रमा पेश्कि रकम फिर्ता भएको धरान नगरपालिकाले जनाएको उल्लेख गरेको छ ।
आ.व. ६९÷७०को अनियमिततालाई मध्यनजर गरि आर्थिक वर्ष ७०÷७१ को विकाश कार्यक्रमको हिसाब मागेको जिल्ला प्रशासन कार्यालय सुनसरीका एक कर्मचारीले बताए । उनले भने, प्रशासन कार्यालयले पठाएको प्रतिवेदनमा चित्त नबुझेर पुनः छानबिन गरेको हुन सक्छ । सो समयको अख्तियारको छानबिन पुरा नभईसकेको उनले बताए । नगर पालिकाले सम्पुर्ण कागजात पठाए पनि काँही त्रुटि देखिएकाले छानबिन प्रक्रियामै रहेको हुन सक्ने उनको भनाई छ ।
अख्तियारले आ.व. ७०÷७१ को विकाश कार्यक्रमको छानबिन गर्न ५ जना सरोकारवालालाई हाजिर गराउन भनेको छ । कार्यक्रम अन्र्तगत संचालन भएको सिपमुलक तालिममा सहभागि भएका ५ जनालाई सोधपुछका लागि बोलाएको हो । यस वर्षको कार्यक्रममा तालिमनै संचालन नगरि बिलभौचर पेश गरेको उजुरी परेको श्रोतले जनाए ।
यता दलित उत्थान समन्वय समितीका सचिव शेर बहादुर परियारले दलित विकाश कार्यक्रम पुर्ण रुपमा सम्पन्न भएको बताए । कार्यक्रम सम्पन्न गरि सामाजिक लेखा परिक्षण गरि नगर पालिकालाई प्रतिवेदन पेश गरेको उनले दावी गरे । अख्तियारले समितीको नाममा कुनै पत्र नपठाएको उनले जनाए । हामीले कार्यक्रम सम्पन्न भएको प्रतिवेदन बुझाईसकेका छौ उनले भने समितीलाई कुनै जानकारी छैन् ।
धरान नगर पालिकाले असार १३ गते अख्तियारलाई विवरण पठाईसकेको छ । विवरणमा नेपाल सरकारको कार्यविधि अनुरुप काम गरेको, दलित समुदायको सहभागिता र सक्रियतामा संचालन भएको, फिर्ता आउनु पर्ने फिर्ता भैसकेको उल्लेख गरिएको छ ।
अघिल्लो वर्षको कार्यक्रममा विवाद देखिएकाले यस वर्ष के कस्तो भयो भनेर बुझ्न खोजिएको धरान नगर पालिकाका प्रशासकिय अधिकृत गणेश खतिवडाले बताए । अख्तियारले मागेको विवरण सबै पठाईसकेको उनले बताए । आव ६९÷७० मा दलित विकाशका लागि ४ लाख २० हजार र आव ७०÷७१ मा ५ लाख २५ हजारको विकाशका कार्यक्रम संचालन भएको थियो । गत वर्षको दलित विकाश बजेट बाट ५ लाख २३ हजार ८ सय ८२ रुपैया नगर पालिकाले भुक्तानी गरिएको बुझिएको छ ।
No comments:
Post a Comment